2 Samuel 22:3 - Biblia Enxet

³ Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netnók agko', tén han sekheykekxexa nak chá'a eyxanmok, xép apteme sewagkasso teyp. ¡Ewagkassegkek teyp nepyeseksa m'a énxet'ák apkelyennaqteyáseykha nak chá'a apyempe'ék!

2 Samuel 22:3 Referans Kwoze

Salmos 9:9

Eltaqmelcheshok chá'a Wesse' egegkok ma'a kélnaqtawáseykegkoho nak chá'a, eltaqmelcheshok chá'a ekwa'a enxoho ekyentaxno apheykha.

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Proverbios 30:5

Eltaqmelcheshok Wesse' egegkok ma'a ektáha nak chá'a apcháyo, máxa xama negáhakkásamáxche etnehek; naqsók ma'a ekyókxoho aqsok apxeyenma nak chá'a.

Salmos 46:11

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Deuteronomio 33:29

Apkeleñémo exchep, Israel, ¿Yaqsa kélwanchek kólhéshok xép? Wesse' egegkok apagko' apwagkasso teyp xép; cha'a aptaqmelchesso chá'a exchep ma'a tén han appasmo chá'a, ¡cha'a apteme sókwenaqte apagkok segmallahanchessamo nak chá'a m'a! Elmésakpok sa' xép ma'a apkelenmexma nak, keñe sa' xép emasséssesek apkeleymákpoho.”

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Salmos 144:2

cha'a apteme sekxegexma meheyenyaweykha m'a, sekyexánegweykekxexa', sénátweykekxexa netnók agko', sewagkasso teyp; cha'a apteme seyáhakkásamáxche', semasma m'a; cha'a sélmésso chá'a ko'o énxet'ák yaqwayam atnehek séláneykha.

Salmos 59:16

Keñe sa' ko'o, anneykmássesek xép axto'o alpeykesho'; magwésagkok sa' axének ektémakxa nak xép segásekhayo, tén han apmopwána. Hakte xép apteme setaqmelchesso, tén han sekyexanmomakxa ekwa'a enxoho ekmaso sekha.

Salmos 14:6

Kólasmaksek chá'a kéxegke m'a apkelmopmenyého nak chá'a m'a apkelmopyóseka nak, eltaqmelcheshok eyke chá'a Wesse' egegkok ma'a.

Jeremías 16:19

Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Salmos 140:4

Wesse', nágyoho hemok ko'o élmasagcha'a nak apkeltémakxa, hetaqmelches ko'o nepyeseksa m'a apkelyennaqteyáseykha nak chá'a apyempe'ék, apkeláneykekxa nak chá'a aptamhágkaxa yaqwayam hetegkesek.

Salmos 55:9

Wesse', emasséssem xép ma'a énxet'ák nak, yána kalxeganmok ektémakxa apkelpaqmeyesma, wánxa aqsa sekweteya chá'a ko'o m'a apkelyennaqteyáseykha apyempe'ék, tén han apkelenmexamap,

Salmos 46:7

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 140:11

Megkawegqók sa' apheykha náxop ma'a megkalyexnegwayam nak chá'a apkelpeywa; ekmaso apheykha sa' aqsa chá'a katnehek ma'a apkelyennaqteyáseykha nak chá'a apyempe'ék, ekwokmoho ekmasséssekmo.

Salmos 140:1

Wesse', hewagkas ko'o teyp nepyeseksa élmasagcha'a nak apkeltémakxa; hetaqmelches ko'o nepyeseksa m'a apkelyennaqteyáseykha nak chá'a apyempe'ék,

Salmos 86:14

Oh Dios, apmáheyok ko'o hektámegmak ma'a énxet'ák élyenneykha nak chá'a apkelpeywa, tén han ma'a apkelyennaqteyáseykha nak chá'a apyempe'ék, megkalxeyenma nak chá'a exchep apkelwáxok, apmáheyok heyaqhek.

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Salmos 84:9

Oh Dios, elano yetlo ektaqmeleykha apwáxok ma'a aptáha nak chá'a negko'o sẽltaqmelchesso, cham'a wesse' apwányam, ektáha axta exchep apkelyéseykha.

Salmos 72:14

Megyohók sa' kólnaqtawasagkoho', tén han kólyennaqtésha kélyempehek kóllána', hakte emyók sa' chá'a kólyegkenchesek ma'a éma apagkok.

Salmos 71:7

Apxámok axta énxet'ák élyamassama apkelwáxok apkelweteya setnamakxa', xép eyke apteme sekyexánegweykekxexa'.

Salmos 61:3

hakte xép apteme semasma. ¡Aphawók xép ma'a tegma apwenaqte apyennaqtél'a, sewagkassól'a chá'a teyp nepyeseksa sélenmexma!

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Salmos 28:7

Wesse' egegkok apteme ko'o sénnaqtésso; tén han semasma; axta ko'o ay'ásseykmok, epasmomchek axta. Payhekxeyk ko'o ewáxok, anneykmaksek sa', agkések sa' ekxeyenma ewáxok Wesse' egegkok.

Salmos 27:5

Wa'ak sa' agkok ekhem ekmaso, hekpósek sa' Wesse' egegkok ma'a kañe' nak tegma appagkanamap apagkok, hexnések sa' hetaqmelchesek ma'a kóneg nak. ¡Hewagkasek sa' teyp hexnéssók ma'a netnók agko' nak meteymog!

Salmos 5:12

hakte xép Wesse' egegkok, eltaqmelchesseshok chá'a apheykha m'a ektáha nak meyenyaweykha, eláhakkashok chá'a m'a apchásekhayo nak, ektémól'a negáhakkásamaxche'.

Salmos 3:3

Wesse', xép eyke apteme seyáhakkásamáxche', xép segkésso m'a seyeymáxkoho nak, xép segkésso m'a sekwasqápeykekxoho nak.

2 Samuel 22:51

Apméssegkek xép apkelmalláneyak ekxámokma m'a wesse' apwányam ektáha axta apkelyéseykha; yásekhohok chá'a exchep ma'a David, tén han ma'a aptawán'ák neptámen.”

2 Samuel 22:49

Ewagkassegkek teyp nepyeseksa m'a sélenmexma nak, cham'a sénmexeykha sektámeykmo nak chá'a ko'o. ¡Wesse', ewagkassegkek ko'o teyp xép, nepyeseksa m'a énxet'ák apkelyennaqteyáseykha nak chá'a apyempe'ék!

1 Samuel 2:1

Axta entáhak élmaxnagko Ana s'e: “Wesse' ahagkok, epeykessásekxók agko' ko'o exchep ewáxok, hakte egkeyásekxeyk makham axnagkok sekyennaqte. Ewanchek alyamatchesha m'a katnaha nak énámakkok hakte xép apteme sepasmo. ¡Payhékxeyk ko'o ewáxok!

Deuteronomio 32:37

Tén sa' etnehek elának se'e: ‘¿Háxko élmahágkaxa m'a aqsok kéláyókxa nak chá'a, éltaqmelchessama nak chá'a, kélásenneykekxo nak chá'a,

Jeremías 16:9

Hakte ektáhak ko'o sekpeywa s'e, sektáha nak Wesse' ekha sekyennaqte, Dios apagkok nak Israel: Amasséssók sa' ko'o élmeneykmásamáxche nak chá'a kélessawássessamo, tén han ekpayheykekxa nak chá'a egwáxok se'e apchókxa nak, tén han ma'a élmeneykmásamáxche nak chá'a sẽlyamhopma. Katnehek sa' kélyennákxa nak makham kéxegke xa, kéxegke kélagkok sa' nahan kólweta'.

Isaías 45:21

Kólpaqmet, kólxén aqsok kélwete, kólteme chá'a kólmaxneyha kélmók kélmako enxoho chá'a kólmaxneyha s'e: ¿Yaqsa axta éltenneykha sekxók eyeynamókxa axta xa aqsok nak? ¿Yaqsa axta eklegasso m'a nanók axta? ¿Háweya axta ko'o, sektáha nak Wesse'? Méko pók Dios. Ko'o sekwánxa ahagkok sekteme Dios sélmallahanchesso aqsok ekmaso énxet'ák ahagkok, tén han sélwagkasso teyp.

Salmos 32:7

Xép apteme sekyexanmomakxa, heyeksek chá'a m'a aqsok ekmaso, kalmeneykmasaxchek chá'a neyáwa sekhakxa', eñama sewagkasso teyp.

Salmos 142:4

Énmexawók axta ko'o m'a ekpayho nak sélya'assamakxa', méko axta sey'awa yaqwayam hepasmok. ¡Méko xama enxoho semasma! ¡Méko xama enxoho ekyetnakhassamo awáxok ko'o!

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

1 Samuel 2:2

¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!

2 Samuel 22:31

“Péwók ma'a Dios ámay apagkok; payhawók megkólya'ássemek ma'a apxeyenma nak elának Wesse' egegkok. ¡Eltaqmelcheshok chá'a Dios ma'a apyókxoho énxet'ák ektáha nak chá'a apcháyo!

2 Samuel 22:47

“¡Megyetsepek chá'a Wesse' egegkok! ¡Apcheymákpoho sa' chá'a kólteméssesek ma'a setaqmelchesso nak chá'a! ¡Meyke ekhémo sa' chá'a kólteméssesek ma'a Dios sewagkasso nak chá'a teyp, tén han semasma nak chá'a!

2 Samuel 23:3

Appaqmetchek ma'a Dios apagkok nak Israel; aptáhak seyáneya Apmasma nak chá'a Israel se'e: ‘Énxet apkeláneykha nak chá'a énxet'ák yetlo ekpéwomo aptémakxa', apkeláneykha nak chá'a énxet'ák yetlo apcháyo Dios,

Éxodo 15:2

Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.

Salmos 9:10

Wesse', mey'ássemek chá'a exchep ma'a énxet apya'áseykegkoho nak, meyenyewek chá'a m'a apya'eykekxa nak chá'a exchep.

Salmos 46:2

Sa' kañék magaye negko'o xa, kapaqxek sa' eykhe xapop, kalweywagkok sa' eykhe egkexe m'a kañók agko' nak wátsam ekwányam,