1 Samuel 19:5 - Biblia Enxet

⁵ memyágweykekxak apyennaqte apchaqhama m'a filisteo, cháxa ektáhakxa axta apkelwagkasa teyp Wesse' egegkok ma'a Israel. Apweteykegkók axta exchep wesse', payheykekxeyk axta exchep apwáxok. ¿Yaqsa ektáha apmako nak yaqhek xama énxet meyke aptémakxa, apmako nak yaqhek David meykexho aptáhakxa?

1 Samuel 19:5 Referans Kwoze

1 Crónicas 11:14

keñe axta apkenmeyncha'a aqsa m'a neyseksa namyep apmeyawa, apkelnapchek axta han filisteos. Cháxa apmésa axta ekyawe agko' apmallane m'a Wesse' egegkok.

1 Samuel 11:13

Keñe axta aptáha Saúl se'e: —Méko sa' xama énxet yetsapok se'e ekhem nak, hakte sakhem apkelwagkasa teyp Wesse' egegkok ma'a énxet'ák nak Israel.

1 Samuel 20:32

Keñe axta Jonatán aptáha apchátegmowágko s'e: —¡Yaqsa ektéma apmáheyo nak emátog! ¡Yaqsa aqsok apkeláneya!

Jueces 9:17

Axta yeyék chá'a yetsapok táta apkelmasma kéxegke, apmáheyo elmallahanchesek neyseksa apkelma m'a madianitas;

Salmos 119:109

Hágkaxwe chá'a ko'o kagketagkoho watsapok, makke hélwagqeykmok ma'a nélxekmowásamáxche apagkok nak.

1 Samuel 28:21

Xama axta ekwet'a kelán'a apyegwaya m'a Saúl, yepetchegwokmók axta, keñe ektáha eyáneya s'e: —Élanak ko'o aqsok sélmaxneyeykha, ko'o sektáha nak apkeláneykha. Magwakak sétsapma sélyahákxoho apkeltamhókxa atnehek.

Jeremías 26:15

Eyke kólya'asagkohok sa' se'e: élaqhak sa' agkok ko'o, kéxegke sa' kólsexnáneyxche', tén han apheykha nak se'e tegma apwányam nak eñama kélaqhe xama énxet meyke aptémakxa, hakte naqsók ko'o seyáphasso Wesse' egegkok apkeltémo apékesseshok séllegasso kéxegke s'e ekyókxoho aqsok nak.”

Salmos 69:4

Apxámok apagko' ma'a setaqnagko nak chá'a meykexho sektáhakxa', apyeykhágweykmok ma'a ekwánxa nak ekxámokma éwa'; apxámágkek apagko' ma'a sélenmexma, apmáheyo nak chá'a hemasséssók meykexho sektáhakxa, apkeltémók han chá'a almeyásekxak ma'a aqsok megkatnaha nak sélmenyexma.

1 Samuel 14:45

Keñe axta énxet'ák aptáha apchátegmowágko Saúl se'e: —¡Mopwanchek yetsapok Jonatán, hakte apkelmallahanchessegkek kempakhakma m'a énxet'ák Israel! ¡Móltamhók negko'o katnehek xa! ¡Naqsók negko'o nentáha nélpeywa yetlo nenxeyenma Wesse' egegkok, móghók kólteméssessamhok exma ekmaso xama enxoho! Hakte Dios appasmak apkelana nak se'e sakhem nak. Cháxa apwagkasa axta teyp énxet'ák ma'a Jonatán megya'awo yetsapok.

Jueces 12:3

Xama axta sekwet'a kéxegke mehelya'aweykto yaqwayam hélpásegwata', keñe magweygwákxo sekmahágko eyesagkexa', étámegkek axta m'a amonitas, emallahanchessek axta han Wesse' egegkok. ¿Yaqsa ektáha kélxegakmo nak yaqwayam hélnapaxchek ko'o?

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Salmos 25:3

¡Nágyoho elmegqeyk xama enxoho m'a ektáha nak xép apcháyo! ¡Eyke yána elmegqeyk ektáha nak xép apkenmexeykekxa meykexho apteméssessamakxa!

1 Samuel 19:6

Xama axta apleg'a Saúl appeywa m'a Jonatán, axta aptáhak se'e: —Naqsók ko'o ektemessásak sekpeywa yetlo sekxeyenma Wesse' egegkok, megyetsepek sa' David.

1 Samuel 22:14

Keñe axta Ahimélec aptáha apchátegmowágko wesse' apwányam se'e: —¡Méko xama enxoho nepyeseksa apkeláneykha exchep wesse', aphémo m'a David, aptémakxa nak meyenyaweykha, apepháyem han xép ma'a wesse', tén han apkemha apmonye' sẽlpextétamo apagkok, kéláyo han ma'a apxagkok apyawe kañe' nak xép!

2 Samuel 23:10

Axta eyke elwátesseykmok ma'a, apkelnapmeyk axta filisteos ekwokmoho ekyampaya apaktog, yepetcha'ak axta apmek ma'a sókwenaqte apakxak apagkok. Cháxa apmésa axta ekyawe agko' apmallane m'a Wesse' egegkok. Tén axta sẽlpextétamo apkelyetlawa m'a Eleazar, yaqwayam elmagkok ma'a aqsok apkelyementaméyak ma'a apkelenmexma.

Salmos 94:21

apkeláneykekxa nak chá'a aptamhágkaxa yaqwayam yenmexek ma'a meyke nak aptémakxa, tén han ma'a melánéyak nak aqsok ekmaso, apkeltémo nak chá'a kólnápekxa'.

1 Crónicas 11:18

Keñe axta apqántánxo apkelyennaqte apkelántaxnegwokmo m'a apkelpakxeneykegkaxa axta filisteos, apyekwokmek axta yegmen ma'a yámelchet ekyetnamakxa axta m'a nentaxnamakxa nak Belén, apsákxéssek axta m'a David. Axta eyke emakók ének, apyegkenchek axta aqsa apteméssesa apmésso naqsa Wesse' egegkok,

Salmos 109:5

Ekmaso chá'a apyaqmagkáseykekxak sekteméssessamakxa ektaqmela, alásekhohok eykhe chá'a, hetaqnók aqsa chá'a.