Abdías 1:16 - Biblia Enxet

¹⁶ Askohok agko' axta kélya kéxegke sekyeta axta egheykok kélyeneykegko axta m'a egkexe ahagkok ekpagkanamaxche nak, sa' kaxhok han ekmáske sekyeta egheykok peya sa' énagkok énxet'ák ekwokmoho apyamásegko, emassegwók sa' apyókxoho.

Abdías 1:16 Referans Kwoze

Joel 3:17

“Kólya'ásegwók sa' kéxegke ko'o sektáha nak Dios Wesse' kélagkok, sekha m'a Sión, egkexe ekpagkanamaxchexa ahagkok nak. Tegma apwányam appagkanamap sa' etnehek ma'a Jerusalén: kamaskok sa' emok kaxwók ma'a énxet'ák apkeleñama nak mók nekha.

Jeremías 49:12

Aptáhak Wesse' egegkok se'e: “Énxet'ák megkapayhémo axta eykhe énagkok ma'a kélyeta nak egheykok sẽllegassáseykegkoho, apyeneykegkek axta eyke. Megkatnehek sa' xépxa megkóllegassáseykegkoho, ének sa' xépxa m'a kélyeta nak egheykok.

Habacuc 1:9

Emasséssók chá'a ekyókxoho aqsok apkelwánxa enxoho chá'a, etekkesek chá'a élmeneymáxche apmonye'e, apxámok apagko' chá'a etnehek apkelma apkelenmexma, ekweykenxal'a ekxámokma yagkamex ma'a neyáwa wátsam ekwányam.

Isaías 42:14

Aptáhak Wesse' egegkok se'e: “Ahóxek agko' sekwanmeyeykha aqsa, ekwanmagkamchek aqsa, mapaqméteykha xama enxoho; awhesha sa' kaxwo', máxa sa' atnehek ma'a ektémól'a kelán'a káskok awáxok kamáwhok katnehek naqláwa, wápentegmakha sa', atekkesha sa' nahan sénnama.

Lamentaciones 4:21

¡Apchókxa Edom, kaktegmaha, kapayhekxa awáxok; ekhama axta ektéma máxa wesse' ekwányam ma'a yókxexma Us! ¡Kaxkak sa' xeyáxa' m'a ekya ekmáske nak, kaqhek sa' ektémól'a anmen, meyke apáwa sa' kaweynchamha!