1 Samuel 24:8 - Biblia Enxet

⁸ Yetlókok axta han apteyapma David ma'a kañe' meteymog áxwa apchamhánto m'a, aptáhak axta apwóneyncha'a s'e: —¡Saúl, wesse' apwányam! Appeynchákpók axta neptámen Saúl, keñe David apháxahánto ekwokmoho aptekxekwa'akto nápat náxop apxekmósa aptáha apcháyo,

1 Samuel 24:8 Referans Kwoze

1 Samuel 26:17

Xama axta apyekpelchawo Saúl appeywa m'a David, axta aptáhak se'e: —¡Xép neykel'a sepaqhetchesa nak David, épháyem! Keñe axta aptáha David apchátegmowágko: —Éhay, wesse', ko'o s'e.

1 Samuel 20:41

Xama axta apwenchapákxo m'a apkeláneykha nak, aptekkek axta David ma'a teyp eyaqneykekxexa axta meteymog, ántánxo apháxaheykenta axta han aptáhak David apmonye' m'a Jonatán, ekweykmoho aptekxeya ekpayhakxa nápat xapop. Appathetáha axta han pók, apkellekxagweyha axta han ekwokmoho ektaqmelákxo apwáxok David.

Éxodo 20:12

“Etne apcháyo apyáp tén han ma'a egken, yaqwayam enxoho kawegqohok apweynchámeykha keso náxop apmésso axta m'a Dios Wesse' apagkok.

Génesis 17:3

Keñe axta Abram apháxahánto ekwokmoho aptekxeya ekpayhakxa nápat xapop, axta aptáhak Dios appaqhetchesa s'e:

1 Samuel 24:7

Cháxa aptáhakxa axta David apnókasancha'a m'a apkelxegexma'a, axta ya'awok ektamagkok ma'a Saúl, aptekkek axta Saúl ma'a meteymog áxwa apxegákxo makham.

1 Samuel 24:9

aptáhak axta apcháneya s'e: —¿Yaqsa ektéma apháxenmo nak chá'a kéltennáseykha sekmáheyo ko'o atnéssessamhok exma ekmaso exchep, wesse'?

1 Samuel 28:14

—¿Háxko ekteme? —axta aptáhak apkelmaxneyáncha'a Saúl. —Máxa énxet apwányamók la'a, apchaqlamap aptaxno apwenaqte —axta entáhak eyátegmowágko kelán'a. Yohok axta han apya'ásegkoho Saúl aptáha m'a Samuel, apháxahánteyk axta ekwokmoho aptekxekwa'akto nápat xapop.

1 Reyes 1:31

Háxahánteyk axta Betsabé apmonye' wesse' apwányam ekwokmoho ektekxekwa'akto nát xapop, keñe ektáha ekpeywa s'e: —¡Megkatnégwomek sa' néxa exchep apha wesse' ahagkok, wesse' apwányam David!