2 Samuel 24:14 - Biblia Enxet

¹⁴ Keñe axta David aptáha apcháneya m'a Gad: —Asagkók agko' ko'o setnahakxa'. Wesse' egegkok akke tásek negko'o hẽllegássesagkoho', hakte awanhek ektémakxa apmopyósa henlanok ma'a, kaxnók hẽllegássesagkohok ma'a énxetók xamo' nak.

2 Samuel 24:14 Referans Kwoze

Salmos 119:156

Wesse', awanhók agko' xép apmopyósa henlano'; hegkés sekyennaqte, ekhawo ektémakxa nak xép ekpéwomo segyekpelchémo.

Salmos 51:1

Oh Dios, yepyósho ko'o hélano', eñama m'a aptémakxa nak chá'a segásekhayo, hemassésses ko'o may'assáxma, eñama m'a aptémakxa nak chá'a apmopyósa henlano'.

1 Crónicas 21:13

Keñe axta David aptáha apcháneya m'a Gad: —Asagkók agko' ko'o setnahakxa'. Wesse' egegkok akke tásek negko'o hẽllegássesagkoho', hakte awanhek ektémakxa apmopyósa henlanok ma'a, kaxnók hẽllegássesagkohok ma'a énxetók xamo' nak.

Jonás 4:2

Tén axta appaqhetchesa Wesse' egegkok aptáha apkelmaxnagko s'e: —Wesse', cháxa sekxeyenma axta chá'a ko'o katnehek xa, sekhamakxa axta makham ma'a seyókxa. Axta keñamak sekmáheyo heykxe ko'o axyenmok amhagkok ma'a Tarsis, hakte ekya'ásegkók ko'o exchep apteme Dios ektaqmeleykha apwáxok henlano', tén han apmopyósa henlano', mepekhésamap elwok, awanhek nahan segásekhayo, exének chá'a ellegássesagkohok énxet'ák, keñe elwátessók chá'a.

Salmos 145:9

Kataqmalmakha chá'a apwáxok Wesse' egegkok elanok ma'a apyókxoho énxet'ák nak, eláhapmakha chá'a elanha m'a aqsok apkelane nak.

Salmos 130:4

Meyaqmagkásekxeyk eyke exchep nentémakxa, yaqwayam enxoho agáwhok chá'a.

Salmos 86:15

Wesse', xép akke apteme Dios ektaqmeleykha apwáxok, tén han apmopyósa henlano', mepekhésamap, tén han ekyawe segásekhayo, apteme apmámnaqsoho.

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Isaías 47:6

Ekméssegkek axta ko'o yaqwayam elmegqék énxet'ák ahagkok ahagko' ma'a séltaqnaweykegko axta énxet'ák ahagkok, tén axta séltémo kalmok xeye'. Axta kalmopyósak élányo exche' m'a, kelhayak axta aqsok ekyentaxno agko' ma'a apkelwányamo nak.

Proverbios 12:10

Ey'asagkohok chá'a aqsok eyeyméxchexa apnaqtósso m'a énxet appéwomo nak, keñe m'a énxet ekmaso nak aptémakxa', mey'ásegkok ektémakxa ekmayósa elanok apnaqtósso.

Salmos 86:5

Wesse', tásek xép awáxok, meyaqmagkásekxeyk nahan nentémakxa; elásekhohok chá'a exchep ma'a apwóneykha nak chá'a.

2 Reyes 6:15

Axto'ók axta apxatakha'a Eliseo apkeláneykha, aptepók axta aqsa keñe apwet'a sẽlpextétamo apwakha'a m'a tegma apwányam nak, yetlo apkelchánte yátnáxeg tén han yátnáxeg apkelyenyawasso apkenchesso nak kempakhakma; keñe apkeltennássekxo m'a Eliseo: —Sẽlxekmósso. ¿Háxko sa' antéhek kaxwo'?

1 Samuel 13:6

Xama axta apkelwet'a eyesagko ektáhakxa m'a israelitas, hakte apkellókók apagko' axta apketámegko m'a filisteos, apkelyexánegwokmek axta chá'a meteymog áxwa, tén han maxcha'a, keñe han neyseksa meteymog élyawe, tén han xóp élyapwate, keñe han yámelchet.

Zacarías 1:15

Cháxa keñamak séltaqnaweygko ahagko' nak ko'o m'a pók aptémakxa nak chá'a énxet'ák, meyke nak élyetnakhayo apkelwáxok, hakte cham'a ekmasextexa axta ko'o seklo, apyáncheseykegkok axta aqsa apkellegassáseykegkoho m'a énxet'ák ahagkok.

Miqueas 7:18

Méko pók Dios aphawo nak xép, hakte meyaqmagkásekxeyk chá'a exchep nentémakxa ekmaso, kalwanaqmohok nahan chá'a exchep nénmexeykekxa negko'o néleymomáxche nak egqántawók énxet'ák apagkok. Atsek negko'o eltamhók xép henxekmósek segásekhayo, megkawegqók chá'a aplo.

2 Samuel 9:8

Apháxahánteyk axta Mefi-bóset aptáha s'e: —¿Yaqsa ektáha aptáha nak sélana xa ektáha nak wesse', sektáha nak apkeláneykha? ¡Máxa semheg ápak ko'o!

Salmos 130:7

etne exchepxa xa Israel, eleyxek ma'a Wesse' egegkok, hakte yetnegkek segásekhayo m'a, tén han ekxámokma apmopwána hegmallahanchesek.

Jeremías 39:17

Amyók sa' eyke ko'o exchep, yaqwayam sa' memhehek xa énxet'ák apcháya nak chá'a exchep. Ko'o sekxeyenma xa, sektáha nak Wesse'.

Lamentaciones 3:22

Méko néxa segásekhayo m'a Wesse' egegkok, megkamassegwomek nahan ektémakxa ektaqmeleykha apwáxok henlano'.

Daniel 9:9

Dios egagkok, aptémakxa apagko' eyke exchep apmopyósa henlano', tén han meyaqmagkáseykekxa nentémakxa. Nénmexeykekxeyk negko'o exchep

Miqueas 7:19

Kapyósho makham henlanok negko'o, élteyammekxa nentémakxa ekmaso. Eyenyow mólya'assáxma m'a éttawanyexa agko' nak wátsam ekwányam.