1 Samuel 2:4 - Biblia Enxet

⁴ Cha'a apkelekkexchesso chá'a yágke apagkok ma'a kempakhakma yapmeyk apkelyennaqte nak, tén han apmésso apkelyennaqte m'a apkelyelqamákpoho nak;

1 Samuel 2:4 Referans Kwoze

Salmos 76:3

axta apkelekkexmak kélmeykha nak chá'a kélanchesso kempakhakma m'a: cham'a kéláhakkassamaxche', sókwenaqte, yágke, tén han ma'a sawhéwa.

Salmos 37:15

Sawo élwenaqte apagkok apagko' sa' eyke kólyetxeykxak chá'a, keñe sa' yágke apagkok katnekxak nekha'a étkók.

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Salmos 37:17

Emasséssesek sa' apkelyennaqte Wesse' egegkok ma'a énxet'ák élmaso nak apkeltémakxa, epasmok sa' eyke chá'a m'a éltaqmalma nak apkeltémakxa.

Jeremías 37:10

Mexók sa' eykhe kéxegke m'a sẽlpextétamo caldeos, apketámeyam nak, apqántawók sa' eykhe eleymakpok énxet ma'a apkelpakxeneykegkaxa nak, elchempekxak sa' eyke néten xa énxet'ák nak, keñe sa' ewatnekxak ma'a tegma apwányam.”

Isaías 10:4

Sa' agkok kéxegke kólháxahagkok nepyeseksa m'a apkelmomap nak tén han ma'a aptekyawa axta neyseksa kempakhakma, kóletsaphok sa' xamo'. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Salmos 18:39

Xép axta segkésso sekyennaqte sémpakhe; xép axta apkeltémo elháxahagkok emonye' m'a énxet'ák sélenmexeykha axta chá'a,

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Isaías 40:29

Cha'a apwasqakkáseykekxoho chá'a énxet apyampágwayam nak chá'a m'a, apmeyáseykekxa chá'a apyennaqte m'a énxet apyelqamák nak chá'a.

Jeremías 51:56

Apkelxegakmek yaqwayam emasséssók Babilonia; apkelmeyk kaxwók ma'a kempakhakma yapmeyk apagkok, apkelekkexchessek yágke apagkok. Hakte Wesse' egegkok, apteme xama Dios, apyaqmagkáseykekxohol'a chá'a aptémakxa xama énxet ekpayhawo nak chá'a etnéssesek.