1 Samuel 30:6 - Biblia Enxet

⁶ Tamháha agko' axta apwáxok ma'a David, hakte apmakók axta yaqhek ma'a sẽlpextétamo apagkok peya elyetnak meteymog, apkellókók apagko' axta apkelwet'a ektáhakxa m'a apketchek. Apwasqakkásekxók axta eyke David ma'a Dios Wesse' apagkok,

1 Samuel 30:6 Referans Kwoze

Salmos 56:11

may'ásseykmok ko'o Dios, méko seyekakxa'. ¿Háxko apwanchek ko'o hetnéssesek énxet?

Salmos 62:5

Dios apteme wánxa segkésso meyke ektáhakxa sekha; hakte cha'a keñamak sélhaxneykha chá'a ko'o m'a.

Salmos 18:6

Ekwóneykha axta ko'o Wesse' egegkok ma'a ekyentaxnama axta setnamakxa', éltémok axta hepasmok Dios ahagkok, aplegayók axta ko'o sélmaxnagko m'a ekpayho nak tegma appagkanamap apagkok; ¡aplegayak axta sekwóneykha!

Salmos 25:17

Yágweykmók aqsa eklegeykegkoho ewáxok; hemasséssek ko'o ektémakxa nak ekyentaxno ewáxok.

Salmos 116:10

Élenxáneykmek axta aqsa ko'o sekteme may'ásseyam, neyseksa eykhe sekxéneykha ekyentaxno seklegeykegkoho.

Éxodo 17:4

Keñe axta m'a Moisés apwóneyncha Wesse' egegkok. Aptáhak axta apcháneya s'e: —¿Háxko atnéssesek ko'o s'e énxet'ák nak? ¡Kaxwók sa' hélyetnak meteymog heyaqhek!

Salmos 42:11

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Salmos 27:14

¡Nágkólya'ássem Wesse' egegkok! ¡Kólwasqápekxoho, nágkólyelqaxche'! Naqso', ¡nágkólya'ássem Wesse' egegkok!

1 Samuel 1:10

Keñe m'a Ana kelekxagweyha axta, yentexók agko' axta ektáhakxa awáxok, tén axta ektáha nempeywa nélmaxnagko ekpaqhetchesa Wesse' egegkok.

Números 14:10

Keñe axta énxet'ák apmako aqsa elnápok elyetnak meteymog. Tén axta ektepa Wesse' egegkok élseyéxma apagkok ma'a kélpakxanma apchaqneykekxexa nak chá'a énxet'ák, nápaqta'awók ma'a apyókxoho israelitas.

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Jeremías 16:19

Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Job 13:15

Heyaqhek sa' eykhe, malwátessemek sa' eyke sektémakxa nak chá'a sekpeywa, yaqwayam altennaksek nápaqtók sekteme meyke sektémakxa'.

Isaías 25:4

Hakte xép apteme apyexanmomakxa m'a énxet apmopyósa nak, apmasma m'a aplegeykegkoho nak aphakxa meyke aqsok, apyexanmomakxa m'a ekwa'a enxoho éxchahayam ekyennaqte, pessesse apagkok ma'a ekmexna enxoho mayáhat. Máxa éxchahayam ekyennaqte éxcheheykmohol'a ekhem apmopsamágexa apkelennama m'a énxet'ák megkalmayósa nak elanok aqsok,

Salmos 62:1

Dios apteme wánxa segkésso meyke ektáhakxa sekha; cha'a keñamak sekwayam teyp ma'a.

Salmos 42:7

Anleghok ekpáwà awáxok ekyennaqte élpexyaweykenta yegmen ényé m'a xapop ekweyweykenta apagkok nak; eyapmeyk ko'o m'a yegmen ényé ekyennaqte apcháphasso nak xép.

Jueces 18:25

Aptáhak axta apkelátegmowágkokxo danitas se'e: —Ná hẽlpáxegkesha, ellók katnehek negko'o nápakha nélxegexma'a, keñe ektamagkok, yaqhek katnehek xép tén han ma'a aphawóxama nak.

Génesis 32:7

Apkekawók apagko' axta Jacob apleg'a, yetnakha'awók axta apwáxok. Yetlókok axta han apkexpánchesso apqánet apkelyaqyeyáseyak énxet ektáha axta apkelxegexma'a, tén han ma'a nepkések, weyke, yányátnáxeg,

Salmos 42:5

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

2 Samuel 17:8

Apya'ásegkok xép ma'a apyáp David, tén han ma'a apkelxegexma'a nak, apmelyeyha'ak elnapakpok, apkellókók apagko' kexa kaxwo', ektémól'a aqsok nawhak eklo kelwána kólyementamok étkók. Énxet apya'áseyak ektémakxa kempakhakma han ma'a apyáp nak xép, metyenek han chá'a xamo' ma'a apkelxegexma'a nak.

2 Reyes 4:27

Tén axta ekwokmo m'a egkexe aphakxa axta m'a Eliseo, kelpathetchessekmek axta apmagkok. Apyo'ókmek axta Guehazí apnókásencha'a, keñe Eliseo aptáha apcháneya s'e: —Katnehek agkok xa, yentexek ektáhakxa awáxok, meheltennásak ko'o makham Wesse' egegkok ektáhakxa xa.

1 Samuel 23:16

Xama ekhem axta apyo'ókmok Jonatán, Saúl axta apketche m'a David, aphamakxa axta yókxexma Hores, yaqwayam ewasqakkásekxoho tén han énnaqtésseshok mey'ásseyam ma'a Dios.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 31:24

Kólwasqápekxoho, kólyennaqteyásekxoho kélwáxok kélyókxoho megkólya'ásseyam nak Wesse' egegkok.

Salmos 71:4

Dios ahagkok, hewagkas ko'o teyp neyseksa apmáheyo hemok ma'a élmasagcha'a nak apkeltémakxa, tén han apkelyennaqteyáseykha nak chá'a apyempe'ék.

Salmos 71:5

Hakte axta ay'ásseykmok chá'a ko'o exchep Wesse', seyeynamo m'a sektémakxa axta étkok, seyásenneykekxa axta chá'a ektemék.

Jonás 2:2

Aptáhak axta s'e: “Wesse', neyseksa ekmaso setnahakxa axta ko'o ekwóneyha exchep, apleg'ak axta nahan. Apkelmaheykegkaxa apkeletsapma axta payhok sekwónegkaxa exchep, apleg'ak axta nahan sekwóneykha.

Jueces 20:22

Axta keñamak apkelmeyákxo israelitas ma'a Betel, peya ellekxagwaha nápaqtók Wesse' egegkok ekwokmoho ekyáqtésa, keñe axta apkelpaqhetchásekpoho apkelmaxneya, apwanchek kexa ektamagkokxak makham ma'a Benjamín énxet'ák apagkok, cham'a appeywomo xamo' nak. Apkelyennákxók axta makham, hakte apkeltamhók axta ektámegkokxak ma'a Wesse' egegkok, keñe axta mók ekhem, peya yempakhekxak makham ma'a Benjamín énxet'ák apagkok, cham'a apkelnápékpexa axta han ma'a sekxók axta.

1 Samuel 28:15

Keñe axta Samuel aptáha apcháneya s'e: —¿Yaqsa ektáha sélya'asa nak exma seyáneyancha'a amyenták se'e? Aptáhak axta Saúl apchátegmowágko: —Awanhók agko' ko'o ekyentaxno ewáxok, ektamokmek ma'a filisteos, eyenyókek han ma'a Dios. Massegkek seyátegmowéyak, massegkek han apkelásenneykekxa héltennaksek ma'a apkellegasso nak appeywa, mehexekmóssók han ma'a sekwanmagko. Cháxa keñamak seyáneyáncha'a nak xép, yaqwayam hexekmósek eyeyméxchexa alána'.

Salmos 138:3

Ekwóneyha axta, eyátegmowágkek axta, egkeyásekxeyk axta makham mók sekyennaqte.