Amós 3:15 - Biblia Enxet

¹⁵ Amasséssók sa' ma'a tegma kélanchesso nak chá'a kammok ekhem apmopsamágexa, tén han ma'a kélanchesso nak chá'a kammok ekhem ekmexanmakxaxma, amasséssók sa' ma'a tegma apkeltaqmalma kélnáxegkáseykha nak chá'a apkelánamap ma'a yánnapóxeg apma'ák, nápakha'a apketkók sa' atnessásekxak ma'a tegma apkelyawe apkeltaqmalma nak.” Wesse' egegkok apxeyenma xa.

Amós 3:15 Referans Kwoze

Jeremías 36:22

Axta aphak wesse' apwányam ma'a kañe' aphamakxa axta chá'a yepsamágek, amonye' átex éláléwe, hakte chaqhawok axta m'a pelten nueve.

1 Reyes 22:39

Ektémakxa axta apweynchámeykha Ahab tén han ekyókxoho aqsok apkelane, keñe han aptémakxa axta apkeláneya m'a tegma apyawe apagkok apkelmeykencha'a yánnapóxeg apma'ák apkelnáxegkáseykencha'a, tén han apkeláneya axta tegma apkelyawe, hágkek eknaqtáxésamaxche m'a weykcha'áhak apagkok axta m'a kelwesse'e apkelwányam nak Israel.

Jueces 3:20

Xama axta aphákxo apxakkók Ehud yetlo m'a Eglón, cham'a aphakxa nak chá'a ekmáxaqxamakxa nak exma, apyepetchegwokmók axta m'a keñe aptáha apcháneya s'e: —Amya'a seksántegkesa nak xép wesse', keñamak ma'a Dios. Yetlókok axta han apkempeykekxa néten Eglón néten aptaháno apleg'a xa,

Amós 6:11

Hakte Wesse' egegkok sa' yának kóllegássesagkohok ma'a énxet'ák apheykha nak tegma apkelyawe, tén han ma'a ketcheyetse nak, nápakha'a apketkók sa' etnekxak ma'a apyókxoho nak.

Isaías 5:9

Naqsók ko'o aptáha appeywa seyáneya Wesse' ekha nak apyennaqte s'e: “Apxámok sa' tegma kólmasséssók; cham'a apkelyawe nak tén han ma'a apkeltaqmalma nak, méko sa' kaxnekxak xama m'a.

Amós 3:11

Cháxa keñamak aptáha nak Dios Wesse' egegkok se'e: “Ewakhak sa' kélenmexma m'a kélókxa, eyaqnegkessesek sa' ma'a kélhaxtegkesso nak ekyennaqte nepyáwa' m'a tegma apwányam kélagkok, elmagkok sa' aqsok ekhéyak nak ma'a tegma apkelyawe kélagkok.”

Salmos 45:8

Apkelpaqneykmók apkelnaqta m'a aqsok ánek ekmátsa nak ekpaqneyam, tén han áloe, tén han canela; kélpeykessáseykekxeyk apwáxok kélpáwássessama yát'axpog ma'a apxagkok apkelyawe nak, kélnáxegkáseykha nak yánnapóxeg apma'ák.

Amós 2:5

Cháxa keñamak peya nak ko'o awatnek ma'a Judá, kamasséssók sa' tegma apkelyawe nak Jerusalén xa táxa nak.”

Amós 5:11

Megkólhakha sa' ma'a kélxanák apkeltaqmalma kélláneyak axta meteymog eñama kélnaqtawáseykegkoho m'a meyke nak aqsok apagkok tén han kéltémo elyánmagkasek chá'a hótáhap apaktek elmések kéxegke, megkólyenagkek sa' nahan vino éleñama m'a kélcheneykekxa nak.

Malaquías 1:4

Aptemék sa' agkok énxet'ák apheykha nak Edon se'e, cham'a aptawán'ák neptámen nak Esaú: “Ẽltawassáseykha eykhe negko'o negókxa, anxátekhásekxak sa' eyke makham,” Tén sa' etnehek Wesse' egegkok se'e: “Exátekhásekxak sa' makham apchókxa m'a, atwássesha sa' eyke ko'o makham. Kaltamhaxchek sa' apchókxa ‘Apchókxa Ekmaso Ektémakxa', tén han ‘Énxet'ák Apkeltaqnagko nak Wesse' egegkok meyke néxa.”