Abdías 1:6 - Biblia Enxet

⁶ ¡Esaú, kélsawheyásawok aqsok apagkok! ¡Ekyókxoho agko' kélmenyexchásak xép aqsok élmomnáwa apagkok!

Abdías 1:6 Referans Kwoze

Jeremías 49:10

Meyke agko' aqsok eyke ko'o ektemessáseykxak ma'a Esaú énxet'ák apagkok, yáxña'akxoho ekpekkenchásekxak ma'a apkelyexánegweykekxexa nak chá'a, mopwanchek kaxwók elxeganmok. Kélmasséssekmek apyókxoho m'a apketchek, apnámakkok, tén han ma'a apheykha nak ketók apheykegkaxa; megyeymékpok xama enxoho yaqwayam etnehek appeywa s'e:

Salmos 139:1

Wesse', apkelányok xép sektémakxa, ey'ásegkok nahan;

Daniel 2:22

Cha'a senxekmósso chá'a aqsok ekmáske nak agya'asagkoho', tén han ekpowásamáxche nak; hakte apweteyak ma'a ekhéyak nak ekyáqtésakxa exma, yetnegkek xamo' ma'a élseyéxma nak.

Jeremías 50:37

¡Kólnáhap ma'a sẽlpextétamo apagkok: elpexyennók sa' apkelaye! ¡Kólnáhap yátnáxeg apagkok, kólekkexches ma'a yátnáxeg apkelyenyawasso apagkok! ¡Kólnáhap ma'a sẽlpextétamo apagkok kélyánmagkasso nak chá'a ekyánmaga apkempakhe: máxa kelán'a sa' etnahagkokxa'! ¡Kólmasséssem ma'a aqsok éltaqmalma apagkok: kólmenyexchesák aqsok apagkok!

Isaías 45:3

Almések sa' ko'o exchep ma'a aqsok élmomnáwa élpowásamáxche nak, aqsok ekxámokma kélxata nak ma'a kañe' kélpóssamakxa nak chá'a aqsok, yaqwayam sa' ey'asagkoho', ko'o sektáha nak Wesse', Israel Dios apagkok, sekwóneykencha'a exchep.

Isaías 13:16

Nápaqta'awók sa' chá'a kólyenhaksek xapop ma'a apketchek apketcheyetse nak; kólmenyexchesek sa' aqsok ma'a apxanák, kólnaqtawássesagkohok sa' ma'a apnaqteyegka'a.