2 Samuel 24:10 - Biblia Enxet

¹⁰ Chaqhak axta apwáxok David eyesagko aptáhakxa apnaqtáxésagko apkelwesey weykcha'áhak, keñe axta aptáha apkeltennasa Wesse' egegkok se'e: —Élanak ko'o ekyawe agko' may'assáxma sélana xa aqsok nak. Wesse' ahagkok, éltamhók eyke ko'o heyásekhekxohok makham neyseksa sélane xa aqsok ekmaso nak, ko'o sektáha nak xép apkeláneykha, asagkek ko'o sektáhakxa, máxa ektáhak ma'a énxet ekyeyháxmal'a.

2 Samuel 24:10 Referans Kwoze

2 Samuel 12:13

Keñe axta David aptáha apcháneya Natán: —Éláneyak ko'o may'assáxma nápaqtók Wesse' egegkok. Keñe axta Natán aptáha apchátegmowágko: —Meñássesagkók sa' eyke exchep Wesse' egegkok aptémakxa mey'assáxma, megyetsepek sa' han.

1 Samuel 13:13

Axta aptáhak apchátegmowágko Samuel se'e: —¡Ekyeyháxma exchep apkelana xa aqsok nak! Kaxtemék axta apkelyaheykekxoho m'a apkeltamhókxa axta etnehek Wesse' egegkok, megkamassegwomek axta apteméssesso wesse' apwányam ma'a Israel, ekweykekxoho m'a aptawán'ák neptámen.

Proverbios 28:13

Asagkek katnehek apha m'a énxet appósso nak chá'a mey'assáxma; yásekhekxohok eyke chá'a Dios ma'a énxet apkeltennasso nak chá'a aptémakxa, tén han apyenyeykekxa nak chá'a.

1 Samuel 24:5

keñe axta natámen apyaqténchesso eyaqha apwáxok,

2 Crónicas 16:9

Apkeláneykha Wesse' egegkok ekyókxoho ektémakxa nak chá'a keso nélwanmeygkaxa, yaqwayam egkések chá'a apkelyennaqte m'a ektáha nak chá'a apcháyo ekmámnaqso' agko'. ¡Máxa ekyeyháxma eyke aptáhak xép aptáha kaxwo' xa ektáha nak! Katepagkok sa' eyke exchep kaxwók apkempakhamap.”

1 Crónicas 21:8

Tén axta David aptáha apcháneya Dios se'e: —Élanak ko'o ekyawe agko' may'assáxma sélana xa aqsok nak, éltamhók eyke ko'o heyásekhekxohok makham neyseksa sélane xa aqsok ekmaso nak, ko'o sektáha nak xép apkeláneykha, asagkek ko'o sektáhakxa máxa ektáhak ma'a énxet ekyeyháxmal'a.

Oseas 14:2

Kólyo'ókxa makham Wesse' egegkok, sa' kóltéhek kólmaxnak se'e ektáha nak: “Ná eyaqmagkásekxa aqsa ekyókxoho nentémakxa mólya'assáxma, ema sa' aqsa yetlo ektaqmeleykha apwáxok se'e nélpeykessamo negmésa nak.

Salmos 32:5

Éltennássek axta eyke ko'o exchep may'assáxma meyke seyáyam xama enxoho, tén han sektémakxa ekmaso; xénchek axta ko'o ewáxok altennaksek may'assáxma, keñe axta exchep, Wesse', meyaqmagkásekxo.

Job 7:21

¿Mopwancheya heyásekhekxohok xép sektémakxa may'assáxma? ¿Mopwancheya heyásekhekxohok sektémakxa sélane aqsok ekmaso? Kaxwók sa' eytek náxop: hektamok sa', amassegwók sa' eyke.

2 Crónicas 32:26

Chaqhegkek axta apwáxok aptémakxa eyeymáxkoho apwáxok nápaqtók Dios ma'a Ezequías, aptamhágkek axta han ma'a apyókxoho apheykha nak Jerusalén. Massegkek axta apkeltaqnawéyak, neyseksa apha makham ma'a Ezequías.

1 Samuel 26:21

Keñe axta Saúl aptáha s'e: —¡David, épháyem, ekya'ásegwokmek ko'o séláneya may'assáxma! ¡Máxa seyeyháxma ektemék, awanhók agko' magwaqhémo! Hey'óta sa' makham, matnéssessamók sa' eyke exma ekmaso kaxwo', hakte meheyaqhak ko'o exchep se'e sakhem nak.

Deuteronomio 32:6

¿keyaxa kélyaqmagkásekxo mók apteméssessamakxa Wesse' egegkok kéltéma xa ektáha nak? Énxet'ák élyeyhaxma meyke nak kélya'áseyak aqsok, ¿háweya kélyáp kéxegke m'a? ¿Háweya apkelane? ¡Axta apkelane kéxegke m'a tén han apmésso kélyennaqte!

Números 12:11

aptáhak axta apcháneya Moisés se'e: “Moisés, wesse' ahagkok, ná hẽllegássesagkoho aqsa eñama nenlane xa mólya'assáxma nak, nenlánegko nak yetlo sẽlyeyháxma.

2 Samuel 24:17

Xama axta apwet'a David Wesse' egegkok apchásenneykha apkellegassásegkoho axta m'a énxet'ák, aptáhak axta apcháneya Wesse' egegkok se'e: —¡Ko'o sélane may'assáxma! ¡Ko'o sélsexnenagko! ¿Yaqsa eyke aqsok ekmaso apkelánegko xa meyke nak apkeltémakxa'? ¡Ko'o eyke tásek heñássesagkoho', tén han ma'a énámakkok!

1 Reyes 8:35

“Meyke yegmen sa' agkok nahan entáhak megkammaka enxoho, eñama apkeláneyak melya'assáxma énxet'ák apkenmexeykekxa exchep, keñe sa' apkelpayhentámho enxoho elmaxneyagkok se'e, tén han apkelpeykásawo enxoho apwesey, tén han apkelwátesagko enxoho apkeláneyak melya'assáxma eñama apkellegassáseykegkoho exchep,

Éxodo 10:16

Keñe axta faraón apkeltamho kólnaqlósawakxések ekpekhe agko' ma'a Moisés tén han Aarón. Aptáhak axta apkeláneya s'e: —Élanak ko'o may'assáxma nápaqtók Dios Wesse' kélagkok, tén han kélnápaqta'awók kéxegke,

1 Samuel 24:6

aptáhak axta apkeláneya m'a apkelxegexma'a: —¡Megyohók ko'o atnéssessamhok exma ekmaso Wesse' egegkok ma'a wesse' apwányam ahagkok nak! ¡Hakte wesse' apwányam xa, Wesse' egegkok apagko' axta han apkelyéseykha!

1 Crónicas 21:7

Axta han kalchak apwáxok Dios xa ekyókxoho nak, keñe apkellegassásegkoho m'a énxet'ák Israel.

Joel 2:12

“Aptáhak makham segáneya Wesse' egegkok se'e: hélyo'óta ko'o yetlo ekmámenyého agko' kélwáxok. ¡Nágkóltaw kéltéyak, kólwehesha, kóllekxagwaha!”