2 Samuel 23:9 - Biblia Enxet

⁹ Eleazar axta aptétéyak ma'a, Dodó axta apketche, apteme axta énxet ahohíta, apteme axta han apkeñama nepyeseksa m'a apqántánxo apkelyennaqte axta. David axta han apxegexma apha m'a yókxexma nak Pas-damim, cham'a apchaqneykekxo axta filisteos apmáheyo yempakhak ma'a, keñe israelitas apkelwátéseykegko.

2 Samuel 23:9 Referans Kwoze

1 Crónicas 27:4

Dodai, apteme axta ahotita, axta apteme apkemha apmonye' sẽlpextétamo apkelhaxneykha m'a aptáhakxa nak apqánet pelten.

1 Samuel 17:26

Keñe axta David aptáha apkelmaxneyáncha'a m'a apchaqneykha axta nápakha: —¿Yaqsa aqsok kólmések énxet apchaqhe enxoho xa filisteo, keñe han apmasséssesso enxoho apkelmegqakto m'a Israel? ¡Mékoho apagko' xa filisteo mey'áseyak nak Dios, kaqhok etnehek elxénmakha ekmaso Dios memassegwayam nak sẽlpextétamo apagkok xa ektáha nak!

Isaías 63:5

Eksawheykha axta ko'o exma, méko axta xama énxet enxoho sepasmo; etlakkassek axta sekwet'a méko sewéhenayo. Sekmowána axta ewagkásak teyp seklo axta ewasqakkásak.

Isaías 63:3

—Élteyáyekmek ko'o exakkók anmen yámet ekyexna, méko sepasmoma; élteyáyekmek ko'o yetlo seklómo ahagko' ma'a sélenmexma, élteyammeykha yetlo seklo, keñe éma apagkok ekpálwaya m'a sélántaxno, kelyexwáseseykha apyókxoho m'a sélnaqta.

1 Samuel 17:36

Cháxa sektémakxa ko'o waqhek méwa essenhan aqsok nawhak eklo, ko'o sektáha nak xép apkeláneykha wesse'. Kaxhok sa' han ektáhakxa xa filisteo mey'áseyak nak Dios, hakte apkellókaseykegkek chá'a m'a Dios memassegwayam nak sẽlpextétamo apagkok.

1 Samuel 17:10

Sakhem ko'o sélenxanakmo séllokásegko sẽlpextétamo israelitas: ¡Héláphásses kélxama yaqwayam sa' alnapaxchek ko'o!

1 Crónicas 8:4

Abisúa, Naamán, Ahóah,

Eclesiastés 4:12

Apxakkók agkok énxet kélwanchek kólyaqmaksek, keñe apqánet enxoho askehek yaqwayam kólmenxenek. Ekhawo nak han ma'a táma' kélpextétéyak nak ántánxo, yawanchek kalyetyapok aqsa ekmanyehe agko'.