1 Samuel 9:24 - Biblia Enxet

²⁴ Yahamok axta aplekwákxo kéltósso eywok ma'a ektáha axta aphanma aqsok, keñe apmésa m'a Saúl. Tén axta aptáha apcháneya Samuel: —Cháxa kéltaqmelchessesso exchek xép xa. Elyenyekha', etaw, hakte xép axta sektaqmelchessesso s'e ekhem nak, séláneyáncha'a nak énxet'ák. Aptókek axta apto Saúl xa ekhem nak yetlo Samuel.

1 Samuel 9:24 Referans Kwoze

Ezequiel 24:4

exátem sa' nahan ápetek kélyaqtennéyak ma'a kañe' nak, eywok ápetek kélyaqtennéyak ekmele nak tén han ma'a akpok ápetek, tén han ma'a axchakkok eknaqmele nak.

Éxodo 29:27

Etaqmelches sa' nepkések apnények sélmésso naqsa ektaqmalma nak ko'o kélya'áseykha nak néten, tén han ma'a apyók sélmésso nak yaqwayam kólteméssesek aqsok sélmésso naqsa, hakte cháxa kéltaqmelchessesso Aarón xa tén han apketchek, cham'a nepkések apkennawo' kélmeykha nak kélteméssesso apkelmaxnéssesso énxet'ák ahagkok.

Éxodo 29:22

“Emekxa sa' pexmok ekyetno nak awhak apyapakyek ma'a nepkések apkennawo' tén han ma'a eyapma nak támpagkok tén han ma'a aphekhek, elma sa' nahan ma'a ánet élyaqye apagkok nak, tén han m'a pexmok ekwakheykekxa nak, tén sa' nahan ma'a xama apyók apkelya'assamakxa nak, hakte cháxa apteme xama nepkések apkennawók yaqwayam kólteméssesek apkelpagkanamap ma'a apkelmaxnéssesso nak énxet'ák ahagkok.

Números 18:18

Xeyep sa' elmekxak ma'a ápetek nak, ekhawo nak han ma'a agkenyek nak aqsok kéltósso, cham'a kélmésso naqsa ektaqmalma, tén han ma'a eywok élya'assamakxa nak.

1 Samuel 9:23

Keñe axta Samuel aptáha apcháneya m'a ektáha axta aphanma aqsok: —Esanta sa' ápetek sekmésso séltémo exchek etaqmelchesek.