2 Samuel 20:2 - Biblia Enxet

² Apyókxoho énxet'ák Israel axta apyenyáwak David apkelyetlákxo m'a Sebá, apketche nak Bicrí. Keñe m'a Judá énxet'ák apagkok, apkelenxanmeygkok axta aqsa makham apkelyetleykha m'a wesse' apwányam apagkok, eyeynmo m'a Jordán, ekweykekxoho m'a Jerusalén.

2 Samuel 20:2 Referans Kwoze

Proverbios 17:14

Máxa yegmen ekyawe ekteyapmal'a katnehek sekxo' enxoho nélátegmoweyxko; tásek eyke agyetnakhak chá'a heykxa amonye' yaqwayam kasógwok.

Salmos 62:9

Aphawók énxet ma'a xama negwátekhapma ekmanyehel'a kamaskok, cham'a énxet meyke nak aqsok apagkok, tén han ma'a ekxámokma nak aqsok apagkok; kélyetsátegkek agkok xama kelyetsáteyák xa apyókxoho nak, exhok pók apkelexyawe.

2 Crónicas 10:17

Aptemegkek axta makham wesse' apwányam Roboam nepyeseksa m'a israelitas, apheykencha'a axta m'a tegma apkelyawe nak Judá.

2 Samuel 19:15

Yetlókok axta han apkexyeyam ma'a wesse' apwányam, apwa'akteyk axta m'a wátsam Jordán. Apkelmahágkek axta han énxet'ák Judá m'a Guilgal, yaqwayam emok takha', tén han epasmok apkelyeykheykekxa m'a Jordán.

2 Samuel 20:1

Aphegkek axta han xama énxet ekmaso aptémakxa m'a Guilgal, apkeñama axta nepyeseksa Benjamín énxet'ák apagkok, Sebá axta apwesey m'a, Bicrí axta apketche. Appáwássek axta apchaqkahasso Sebá apkeltamho yenmexek David, axta aptáhak se'e: “¡Mogwanchek negko'o agyepetchegwakxak ma'a David, kaqhók anleyxek ma'a Jesé apketche nak! ¡Israelitas, kóltaqhekxa kélxanák kélyókxoho!”

2 Samuel 20:3

Xama axta apwákxo David ma'a apxagkok apyawe, apyetnama nak Jerusalén, apnaqlákxeyk axta m'a diez kelán'ák apkelmeykha naqsa, apkeltémo axta kalánésha apxagkok apyawe, apkelhéssakxeyk axta kañe' tegma apkeltamho kóllanha. Axta han kélláneykha chá'a m'a, massegkek axta apkelpathetéyak, máxa tampe' axta tamheykegkok ekwokmoho életsapa.

2 Samuel 20:21

Háwe negko'o yaqwánxa antéhek xa, xama énxet akke apkeñama nak egkexe Efraín, apwesey nak Sebá, apkenmexeykekxak ma'a wesse' apwányam David. Hegkés aqsa ko'o m'a, keñe sa' atyapok se'e tegma apwányam nak. —Agyenyenták sa' apqátek eñama s'e néten kélhaxtegkesso tegma —axta entáhak eyátegmowágko Joab ma'a kelán'a.

1 Reyes 12:20

Xama axta apkelleg'a amya'a énxet'ák Israel apwákxo makham Jeroboam ma'a, apkeltamhók axta kólyentawakxak yaqwayam enxoho ewakxak aphágkaxa m'a énxet'ák, keñe kélteméssesa wesse' apwányam ma'a ekyókxoho apheykegkaxa nak Israel, méko axta xama apyetleykekxa m'a David axta aptawán'ák neptámen, wánxa axta aqsa m'a Judá énxet'ák apagkok.