2 Samuel 2:1 - Biblia Enxet

¹ Apkelmaxneyáha axta Wesse' egegkok David natámen xa, axta aptáhak apcháneya s'e: —¿Ewancheya ko'o amhagkok xama tegma apkelyawe apheykegko nak Judá? Apchátegmowágkek axta Wesse' egegkok: —Éhay, apwanchek emhagkok. Keñe axta David aptáha apkelmaxneyáncha'a: —¿Háxko ewanchek amhagkok? Apchátegmowágkek axta Wesse' egegkok: —Emhók sa' ma'a Hebrón.

2 Samuel 2:1 Referans Kwoze

1 Samuel 30:31

tén han Hebrón, keñe han ma'a ekyókxoho apweynchámeykegkaxa axta yetlo apkelxegexma'a.

1 Samuel 23:2

apxegkek axta apkelpaqhetchásekpoho Wesse' egegkok. Aptáhak axta apcháneya: —¿Ewancheya sa' ko'o alnapaxchek filisteos? Apchátegmowágkek axta Wesse' egegkok: —Éhay, elnapap sa', elwagkas sa' teyp ma'a énxet'ák apheykha nak tegma apwányam Queilá.

1 Samuel 23:4

Keñe axta appaqhetchásekxo makham Wesse' egegkok ma'a David, tén axta aptáha apchátegmowágko Wesse' egegkok se'e: —Emhók sa' ma'a Queilá, hakte agkések sa' ko'o exchep yaqwayam elmok ma'a filisteos.

Génesis 32:2

Xama axta apkelwet'a Jacob xa énxet'ák nak, aptáhak axta s'e: “Dios sẽlpextétamo apagkok xa.” Apteméssessek axta han ekwesey Mahanaim xa yókxexma nak.

Ezequiel 36:37

“Ektáhak ko'o sekpeywa s'e, sektáha nak Wesse': Alának sa' ko'o makham aqsok. Alanaksek sa' chá'a ko'o sélmaxneyakxa enxoho chá'a apkeltamhókxa alanaksek ma'a énxet'ák Israel; axámassásekxak sa' ma'a énxet'ák apagkok aptémól'a m'a nepkések.

Salmos 143:8

Hey'assásegwakxoho chá'a ko'o ektémakxa seyásekhayo ekyókxoho axto'o, hakte may'ásseykmok ko'o exchep. Hey'ássesagkoho chá'a yaqwánxa atnehek sekweynchámeykha, hakte éltennássek ko'o exchep ma'a aqsok sekmámenyého.

Salmos 27:4

Xama aqsok akke élmaxneyk Wesse' egegkok, xama aqsok aqsa émenye': axek chá'a Wesse' egegkok tegma appagkanamap apagkok ekyókxoho ekhem, neyseksa sekha makham, yaqwayam enxoho alpeykeshok neyseksa sekha m'a kañe' tegma appagkanamap apagkok, tén han alanok ma'a ektémakxa nak aptaqmalma.

1 Crónicas 29:7

ciento sesenta y cinco mil kilos tén han diez mil selyaqye aktek sawo élyátekto élmomnáwa axta apkelmeyásak yaqwayam elanakpok ma'a tegma nak, tén han trescientos treinta mil kilos ma'a sawo élmope élmomnáwa, xegkessek axta han seiscientos mil kilos ma'a sawo élyexwase nak, keñe tres millones trescientos mil kilos ma'a sawo élyentaxno.

1 Reyes 2:11

Cuarenta apyeyam axta weykmok apteme wesse' apwányam ma'a Israel, siete apyeyam axta apteme wesse' apwányam ma'a Hebrón, keñe treinta y tres apyeyam ma'a Jerusalén.

2 Samuel 15:7

Cuatro apyeyam axta temék, keñe Absalón aptáha apcháneya m'a wesse' apwányam: —Éltamhók eykhe ko'o heyhok amhagkok yókxexma Hebrón, wesse', yaqwayam enxoho alának ma'a séltennassama axta alának Wesse' egegkok.

2 Samuel 5:23

keñe axta David apkelmaxneyáncha'a Wesse' egegkok, tén axta aptáha apchátegmowágko Wesse' egegkok: —Nágkólmohok aqsa apmonye' kólchetamagkok, kólwakha sa' sekxo', neptámen sa' kóleñék kólchetamagkok kélwokmo enxoho m'a élámhakxa nak yámet élmátsa nak élpaqneyam.

2 Samuel 5:19

Keñe axta David apkelmaxneyáncha'a m'a Wesse' egegkok, aptáhak axta s'e: —¿Ewancheya sa' ko'o aktamagkok filisteos? ¿Hemallahancheseya sa' ko'o nepyeseksa m'a énxet'ák nak? Apchátegmowágkek axta Wesse' egegkok: —Ektamák sa', hakte amallahanchesek sa' ko'o exchep nepyeseksa m'a énxet'ák nak.

2 Samuel 2:11

siete apyeyam, seis pelten axta han apteme wesse' apwányam David ma'a Judá, axta eyke aphamakxa chá'a aptéma wesse' apwányam ma'a Hebrón.

Jueces 1:1

Natámen apketsapma axta Josué, keñe israelitas apkelmaxneyáncha'a Wesse' egegkok yaqwayam elya'asagkoho', yaqsa sa' kexa énxet'ák elnapakpok apmonye'e m'a cananeos.

Números 27:21

Ey'ókxak sa' nahan Josué m'a apkelmaxnéssesso Dios énxet'ák apagkok Eleazar, keñe sa' Eleazar hélmaxneyha ko'o emha apwesey, emha m'a Urim. Josué sa' eyke eltennaksek chá'a apkeltamhókxa etnahagkok israelitas ekyókxoho aqsok apkelánegkaxa enxoho chá'a.

Números 13:22

Apkelántaxneyk axta m'a ekpayho nak Négueb tén axta apkelwokmo m'a Hebrón. Cha'a apheykegkaxa axta nahan Ahimán, Sesai, tén han Talmai ma'a, Anac axta aptawán'ák neptámen. Siete apyeyam axta nahan weykmok apkelánamap ma'a tegma apwányam Hebrón, amonye' apkelánamap axta Soan ma'a Egipto.

Génesis 13:18

Aplekkek axta appakxanma Abram apmahágko aphakmo m'a élámhakxa nak yámet naxma apagkok axta m'a énxet apwesey axta Mamré, ketók axta m'a tegma apwányam nak Hebrón. Axta apkelánéssekmok han xama aqsok ekwatnamáxchexa Wesse' egegkok ma'a.

Josué 15:13

Apméssek axta Josué nekha Judá énxet'ák xapop apagkok ma'a Caleb, apketche nak Jefuné. Apméssek axta han ma'a Hebrón, tegma apwányam apagkok axta m'a Anac aptawán'ák neptámen, cham'a énxet apwenaqte axta, apkeltémókxa axta etnehek ma'a Wesse' egegkok.

1 Samuel 10:22

tén axta kélmaxneyancha'a makham Wesse' egegkok, yaqwayam kólya'asagkohok apheyk kexaha han Saúl ma'a. Apxénchek axta Wesse' egegkok apha Saúl ma'a, apyexanma m'a neyseksa kélxátamakxa axta chá'a aqsok.

2 Crónicas 11:10

Sorá, Aialón tén han ma'a Hebrón, cháxa tegma apkelyawe élyennaqte axta kélhaxtegkesso m'a Judá tén han Benjamín apchókxa.