2 Samuel 1:23 - Biblia Enxet

²³ “Apkelásekhamakpók axta han xa apqánet nak Saúl tén han Jonatán, mekxeykpók axta chá'a, ekwokmoho apkeletsapa. ¡Apmelyeyha'ak axta yenyahagkok, apyeykhásseykmók axta m'a náta ekyawe nak! ¡Apmelyeyha'ak axta, apyeykhásseykmók axta yámakméwa!

2 Samuel 1:23 Referans Kwoze

Jeremías 4:13

Kóllano, máxa yaphope élxegayam aptamhágkok apkelxegakmo m'a kélenmexma, máxa éxchahayam ekyennaqte agko' la'a m'a yátnáxeg apkelyenyawasso apagkok apkenchesso nak kempakhakma, apmelyeyha'awók apagko' han apkenyehéyak ma'a yátnáxeg apkelchánte, apyeykhásseykmok ma'a ekweykenxal'a ekyennaqte émpé m'a náta élyawe. ¡Negko'o laye, peyk agmassegwók!

Jueces 14:18

Siete ekhem axta entáhak, peyk axta katxek ekhem, apkelya'aweykxo filisteos aptáha apcháneya Sansón se'e: “Méko ekhawo ekmátsa m'a yányawhéna' apyegmenek, méko han ekhawo ekyennaqte m'a yámakméwa.” Apchátegmowágkek axta Sansón: “Kaxtemék xeyk kéxegke megkólchakkasso weyke étkok sektósso megkólya'asagkehek xeyk.”

Lamentaciones 4:19

Apmelyeyhawók apagko' apkenyehéyak ma'a segmenxenma nak, apkelyeykhásseykmók ma'a náta élyawél'a; egmenxeneykha m'a neyseksa egkexe nak, ¡egnegkencháseykegkek kelhanma m'a meykexa nak énxet!

Proverbios 30:30

cham'a neptána, aqsok nawhak eklo agko', megyenye nak amonye' xama aqsok, megyeye nak han ma'a énxet;

Job 9:26

Máxa yántakpayhe ekyennaqte ekxega temék, máxa m'a náta ekyawel'a kathánek ekyógkexma'.

1 Samuel 18:1

Xama axta appenchesa appaqhetchesso David ma'a Saúl, aptemék axta apxegexma apagko' Jonatán ma'a David, awanhek axta apchásekhayo ekhawo ektémakxa nak apchásekhamakpekxoho apagko'.

Deuteronomio 28:49

Ektágkásegmak sa' kéxegke Wesse' egegkok ma'a énxet'ák apkeleñama nak apchókxa makhawók agko' keso náxop, cham'a énxet'ák megkólmowána nak kéxegke m'a apkelpeywa. Máxa sa' etnahagkok ma'a ektémól'a náta meyke ahekhek ekyennaqtél'a kampa';

1 Crónicas 12:8

Nápakha Gad énxet'ák apagkok axta han appásegweykmok ma'a David, aphakxa axta makham ma'a apyetnamakxa axta tegma apyennaqte m'a meykexa axta énxet. Kempakhakma yapmeyk megyeye elmahagkok eyesagkexa axta m'a, apwancha'ak axta apkelempakhe yetlo apkelmeykha m'a apkeláhakkásamap keñe han sawhéwa. Máxa axta méwa nát nápaqta'a m'a, máxa axta han popyet yenyahagkok ma'a néten egkexe nak.

2 Samuel 23:20

Xama énxet apyennaqte axta han ma'a Benaías, Joiadá axta apketche, apteme axta énxet Cabseel, xámok axta aqsok apkelane. Axta apkelnapma m'a apqánet apketchek axta Ariel, apkeñama axta Moab. Aptaxneyk axta máxek apteyekmo yeyam, cha'a apchaqhakxa axta han méwa m'a kañe' nak.

1 Samuel 20:2

Axta aptáhak Jonatán apchátegmowágko: —¡Megyohok sa' Dios emátog xép! Kaxén apwáxok megkatnehek chá'a ko'o meheltennasso táta ekyókxoho aptáhakxa enxoho chá'a, megkeyxek ma'a aqsok mékoho nak. ¡Mekpósek chá'a aqsok nahaqtók ko'o m'a táta! ¡Mopwanchek etnehek!

2 Samuel 2:18

Axta han apháha apqántánxo étchek Seruiá m'a: cham'a Joab, Abisai tén han Asael, apmeyhek axta yenyehek ma'a Asael, máxa axta xenaq kanyehek ma'a yókxexma eyáxñe nak,

2 Samuel 1:24

“¡Kóllekxagwaha kelán'ák nak Israel, eñama apketsapma Saúl, apkelmeyáseykegko axta chá'a yaqwayam kólántaxnekxak ma'a apáwa hómáyok, tén han ma'a apáwa apkeláxñe nak, apkelnáxegkáseykencha'awo axta chá'a apkelméssama m'a aqsok éltaqmalma élánamáxche nak sawo ekyátekto élmomnáwa!

Cantares 5:16

yetnegkek nahan aqsok ekmátsa agko' ma'a apátog nak. ¡Énxet ekleklamo egwáxok anlanok ma'a! Cháxa aptémakxa ko'o sekpagkanma xa, cháxa aptemék ko'o seyásekhayo nak xa, kelán'ák Jerusalén.