Abdías 1:10 - Biblia Enxet

¹⁰ “Emegqáwhok apagko' sa', kólmasséssók sa' nahan megkatnégwayam néxa, eñama aptawáseykegkoho m'a apyáxeg Jacob tén han apchaqhe.

Abdías 1:10 Referans Kwoze

Amós 1:11

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Edom, megkatnehek sa' mallegassáseykegkoho; hakte yetlo sókwenaqte apkelmeykha apmenxeneykha m'a apkelyáxeg'a israelitas, meyke apkelmopyóseka apkelányo. Megyésseykekxak apkeltaqnagkama, megkamassegweykmok apkello.

Ezequiel 35:9

Atnessásekxak sa' yókxexma meykexa énxet meyke néxa, méko sa' kaxek chá'a m'a tegma apkelyawe agkok nak. Keñe sa' kólya'ásegwók kéxegke, sektáha ko'o Wesse'.

Salmos 89:45

ekmanyehe aptemessásak apwányamo, apméssek apmegqakto ekwányam agko'.

Génesis 27:41

Aptaqnagkamchek axta Esaú m'a Jacob, eñama m'a apkelmaxnéssesso axta aqsok éltaqmela m'a apyáp, axta temék ekpaqméteykencha'a apwáxok se'e: “Kaxwók sa' kawak sẽllapwámeyak eñama apketsapma m'a táta, keñe sa' natámen xa waqhek ko'o m'a eyáxeg Jacob.”

Salmos 137:7

Wesse', kaxénwakxoho apwáxok ma'a edomitas, aptéyeykmo axta m'a Jerusalén, aptéma axta apkelpaqmeyesma s'e: “¡Kóltegkes, kólmasséssem ekweykmoho apowhók!”

Miqueas 7:10

Elwetak sa' nahan ma'a sélenmexma nak, cháxa peya sa' kalmegqaksohok apagko' xa. Hakte axta etnehek chá'a heyának se'e: “¿Háxko aphakxa Dios Wesse' apagkok?”, alanha sa' ko'o kaxwo' kólteyammaha ektémól'a yelpa' m'a ámay nak.

Joel 3:19

Ekmaso sa' katnekxak ma'a Egipto, keñe sa' Edom katnekxak meykexa énxet, hakte apketámeykegkek axta m'a énxet'ák Judá, apkelnapmeyk axta énxet'ák meyke nak apkeltémakxa apheykha axta m'a.

Ezequiel 7:18

Elántaxnekxak sa' ma'a apáwa sẽlwáxaqxamól'a magkenatchesso éllegágkoho apkelwáxok; kalpexyennók sa' ekyókxoho apyempe'ék, elxog sa' yetlo élyexwáseykekxa nápaqta'a apkelmegqakto, tén han élmópeyo agko' apkelyese.

Lamentaciones 4:21

¡Apchókxa Edom, kaktegmaha, kapayhekxa awáxok; ekhama axta ektéma máxa wesse' ekwányam ma'a yókxexma Us! ¡Kaxkak sa' xeyáxa' m'a ekya ekmáske nak, kaqhek sa' ektémól'a anmen, meyke apáwa sa' kaweynchamha!

Jeremías 51:51

Kéltáhak kéxegke kélpeywa s'e: “Nélmegqakkek negko'o nenleg'a ektáhakxa sẽlwanyeykha. Nélmegqakkók egagkók negko'o hakte weykmók apkelántaxnama énxet apkeleñama mók nekha m'a kañe' ekpagkanamaxchexa agko' nak ma'a tegma appagkanamap.”

Jeremías 49:13

Naqsók ko'o sektáha sekpeywa s'e, sektáha nak Wesse': Yókxexma meykexa énxet sa' etnekxak ma'a tegma apwányam Bosrá, nápakha'a apketkók sa' etnehek, segestéhegkesso sẽltemessáseykekxa mékoho, tén han kéltémo hẽltemessessamhok exma ekmaso, nápakha'a apketkók sa' nahan etnekxak ma'a pók tegma apkelyawe nak megkatnégwayam néxa.”

Jeremías 3:25

Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”

Salmos 132:18

Almegqaksohok ahagko' sa' ma'a apkelenmexma nak, keñe sa' ma'a atnéssesek apcheymákpoho.”

Salmos 109:29

¡Elmegqáwhok apagko' sa' ma'a sélenmexma nak. ¡Kápok sa' apkelmegqakto, aptémól'a kélaqlamaxche'!

Salmos 69:7

Élmalláneykegkek ko'o sektaqnómaxche', eñama sekyetleykha exchep; ekmegqaktegke';

Génesis 27:11

Aptáhak axta Jacob apcháneya egken se'e: —Áwa' apyempehek eyke eghak ma'a eyapma nak, keñe ko'o méko.

Deuteronomio 23:7

“Eyke nágkóltaqnawák chá'a m'a edomitas, hakte kélteme kélnámakkok kéxegke m'a; tén han ma'a egipcios, hakte kélheykha axta kéxegke m'a apchókxa nak;

2 Crónicas 28:17

hakte apketámegkokxeyk axta makham énxet'ák Edom ma'a, apmenxenchek axta makham ma'a énxet'ák Judá, apkelmeyk axta makham nápakha énxet'ák.

Proverbios 10:6

Awanhek katnehek kélpasmo m'a énxet appéwomo nak, keñe m'a ekmaso nak aptémakxa, wánxa aqsa keytek apwáxok ma'a apyennaqteyáseykha nak apyempehek.

Deuteronomio 23:8

apwanchek sa' chá'a etnahagkok Wesse' egegkok énxet'ák apagkok ma'a aptawán'ák nak.

Proverbios 17:5

Elókasek chá'a ektáha axta Apkelane m'a énxet apkesmésso nak ma'a meyke nak aqsok apagkok; kóllegássesagkohok sa' chá'a m'a ektáha nak ekpayheykekxa apwáxok apwete ektemegweykmoho exma apha.

Jeremías 12:14

Aptáhak Wesse' egegkok apkelxéna énxet'ák élmasagcha'a nak apkeltémakxa, apheykencha'a nak neyáwa Israel, aptawassáseykencha'a nak xapop apmeyáseykekxa axta m'a énxet'ák apagkok Israel: “Alántekkesek sa' ko'o apheykegkaxa nak xapop apagkok xa, keñe sa' alántekkesek énxet'ák Judá m'a nepyeseksa nak.

Lamentaciones 4:22

Sión, massegwokmek kaxwók xeye' eklegeykegkoho; metekkesek sa' kaxwók Wesse' egegkok ey'aksek megkatnahakxa eyókxa'. Keñe sa' xeye' Edom, eñássesagkohok sa' ektémakxa ekmaso, yáxña'akxoho sa' epekkenchásekxak ektémakxa megkay'assáxma.