2 Samuel 7:21 - Biblia Enxet

²¹ Apkeláneyak xép se'e ekyókxoho aqsok sempelakkasso nak agweta', ekhawo apxeyenma axta elána' tén han apmopmenyého, yaqwayam enxoho eykpelkohok ko'o;

2 Samuel 7:21 Referans Kwoze

Salmos 115:1

Wesse', ná hentemésses negko'o néleymáxkoho, xép akke payhawók kólteméssesek apcheymákpoho, ¡eñama segásekhayo tén han apteme ekmámnaqsoho mehegyenyaweykha!

Salmos 138:2

Altekxók sa' ko'o etapnák apayhohok ma'a tegma appagkanamap apagkok aptaqmalma nak, yaqwayam agkések ekxeyenma ewáxok eñama segásekhayo, tén han apteme apmámnaqsoho, hakte apteméssessegkek xép apwesey tén han appeywa néten agko' ma'a ekyókxoho aqsok.

Deuteronomio 9:5

Háwe eñama kéltémakxa ekpéwomo tén han kéltémakxa ektaqmalma yaqwayam kagkések kéxegke xapop apagkok nak ma'a énxet'ák nak; Wesse' egegkok apkelántekkesso kélmonye'e kéxegke m'a, eñama apkeltémakxa élmasagcha'a, yaqwayam enxoho elának nahan ma'a apkeltennassama axta chá'a elának ma'a Abraham, Isaac tén han ma'a Jacob kélyapmeyk nanók axta kéxegke.

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.

1 Crónicas 17:19

Wesse', apkeláneyak xép se'e ekyókxoho aqsok sempelakkasso nak agweta', eñama semámenyého ko'o, sektáha nak apkeláneykha, hakte apmenyeyk xép etnehek xa tén han yaqwayam hexekmósek.