2 Samuel 12:16 - Biblia Enxet

¹⁶ Keñe axta David apkelmaxnéssesa Dios ma'a sakcha'a, axta etáwak apto, apkelmalláneykegkek axta axta'a apyetno náxop.

2 Samuel 12:16 Referans Kwoze

2 Samuel 13:31

Apchampákxeyk axta néten ma'a wesse' apwányam, apkelyepteyk axta aptaxno, appexyawáha axta náxop, keñe axta han ma'a apyókxoho apkeláneykha apheykha axta m'a, apkelyeptégko han apkelnaqta;

Jonás 3:9

lapmaxcheyk sa' kexaha eyaqmagkasek apmakókxa nak etnehek Dios, tén han kamaskok aplo, keñe sa' magmassehe'.”

Isaías 22:12

Apkeláneyáha axta kéxegke Wesse' ekha nak apyennaqte apkeltamho kóllekxagwaha xa ekhem nak tén han kallapwomagkok, tén han kólmópésagkohok kélyese kólántaxnekxak ma'a apáwa sẽlwáxaqxamól'a magkenatchesso éllapwáméyak.

Salmos 69:10

Élekxagweyha agkok chá'a yetlo mato sekto, hésmaksek chá'a;

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Ester 4:16

“Exeg, yánchásekxa sa' apyókxoho judíos apheykha nak ma'a Susa, yaqwayam sa' metawagkehek aptéyak hélmaxnéssesek ko'o. Metawagkehek sa' aptéyak ekweykmoho ántánxo ekhem tén han ántánxo axta'a, ménagkek sa' nahan ma'a apyenéyak nak. Antamhagkok sa' eyke negko'óxa xa ektáha nak, cham'a séláneykha nak, tén sa' ko'o axog ay'ókxak ma'a wesse' apwányam, énmexma eykhe segánamakxa m'a sekmakókxa nak atnehek. Apkeltamhók sa' agkok amátog, tásek amátog.”

1 Reyes 21:27

Xama axta apleg'a Ahab ekyókxoho xa amya'a nak, apkelyepteyk axta aptaxno, aptaxneykxeyk axta m'a apáwa sẽlwáxaqxamól'a keñe han metawa apto. Apténawok axta han xamo' xa apkelnaqta nak, yaqhápeyha axta apwáxok apweynchámeyncha'a.

2 Samuel 12:22

Apchátegmowágkek axta David: —Matwehek axta chá'a ko'o sekto apyennaqtamakxa axta m'a sakcha'a, alekxagwaha axta han chá'a ekxeyenma eykhe ewáxok lapmaxcheyk kexa kapyóshok hélanok ma'a Wesse' egegkok, keñe yohok makham eweynchamha m'a sakcha'a.

Isaías 26:16

Wesse', agketmok chá'a exchep nenlegágkoho enxoho ekyentaxnamo egwáxok, cham'a senlegassásegkoho enxoho, yetlo magyennaqtésso nempaqhetchesso.

2 Samuel 12:15

Xama axta aptaqháwo apxagkok ma'a Natán, apméssek axta ekyentaxno agko' apháxamap Wesse' egegkok ma'a sakcha'a, ekwetasso axta David ma'a Urías axta aptáwa'.

Nehemías 1:4

Xama axta ko'o sekleg'a xa amya'a nak, ekheyk axta sekwana. Yáma wenaqtémók axta ekyaqhapmo ewáxok, axta atók sekto, élmaxnagkamchek axta nápaqtók Dios apha nak néten.

Daniel 6:18

Keñe axta wesse' apwányam apmeyákxo makham ma'a apxagkok, apyetnákxeyk axta, axta etáwak apto, meyke apkelane m'a ektémakxa axta chá'a ekleklamo apwáxok; axta etyenak axta'a.

Josué 7:6

Keñe m'a Josué tén han ma'a apkelámha apmonye'e nak énxet'ák Israel, apkelyeptégkek axta apkelántaxno, apnegkenágkek axta han néten apqatkok ma'a xapop ánek magkenatchesso ekyetna ekyentaxno agko' éllapwámeyak; keñe axta apkelháxahágko ekyetnakxa m'a yántéseksek apagkok nak Wesse' egegkok, apkeltekxeyágkek axta nápaqta'a xapop ekwokmoho ektaxnakmo.

Daniel 9:3

Élmaxnakkek axta ko'o Dios Wesse' egegkok séltamho hepasmok, yetlo sélántaxneykekxa m'a apáwa sẽlwáxaqxamo nak, néten táhap axta han ekhak.