2 Samuel 5:7 - Biblia Enxet

⁷ Apmeyk axta eyke David xa tegma apyennaqte nak Sión, cham'a apkeltamhomakpexa nak kaxwók David Tegma Apyawe apagkok.

2 Samuel 5:7 Referans Kwoze

1 Reyes 2:10

Apketsekkek axta David, keñe kélátawanyegwákxo kélpáxaqtessákxo m'a apyapmeyk nanók axta, ekpayho nak David Tegma Apwányam apagkok.

2 Samuel 6:16

Xama axta ekwákxo Wesse' egegkok yántéseksek apagkok ma'a David Tegma Apwányam apagkok, kelteyányáha axta átog étkok ma'a Mical, Saúl axta apketche; xama axta ekwet'a wesse' apwányam David apkelteyncha'a apneyweyncha'a nápaqtók Wesse' egegkok, lókók agko' axta awáxok éláneyncha'a.

2 Samuel 6:12

Xama axta kéltennásencha'a wesse' apwányam David appasmoma chá'a Wesse' egegkok ma'a Obed-edom apketchek, tén han ekyókxoho aqsok apagkok, apya'aweykxeyk axta David, yetlo ekyawe ekpayheykekxa apwáxok axta han apwákxak Obed-edom apxagkok ma'a Dios yántéseksek apagkok, apsákxo m'a David Tegma Apyawe Apagkok.

Miqueas 4:2

énxet apxámokma apagko' sa' elwa', sa' etnehek apkelpeywa s'e: “Kólchempoho, ólchántek Wesse' egegkok egkexe apagkok, tegma appagkanamap apagkok nak ma'a Jacob Dios apagkok, yaqwayam sa' hẽlxekmósek ma'a ámay apagkok, keñe sa' agkegwának ólyetlók ma'a apkeltamhókxa enxoho chá'a ólyetlók.” Hakte Sión sa' katyapok ma'a nélxekmowásamáxche apagkok nak Wesse' egegkok, Jerusalén sa' kañék ma'a appeywa nak.

Isaías 59:20

Éxyamok sa' yaqwayam etnehek apwagkasseykta teyp ma'a Sión tén han ma'a apyókxoho nak Jacob aptawán'ák neptámen apkelwátéseyak nak apkeláneyak apkeltémakxa ekmaso. Wesse' egegkok apxeyenma xa.

Isaías 12:6

Kólwehesha yetlo ekpayheykekxa kélwáxok, kélheykha nak Sión, hakte apheyk kélnepyeseksa kéxegke m'a Dios Aptaqmalma apagkok nak ma'a Israel, yetlo ekyawe apcheymákpoho.”

Salmos 132:13

¡Apkelyéseykha Wesse' egegkok ma'a egkexe Sión! ¡Apkelyéseykha yaqwayam exek chá'a m'a!

Salmos 87:2

Apchásekhayók Wesse' egegkok ma'a tegma apwányam Sión, kaxnók ma'a apyókxoho apxanák nak Jacob énxet'ák apagkok.

Salmos 51:18

Etaqmelches sa' xép ma'a Sión, eñama ektaqmeleykha nak apwáxok; exátekhásekxa sa' makham ma'a kélhaxtegkesso nak Jerusalén.

Salmos 48:12

Kólweynchamha m'a neyáwa nak Sión, kólyetset tegma apkelwenaqte aphágko nak ma'a;

Salmos 9:11

Kólmeneykmásses negmeneykmasso Wesse' egegkok, apteme nak wesse' apwányam ma'a Sión; kóllegés énxet'ák ma'a aqsok apkelane nak.

Salmos 2:6

“Élyéseyha ko'o xama wesse' apwányam ahagkok ma'a néten nak egkexe Sión, ekteme nak egkexe ahagkok sekpagkanma.”

2 Crónicas 24:16

kélátawanyegwákxeyk axta m'a David Tegma Apwányam apagkok, kélátawanyamakxa axta m'a kelwesse'e apkelwányam, hakte tásek axta apteméssessamakxa m'a énxet'ák Israel, tén han ma'a Dios ekweykekxoho m'a tegma appagkanamap apagkok nak.

2 Crónicas 5:2

Apchánchesákxeyk axta Salomón apkelámha apmonye'e Israel ma'a Jerusalén, tén han ma'a apyókxoho apkelámha apmonye'e nepyeseksa énxet'ák apagkok, tén han ma'a apkelámha apmonye'e nak chá'a apxanák ma'a israelitas, yaqwayam esakxak Wesse' egegkok yántéseksek apagkok ekhémo mók nélpaqhetchásamáxkoho, eñama m'a Sión, cham'a Tegma Apyawe apagkok axta m'a David.

1 Crónicas 11:7

Tén axta apheykmo David ma'a tegma apyennaqte nak; cháxa keñamak kéltéma nak David Tegma Apyawe apagkok.

1 Reyes 8:1

Apchánchesákxeyk axta Salomón apkelámha apmonye'e Israel ma'a Jerusalén, tén han ma'a apyókxoho apkelámha apmonye'e nepyeseksa énxet'ák apagkok, tén han ma'a apkelámha apmonye'e nak chá'a apxanák ma'a israelitas, yaqwayam esakxak Wesse' egegkok yántéseksek apagkok ekhémo mók nélpaqhetchásamáxkoho, eñama m'a Sión, cham'a Tegma Apyawe apagkok axta m'a David

1 Reyes 3:1

Apteme apnámakkok axta aptemék Salomón ma'a faraón, wesse' apwányam axta Egipto, hakte apmomchek axta m'a apketche kelwána, keñe apyentameykekxo m'a David Tegma Apwányam apagkok, ekwokmoho appenchásekpo apkelánamap ma'a tegma apyawe apagkok, tén han ma'a Wesse' egegkok tegma appagkanamap apagkok, keñe han kélhaxtegkesso nápakhaw'ék ma'a Jerusalén.

2 Samuel 6:10

Apkeltamhók axta kólsakxak Obed-edom apxagkok ma'a Wesse' egegkok yántéseksek apagkok, xama énxet apkeñama axta Gat, hakte axta emakók esakxak ma'a David Tegma Apwányam apagkok.

2 Samuel 5:9

Tén axta apheykmo David ma'a tegma apyennaqte nak, apteméssessegkek axta han apwesey David Tegma Apyawe apagkok, tén axta aphaxtegkesa nepyáwa', eyeynmo m'a apkekhessamakxa axta xapop apchántamakxa, ekweykekxoho m'a apxagkok apyawe nak.

2 Samuel 5:8

Keñe axta David aptéma appeywa s'e: “Apyókxoho apketámeyak enxoho jebuseos, elántexek sa' ma'a ekmeyeykekxexa nak chá'a ényé yegmen, elnápok sa' ma'a meyke nak apaqta'ák, tén han ma'a apkelyelqamap nak, séltaqnagkamo ahagko' nak ko'o.” Cháxa ekteyapmakxa axta han amya'a ektéma nak se'e: “Mopwanchek sa' elántexek Wesse' egegkok tegma appagkanamap apagkok ma'a meyke nak apaqta'ák, tén han apkelyelqamap nak.”

1 Reyes 9:24

Hakmek axta faraón apketche m'a David Tegma Apyawe apagkok, cham'a tegma apyawe apkelánesso axta m'a Salomón. Tén axta apkeltamho kólekhéssesek xapop.

Jeremías 21:13

“Tegma apwányam apyetnama nak néten apsawheykekxoho nak chá'a apkelányo m'a ekyapwátegweykenxa xapop ektémól'a meteymog émhal'a m'a neyseksa ekpayhegweykenxa xapop, ekxénchek ko'o ataqnók xép, ko'o sektáha nak Wesse'. Kóltéhek chá'a kéxegke kólpaqmétek se'e: ¿Yaqsa awanchek hegketámegmak negko'o? ¿Yaqsa awanchek kawak se'e nélyexanmomakxa nak negko'o?

Nehemías 3:15

Keñe axta Salum, Colhozé axta apketche, apkeláneykha apchókxa axta m'a yókxexma Mispá, apkeláneykekxo m'a átog kéltéma nak Ekteyapmakxa Yegmen: apxátekhásekxeyk axta, tén axta appakxenákxo, apnegkenágkek axta han atña'ák, yetlo m'a kélápeykekxexa nak chá'a, tén han ma'a yámet ekméyak nak chá'a átog, apkelánekxeyk axta han ma'a kélhaxtegkesso nak kélyátamakxa yegmen Siloé, nekha nak kélcheneykekxexa pánaqte exnók apagkok nak wesse' apwányam, ekweykekxoho m'a nélyetlamakxa néten ekweyweykenta nak eñama m'a David tegma apwányam apagkok.

Salmos 48:3

Apheyk Dios ma'a tegma apkelyawe nak Jerusalén; Apkeltennásamákpek Dios apteme negyexanmomakxa meyke ektáhakxa negha.