2 Samuel 15:12 - Biblia Enxet

¹² Apkeltamhók axta han kólyentawakxak Absalón xama m'a David appaqhetcháseykha axta chá'a, apwesey axta Ahitófel, aphama axta Guiló, tegma apwányam apagkok nak, yaqwayam enxoho etnehek apxegexma neyseksa apkelane aqsok ektekyawa. Cháxa ektáhakxa axta eyántágko ekxénakxa apwáxok etnehek, keñe han apxámagko apkelyetleykekxa m'a Absalón.

2 Samuel 15:12 Referans Kwoze

Salmos 41:9

Weykmók sénmexeykekxo m'a sekxegexma seyásekhayo nak, magwéssama axta chá'a aqsok ahagkok, sektómo axta chá'a xamók sekto.

2 Samuel 15:31

Xama axta kéltennásencha'a David appasmeykekxo Ahitófel ma'a Absalón yaqwayam etnéssessamhok exma ekmaso, appaqhetchessek axta Wesse' egegkok ma'a David, apkeltamho metekkessesek yaqwánxa etnehek ma'a Ahitófel.

Josué 15:51

Gosen, Holón tén han Guiló, once tegma apkelyawe, yetlo m'a tegma apketkók apheykegko nak nepyáwa'.

2 Samuel 17:23

Xama axta apwet'a Ahitófel megkalánexko m'a aqsok apmáheyo elána', apkeltahanchessek axta yámelyeheykok apchánte, keñe apmeyákxo apxagkok apkeñémekxa axta, xama axta appenchesa apkeláneykekxa m'a ekyókxoho aqsok apagkok axta, aptetchek axta apyespok táma'. Apketsekkek axta, keñe kélátawanya m'a kélátawanyamakxa axta apyáp.

2 Samuel 17:14

Leyawók axta apwáxok Absalón tén han apyókxoho énxet'ák Israel yaqwánxa etnehek ma'a Husai, axta kaxnók ma'a yaqwánxa axta etnehek ma'a Ahitófel. (Nanók axta eyke apmáheyo metekkessesek Wesse' egegkok yaqweykenxa etnehek ma'a Ahitófel, ektaqmela axta eykhe, yaqwayam enxoho yahak aqsok ekmaso m'a Absalón.)

Proverbios 21:27

Eltaqnawásseshok Wesse' egegkok aqsok apkelmésso naqsa m'a énxet'ák élmasagcha'a nak apkeltémakxa', hakte yetlo ekmaso élchetámeykha apkelwáxok chá'a elmések.

1 Crónicas 27:33

Énxet ektaqmalma apmésso appeywa wesse' apwányam axta han ma'a Ahitófel, keñe m'a Husai, apteme axta énxet arquita, apteme axta chá'a wánxa apháxenmo aptáhakxa appeywa m'a wesse' apwányam.

1 Reyes 21:12

Apkeltamhók axta kalanaxchek manto nento, aphéssek axta han Nabot nápaqta'awók énxet'ák.

1 Reyes 21:9

Axta táhak weykcha'áhak kéltáxésso s'e: “Kólána sa' kalanaxchek manto nento, kólhés sa' han nápaqta'awók énxet'ák ma'a Nabot.

Números 23:30

Apkelanak axta Balac ma'a apkeltamhókxa axta elának ma'a Balaam, apchaqhak axta chá'a xama weyke kennawo étkok xama xama m'a ekwatnamáxchexa nak chá'a aqsok, tén han xama nepkések apkennawo'.

Números 23:14

Apyentegkek axta Balac yókxexma Sofim ma'a Balaam, étseksek axta m'a egkexe Pisgá, apkelanakxa axta siete élwatnamáxchexa aqsok, apkelwatnakxa axta nahan chá'a xama xama m'a weyke étkok kennawo', tén han xama nepkések apkennawo'.

Números 23:1

Tén axta Balaam aptáha apcháneya s'e: —Yána sa' ko'o héllanaksek siete élwatnamáxchexa aqsok se'e, henaqlantagkas sa' nahan siete weyke étkók kelennay'a, tén han siete nepkések apkelennay'a.

2 Samuel 16:15

Aptaxneyk axta Absalón ma'a Jerusalén yetlo apkelxegexma'a m'a apyókxoho énxet'ák Israel, tén han ma'a Ahitófel.

2 Samuel 23:34

Elifélet, apketche axta Ahasbai, tén han ma'a apkeñama nak Maacá apketche; Eliam, apketche nak Ahitófel, apkeñama axta Guiló;

Salmos 41:10

Wesse', yepyósho hélano'; hexneyásekxa néten, keñe sa' atnéssesek ko'o ekpayhawo nak atnéssesek séllegassáseykegkoho m'a.

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Jeremías 6:20

¿Yaqsa ektáha sélsántegkesa nak ko'o kéxegke aqsok ánek ekmátsa nak ekpaqneyam éten agkok éleñama nak Sabá, tén han yámet ekmátsa nak ekpaqneyam éleñama nak ma'a apkelókxa makhawók agko'? Megkalchek ko'o ewáxok ma'a aqsok kélwatno nak, tén han ma'a mók aqsok kélnaqtósso kélnapma nak.”