1 Samuel 23:18 - Biblia Enxet

¹⁸ Keñe axta apqánet apheyásawo mók apkelpaqhetchásamákpoho, apteméssessek axta han apweteykegkoho m'a Wesse' egegkok. Tén axta Jonatán aptaqháwo makham apxagkok, keñe axta David aphákxo makham ma'a Hores.

1 Samuel 23:18 Referans Kwoze

2 Samuel 21:7

apmeyókek axta eyke m'a Mefi-bóset, Jonatán axta apketche, Saúl axta aptáwen, eñama m'a aphéssamo axta mók apkelpaqhetchásamákpoho ekmámnaqsoho m'a Jonatán.

1 Samuel 20:42

Keñe axta Jonatán aptáha apcháneya m'a David: —Exeg sa' yetlo meyke ektamheykha apwáxok, hakte yetlo nenxeyenma Wesse' egegkok apwesey axta nenlánegkok ekhémo mók nélpaqhetchásamáxkoho, nélmaxnakkek axta han néltamho exek chá'a negyeseksa negko'o egqánet nak, cham'a nepyeseksa nak aptawán'ák neptámen, tén han ko'óxa. Yetlókok axta apxega David, keñe axta Jonatán aptaqháwo makham ma'a tegma apwányam.

1 Samuel 18:3

Apheyásawók axta han mók apkelpaqhetchásamap Jonatán tén han David, aptáha apxegexma meyke néxa, hakte apchásekhayók apagko' axta Jonatán ma'a David, ekhawo ektémakxa nak apchásekhamakpekxoho apagko'.

2 Samuel 9:1

Aptáhak axta David apkelmaxneyáncha'a s'e: “¿Yetnéya makham apkeymomap ma'a Saúl axta aphawóxama, yaqwayam enxoho ko'o ataqmelchesek sekteméssesakxa' ekxeyenweykekxoho ewáxok ma'a Jonatán axta?”

1 Samuel 20:8

Hetnésses sa' xa ektáha nak, hakte ko'o sekteme apkeláneykha exchep, nenxeyenmeyk axta han nápaqtók Wesse' egegkok antemhek magkexeymáxkoho. Ko'o sa' agkok sélane aqsok ekmaso, heyaqha sa' ko'o exchep. Megkapayhawok héntemekxak ma'a aphakxa apyáp.

1 Samuel 18:1

Xama axta appenchesa appaqhetchesso David ma'a Saúl, aptemék axta apxegexma apagko' Jonatán ma'a David, awanhek axta apchásekhayo ekhawo ektémakxa nak apchásekhamakpekxoho apagko'.

1 Samuel 21:1

Apmahágkek David yókxexma Nob apya'aweykxo apkelmaxnéssesso Dios énxet'ák apagkok Ahimélec. Apyegwakkek axta han apwet'a, keñe aptáha apcháneya s'e: —¿Yaqsa ektáha apwa'a nak apxakko' meyke apxegexma?