1 Samuel 24:9 - Biblia Enxet

⁹ aptáhak axta apcháneya s'e: —¿Yaqsa ektéma apháxenmo nak chá'a kéltennáseykha sekmáheyo ko'o atnéssessamhok exma ekmaso exchep, wesse'?

1 Samuel 24:9 Referans Kwoze

Proverbios 29:12

Apkemha apmonye' apháxenmo nak chá'a ekmowána amya'a, kawakxohok apteméssesso élmasagcha'a apkeltémakxa m'a apyókxoho apkeláneykha.

Proverbios 26:28

Etaqnawhok amya'a ekmámnaqsoho m'a énxet apmopwána amya'a nak, énxet ektaqmeleykha nak appeywa henlána', etekkesek chá'a ekmaso apheykha énxet'ák.

Proverbios 25:23

Kasógmohok chá'a ekmámeye m'a excheyha, keñe negya'ásseyam ekmaso m'a eklo nak négát.

Proverbios 18:8

Máxa nento ekmátsal'a m'a néltennágwayam nak aqsa chá'a nátegma, keytnók chá'a m'a kañók agko' nak egwáxok.

Proverbios 17:4

Yeyxhok chá'a appeywa ekmaso énxet ma'a ekyeyháxma nak, keñe m'a apmopwancha'a nak chá'a amya'a, yeyxhok chá'a apkelpaqméteykha m'a apkelxéneykha nak apnámakkok ekmaso.

Proverbios 16:28

Etekkesek chá'a apkelenmexamap énxet ma'a ekmaso nak aptémakxa'; nélenmexamaxche han etekkesek ma'a énxet apkeltennágwayam naqsa nak chá'a apmopwána amya'a m'a nátegma.

Salmos 141:6

Kólchexeynták sa' néten meteymog ma'a apkelámha amonye'e apagkok nak ma'a élmasagcha'a apkeltémakxa, elya'ásegwók sa' ektáha naqso' ma'a sektáhakxa sekpeywa.

Salmos 101:5

Alwanmeyásekxak sa' chá'a m'a apkelyexamakpoho nak chá'a apkelxéneykha ekmaso m'a apheykha nak ketók apheykegkaxa'; ¡megkalchehek sa' ko'o ewáxok ma'a apkelásennómap nak, tén han ma'a éleymáxkoho apkelwáxok!

1 Samuel 26:19

Éltamhók ko'o yeyxhok sekpeywa, wesse', sektáha nak apkeláneykha: Wesse' egegkok sa' agkok sénmexcháseykekxa ko'o exchep, wesse', emok sa' takha' aqsok apmésso naqsa; énxet sa' agkok ma'a, Wesse' egegkok sa' eltaqnaweygkok. Hakte etekkessegkek ko'o s'e yókxexma nak, ektáha nak apagkok ma'a Wesse' egegkok, eyáteyeykegkok alpeykeshok ma'a mók aqsok kéláyókxa nak.

Levítico 19:16

“Nágkóltemeykha kélmowána amya'a nepyeseksa énxet'ák kélagkok. “Nágkólwéhenekxoho chá'a m'a kélmók apmáheyo yaqhek pók. Ko'o sekteme Wesse' kélagkok.

1 Samuel 20:1

Apkenyahákxeyk axta eyke makham David apkeñama m'a Naiot ekpayho nak Ramá, apmeyákxeyk axta m'a aphakxa axta Jonatán, axta aptáhak apcháneya s'e: —¿Yaqsa aqsok ko'o séláneya? ¿Yaqsa aqsok ekmaso séláneya ko'o? ¿Yaqsa may'assáxma séláneya nápaqtók apyáp sétamsama nak apmáheyo heyaqhek?

1 Samuel 24:8

Yetlókok axta han apteyapma David ma'a kañe' meteymog áxwa apchamhánto m'a, aptáhak axta apwóneyncha'a s'e: —¡Saúl, wesse' apwányam! Appeynchákpók axta neptámen Saúl, keñe David apháxahánto ekwokmoho aptekxekwa'akto nápat náxop apxekmósa aptáha apcháyo,

1 Samuel 24:10

Apwanchek ékpelkohok xép segkésa eykhe Wesse' egegkok yaqwayam amok ma'a kañe' nak meteymog áxwa, makke amako' waqhek xép wesse', ey'awok aqsa eweynchamha makham, hakte exchek ko'o táhak ekxéna ewáxok xép wesse': wesse' apwányam, Wesse' egegkok apagko' axta apkelyéseykha.

1 Samuel 26:18

¿Yaqsa ektéma seyaqmáseykencha'a nak wesse', ko'o sektáha nak xép apkeláneykha? ¿Yaqsa aqsok séláneya? ¿Yaqsa aqsok ekmaso séláneya ko'o?

Jeremías 37:18

Axta aptáhak Jeremías apkelmaxneyáncha'a wesse' apwányam Sedequías se'e: —¿Yaqsa aqsok ekmaso ko'o séláneya nápaqtók xép wesse', essenhan nápaqta'awók ma'a apkeláneykha nak, essenhan ma'a énxet'ák, seyaqxegkessama nak kañe'?

1 Samuel 20:41

Xama axta apwenchapákxo m'a apkeláneykha nak, aptekkek axta David ma'a teyp eyaqneykekxexa axta meteymog, ántánxo apháxaheykenta axta han aptáhak David apmonye' m'a Jonatán, ekweykmoho aptekxeya ekpayhakxa nápat xapop. Appathetáha axta han pók, apkellekxagweyha axta han ekwokmoho ektaqmelákxo apwáxok David.