2 Samuel 4:4 - Biblia Enxet

⁴ Yetneyk axta han xama apketche m'a Jonatán, Saúl axta apketche, Mefi-bóset axta apwesey, élyelqamáxche apyay'ák axta m'a. Xama axta aptéma cinco apyeyam apagkok ma'a Mefi-bóset, wa'ak axta amya'a eñama Jezreel apketsapma m'a Saúl tén han Jonatán; yetlókok axta han ekmeykekxa Mefi-bóset ma'a kelán'a eyéyak axta chá'a nam'agkok, yentamawók axta ényaha, yaqnenawók axta eyke han xamo' eñama ekpekheyáseykha yaqwayam kaxyenmok, tén axta ektéma élyelqamáxche apyay'ák.

2 Samuel 4:4 Referans Kwoze

2 Samuel 9:3

Tén axta aptáha apkelmaxneyáncha'a m'a wesse' apwányam: —¿Yetnéya makham apnámakkok apkeymomap Saúl, yaqwayam enxoho ataqmelchesek sekteméssesakxa yetlo sélane m'a séltennassama axta alának Dios? Keñe axta Sibá aptáha apchátegmowágko s'e: —Yetneyk makham xama apketche apkeymomap ma'a Jonatán axta, élyelqamáxche apyay'ák.

1 Crónicas 9:40

Jonatán axta apketche m'a Merib-baal, apyáp axta m'a Micaías.

1 Crónicas 8:34

Jonatán axta apketche m'a Merib-baal, apyáp axta m'a Micaías.

2 Samuel 9:6

xama axta apwokmo Mefi-bóset ma'a aphakxa nak David, cham'a Mefi-bóset Jonatán axta apketche, Saúl axta aptáwen, apháxahánteyk axta apxekmósa ekha apcháyo. —¡Mefi-bóset! —axta aptáhak David. —Ko'o s'e, sektáha nak apkeláneykha wesse' —axta aptáhak apchátegmowágko.

1 Samuel 29:11

Axto'ók agko' axta apxatakha'a David yetlo apkelxegexma'a, keñe axta apkeltaqháwo makham ma'a filisteo apchókxa', tén axta filisteos apkelmahágko m'a Jezreel.

1 Samuel 29:1

Apchánchesákxeyk axta apyókxoho sẽlpextétamo apagkok filisteos ma'a yókxexma nak Afec, keñe israelitas apkelpakxenwa'a m'a ekteyapmakxa nak yegmen, ekyetnama nak Jezreel.

2 Samuel 21:7

apmeyókek axta eyke m'a Mefi-bóset, Jonatán axta apketche, Saúl axta aptáwen, eñama m'a aphéssamo axta mók apkelpaqhetchásamákpoho ekmámnaqsoho m'a Jonatán.

2 Samuel 9:13

Jerusalén axta eyke aphak ma'a Mefi-bóset, élyelqamáxche axta apyay'ák, hakte axta aptamakxa chá'a apto m'a aptamakxa axta chá'a apto wesse' apwányam.

1 Reyes 11:17

Keñe axta Hadad apmaheykegko apxegánekmo m'a Egipto, aptáhakxoho makham sakcha'a, yetlo nápakha m'a appéwomo xamo', ektáha axta apkeláneykha m'a apyáp.