2 Samuel 4:8 - Biblia Enxet

⁸ yaqwayam esakxések ma'a David, aphamakxa axta m'a Hebrón. Aptáhak axta apcháneya m'a wesse' apwányam: —Keso Is-bóset apqátek se'e wesse', Saúl axta apketche, apkenmexma axta exchep wesse', apmáheyo axta yaqhek. Sakhem akke apmésa exchep Wesse' egegkok yaqwayam eyaqmagkásekxak apteméssessamakxa axta m'a Saúl, tén han aptawán'ák neptámen nak.

2 Samuel 4:8 Referans Kwoze

1 Samuel 25:29

Yetneyk sa' agkok xép xama énxet apkenmexeykha apmáheyo yaqhek, méko sa' katnehek ektáhakxa exchep, eñama aptaqmelchesso m'a Dios Wesse' apagkok. Ekxák sa' apkelenmexma m'a Wesse' egegkok, aptémól'a xama énxet eyenyók meteymog mélwakto apmeykha.

2 Samuel 22:48

Cha'a apteme Dios seyaqmagkassáseykekxa nak chá'a mók sélteméssessamakxa m'a, tén han sélmésso m'a énxet'ák, yaqwayam atnehek séláneykha.

Salmos 71:24

Yókxoho ekhem sa' chá'a axének xép apteme appéwomo, hakte apkelmegqágweykxeyk ma'a apkeltémo axta hetnéssessamhok exma ekmaso, mékoho aptamhákxa'.

2 Samuel 18:31

Yetlókok axta han apweykekxa m'a énxet Etiopía, keñe aptáha s'e: —Ema sa' takha' s'e amya'a ektaqmalma seksántegkesa nak, wesse': sakhem ektaqmela apteméssesakxa exchep ma'a Wesse' egegkok, apmallahanchesa nepyeseksa m'a apyókxoho apkenmexeykekxa axta chá'a exchep, wesse'.

2 Samuel 18:19

Keñe axta han Ahimaas, Sadoc axta apketche, aptáha apcháneya m'a Joab: —Éltamhók eykhe ko'o yoho atnetchagkokxak altennássekxak wesse' apwányam, ektaqmela apteméssesakxa Wesse' egegkok apmallahanchesa nepyeseksa m'a apkelenmexma nak.

1 Samuel 24:4

keñe axta m'a David apkelxegexma'a aptáha apcháneya s'e: —Sakhem ektáha m'a appeywa apkeltennasso axta elának ma'a Wesse' egegkok, apxeyenma axta egkések ma'a apkenmexma nak. Etnésses sa' apmakókxa enxoho etnéssesek. Yetlókok axta han apchampeykekxa néten David, aptaqmelchásawók axta han apyo'ókmo apyaqténchessekmo napwa'a apchaqlamap ma'a Saúl;

1 Samuel 23:15

Apcháyak axta David ma'a Saúl, hakte apketamsegkek axta apmáheyo yaqhek. Axta keñamak apheykmo m'a yókxexma Hores, meykexa nak énxet Zif.

1 Samuel 20:1

Apkenyahákxeyk axta eyke makham David apkeñama m'a Naiot ekpayho nak Ramá, apmeyákxeyk axta m'a aphakxa axta Jonatán, axta aptáhak apcháneya s'e: —¿Yaqsa aqsok ko'o séláneya? ¿Yaqsa aqsok ekmaso séláneya ko'o? ¿Yaqsa may'assáxma séláneya nápaqtók apyáp sétamsama nak apmáheyo heyaqhek?

1 Samuel 19:15

Apkeláphásekxeyk axta eyke makham apkeláneykha Saúl apkeltamho ey'ókxak ma'a David, axta aptáhak apkeláneya s'e: —¡Hélyentegkásenta sa' neyseksa apyetno m'a apyetnamakxa, waqhek sa' ko'o!

1 Samuel 18:11

Pelakkassek axta han apyenyawa sawhéwa apagkok Saúl peya elyetxák David épetchesek nápakha tegma, ánet apkellexpakhasso axta eyke aptáhak David ma'a Saúl sawhéwa apagkok.

2 Samuel 2:8

Apyentegkek axta Is-bóset, Saúl axta apketche m'a Abner, Ner axta apketche, apteme axta apkemha apmonye' sẽlpextétamo apagkok ma'a Saúl, apya'ássek axta m'a Mahanaim,

1 Samuel 19:1

Appaqhetchessek axta apketche Saúl, cham'a Jonatán, tén han ma'a apyókxoho sẽlpextétamo kelwesse'e apagkok nak, apkeltamho yaqhek ma'a David. Apchásekhayók axta eyke Jonatán ma'a David,