1 Samuel 4:5 - Biblia Enxet

⁵ Xama axta ekwa'a Wesse' egegkok yántéseksek apagkok ma'a apkelpakxeneykegkaxa nak israelitas, apkelwónchessek axta yetlo élpayheykekxa agko' apkelwáxok, apyawhéssek axta xapop.

1 Samuel 4:5 Referans Kwoze

Josué 6:5

Kélleg'ak sa' agkok kéxegke ekpáwà ekwenaqte m'a apchaqkahasso meyke ekhémo m'a mók nak, nágkóléságkoho aqsa kólwehesha, keykpentágwomhok sa' élyaqnenéyak ma'a kélhaxtegkesso nak tegma apwányam nápakhaw'ék, tén sa' kólchetamagkok kélyókxoho m'a tegma apwányam nak.”

Amós 6:3

Megkólmenyeyk kéxegke kaxének kélwáxok ma'a ekhem ekmaso peya nak kawa', kélwagkassa'ak aqsa m'a wesse' peya nak enaqtawasagkohok kéxegke.

Jeremías 7:4

Nágkóleyxho m'a apkelyexancháseykencha'a nak chá'a, aptéma nak chá'a apkelanagkama s'e: ¡Keso apyetna Wesse' egegkok tegma appagkanamap apagkok se'e, keso apyetna Wesse' egegkok tegma appagkanamap apagkok se'e!

Job 20:5

yaqwátawók chá'a katnehek ekpayheykekxa apwáxok ma'a ekmaso nak aptémakxa; yaqwatakxoho m'a apchátseykha nak.

Jueces 15:14

Xama axta apkelwákxo m'a yókxexma Lehi, apkelanyexakmek axta m'a filisteos, apkelwóncháseyha axta élpayhékxo apkelwáxok. Taxneyk axta eyke apwáxok Sansón Wesse' egegkok apmopwána, apkelyétekkessek axta m'a táma kélnaqtete axta apaktegák tén han apmék, máxa axta aptemessásak ma'a táma élmeyesmal'a;

Josué 6:20

Apkelwehéseyha axta énxet'ák tén han apkelpáwasa apkelmaxnéssesso Dios énxet'ák apagkok ma'a apkelaqkahasso. Xama axta apkelleg'a énxet'ák Israel élpáwa m'a apkelaqkahasso nak, keñe apkeleynawo apkelyennaqtéssawo apkelwehéseykha, yetlókok axta élyaqnenéyak ma'a kélhaxtegkesso nak nápakhaw'ék tegma apwányam. Apketámegkek axta ekpayhókxa nak apkelenmexma m'a tegma apwányam, tén axta apma.

Miqueas 2:11

Yetneyk agkok xama énxet aptamheykha apmopwána amya'a, etnehek chá'a s'e: “Añeksohok chá'a ko'o kéxegke m'a anmen yámet égmenek, tén han ma'a mók anmen nak”, cháxa yaqwayam etnehek Dios appeywa aplegasso apagkok ekleklamo apwáxok xa énxet'ák nak.

1 Samuel 4:6

Xama axta apkelleg'a filisteos xa kélwónchesso nak, aptáhak axta aptegyáncha'a amya'a: “¿Yaqsa ektáha ekyennama agko' nak exma m'a apkelpakxeneykegkaxa nak hebreos?” Xama axta apkelya'ásegwokmo ekwa'a Wesse' egegkok yántéseksek apagkok ma'a apkelpakxeneykegkaxa nak,

2 Samuel 15:24

Apxegkek axta han ma'a Sadoc yetlo m'a apyókxoho levitas, apseykha axta m'a Dios yántéseksek apagkok, apyenséssekmek axta han Abiatar, ekwokmoho apkelántepa apyókxoho énxet'ák ma'a tegma apwányam.

1 Reyes 1:40

Apkelyetlókek axta han apyókxoho énxet, apkelpáwássek axta yámámok. Awanhók agko' axta élpayheykekxa apkelwáxok, máxa axta táhak ekpaqxa enxoho neyseksa xapop eñama apkelpáxameykha ekyennaqte.