1 Samuel 27:10 - Biblia Enxet

¹⁰ tén axta etnehek chá'a elmaxneyha s'e: “¿Yaqsa apchókxa kélyementamágko aqsok sakhem?”, keñe axta David etnehek chá'a yátegmowagkok: “Cham'a teyp nak Judá, ekpayho nak nepyeyam”, essenhan “teyp nak Jerahmeel, ekpayho nak nepyeyam”, essenhan ma'a “Teyp apheykegkaxa quenitas, ekpayho nak nepyeyam.”

1 Samuel 27:10 Referans Kwoze

Jueces 1:16

Apkelántekkek axta tegma apwányam élámhakxa axta áxa m'a Hobab axta aptawán'ák neptámen, apteme axta quenita, Moisés axta apepyáta', yetlo m'a Judá énxet'ák apagkok, apkelmahágkek axta m'a yókxexma meykexa énxet nak Judá, teyp nak Arad, ekpayho nak nepyeyam. Cha'a apkelheykemxa axta han appáxaqweykmo m'a énxet'ák apheykha axta m'a yókxexma nak.

1 Crónicas 2:25

Keso apketchek axta Jerahmeel, apketche átnaha apketkok axta m'a Hesrón: Ram, apteme axta átnaha apketkok, Buná, Oren, Ósem tén han Ahías.

1 Crónicas 2:9

Hesrón apketchek: Jerahmeel, Ram tén han Quelubai.

1 Samuel 30:29

tén han Racal, keñe han ma'a énxet'ák apheykha axta tegma apkelyawe Jerahmeel, tén han ma'a tegma apkelyawe apagkok axta m'a quenitas,

Jueces 4:11

Axta appakxenweykmok Héber, apteme axta quenita, keto' nak Quedes, ekpayhókxa axta émhakxa m'a yámet encina, émha axta m'a Saanaim, cham'a Héber apteyapma axta nepyeseksa m'a apnámakkok xamo' nak quenitas, apteme axta han aptawán'ák neptámen xamo' ma'a Hobab, Moisés axta apepyáta'.

Proverbios 29:25

Asagkek ageyk ma'a énxet'ák, yetneyk eyke katnehek apmeyámap ma'a énxet apteme nak apcháyo Wesse' egegkok.

Salmos 119:163

Ataqnawhok chá'a ko'o m'a ekmowána amya'a nak, megkalchehek chá'a ewáxok, eyke eyásekhayók ma'a nélxekmowásamáxche apagkok nak xép.

Salmos 119:29

Nágyoho ko'o eytlók ma'a ámay ekyetnamakxa nak negmowána amya'a, hey'assásegwom ko'o m'a nélxekmowásamáxche apagkok nak.

2 Samuel 17:20

Xama axta apkelwokmo m'a Absalón apkelxegexma'a, aptáhak axta apkelmaxneyáncha'a kelán'a: —¿Háxko apkelmahágkaxa Ahimaas tén han Jonatán? —Exchek so apkelyeyk'ak se'e, apkelmahágko m'a ekpayho nak wátsam —axta entáhak eyátegmowágko m'a kelán'a. Keñe axta apkelamhágko m'a Absalón apkelxegexma'a, xama axta melwetákxo, apkeltaqháwo makham ma'a Jerusalén.

1 Samuel 23:27

apwokmek axta xama apseykha amya'a aptáha apcháneya Saúl se'e: —¡Wesse', etaqhoho sa' ekmanyehe agko', hakte apkelántaxneyk negókxa m'a filisteos!

1 Samuel 21:2

Apchátegmowágkek axta David: —Wesse' apwányam xeyk ko'o seyáphasso, apkeltamhók xeyk han maxének apkeltamhókxa alának aqsok. Éltennássek xeyk eyke yókxexma yaqwánxa ólwetaxchek ma'a sélxegexma'a nak.

1 Samuel 15:6

axta aptáhak apkeláneya quenitas se'e: —¡Kólántép nepyeseksa amalecitas, yaqwayam sa' megkóltekyawok xamo' kéxegke m'a; hakte tásek axta kélteméssessamakxa kéxegke israelitas, apkelxegeykmo axta apkeleñama m'a Egipto! Yetlókok axta apkelánteyapma quenitas nepyeseksa m'a amalecitas.

Jueces 5:24

“¡Éleñémo sa' katnehek neyseksa kelán'ák ma'a Jael, aptáwa' nak ma'a Héber, apteme nak quenita! ¡Éleñémo sa' katnehek neyseksa m'a kelán'ák ekheykha nak apkelpakxeneykegkaxa!

Números 24:21

Apkelwet'ak axta nahan ma'a quenitas, yetlókok axta han aplegasso s'e amya'a nak: “Kéxegke Caín aptawán'ák neptámen: yetneyk eykhe kélyexánegweykekxexa ekyennaqte, kélnegkeneykegkek eykhe kélxanák ma'a neyseksa meteymog, kamasséssók sa' eyke táxa xa kélxanák nak, apkelma sa' ma'a énxet'ák Asiria.”

Génesis 27:24

aptáhak axta makham apkelmaxneyákxoho s'e: —¿Naqsóya exchep hatte Esaú? —Éhay, ko'o Esaú —axta aptáhak Jacob apchátegmowágko.

1 Samuel 27:11

Axta han yáyekmok chá'a David xama enxoho énxet tén han kelán'a, apchéssama kaxek chá'a ekmeyeykekxa m'a Gat, tén han kaltennaha chá'a m'a ektáhakxa aqsok apkelane. Axta aptemék chá'a neyseksa apha m'a filisteo apchókxa'.

1 Samuel 29:8

Apchátegmowágkek axta David: —¿Yaqsa aqsok ko'o sélana? ¿Yaqsa aqsok apweteya ko'o séláneya neyseksa sekha xamo' xép megya'awo nak alnapaxchek ma'a apkelenmexma nak?