1 Samuel 18:8 - Biblia Enxet

⁸ Cháxa eklókasa axta apwáxok ma'a Saúl, aplókók apagko' axta aptáha appaqmeta s'e: —Apxénákpek David apkelnapa diez mil énxet, keñe ko'o sekxénáxko sélnapa wánxa mil énxet. ¡Kaxwók sa' kólteméssesek wesse' apwányam!

1 Samuel 18:8 Referans Kwoze

1 Samuel 15:28

Keñe axta Samuel aptáha apcháneya Saúl se'e: —Cháxa apteméssesakxa nak xép Wesse' egegkok apyementamákxo apteme wesse' apwányam Israel. Apyementamákxeyk yaqwayam egkeyásekxak xama m'a apchókxa xamo' ektaqmalma nak aptémakxa, mexnawo nak xép.

Proverbios 13:10

Nélenmexamaxche aqsa katekkesek ma'a eyeymáxko nak egwáxok, keñe m'a megkaleymáxkoho nak chá'a apkelwáxok, elmok chá'a takha' m'a ektémakxa kélpaqhetcháseykha.

Ester 3:5

Xama axta apwet'a Amán meltekxeya aptapnák apyeyk'a m'a Mardoqueo tén han meweykásento apqátek, aplókók apagkók axta;

1 Samuel 20:31

Apheyk sa' agkok makham David keso náxop, megkataqmelek sa' apha exchep, metnehek sa' han wesse' apwányam. ¡Yána ektamakpok, hélyentegkásenta sa', hakte payhawok emátog ma'a!

Proverbios 27:4

Asagkek ma'a nenlo nak chá'a, hentawasha m'a nennatheyáseykha nak, eyke ekyagwánxa agkok aplo m'a énxet apkelmeyeykha nak chá'a aptáwa'.

Eclesiastés 4:4

Ekwet'ak axta han ekxámokma nak kéltamheykha, tén han ektaqmalma nak ekteyapma élánamáxche aqsok, wánxa aqsa katekkessesek chá'a m'a apnathe nak pók énxet, cháxa ektáha han aqsok eyaqhémo agwetak xa, máxa m'a negmáheyól'a agmagkok éxchahayam.

1 Reyes 2:22

—¿Yaqsa ektáha sélmaxneya nak Abisag, ekteme nak sunamita, yaqwayam etnehek aptáwa' m'a Adonías? —axta aptáhak apchátegmowágko egken ma'a wesse' apwányam—. ¡Yaqsa ektáha mehélmaxneya nak kának agkeyásekxak ma'a sektémakxa nak wesse' apwányam, hakte eyapma' átnaha apketkok ko'o m'a, apxegexma han aptemék ma'a apkelmaxnéssesso Dios énxet'ák apagkok Abiatar tén han Joab, Seruiá étche nak!

1 Samuel 16:13

Yetlókok axta han apmeykekxa Samuel ma'a pexmok égmenek apyeta, apteméssessek axta wesse' apwányam David, nápaqta'awók ma'a apkelpepma. Cháxa aptaxnakxa axta han apwáxok ma'a Wesse' egegkok espíritu apagkok. Keñe axta aptaqhákxo Samuel apmeyákxo m'a Ramá.

1 Samuel 13:14

Néxa sa' xép katnégwók ma'a aptémakxa nak wesse' apwányam. Etegyaha sa' Wesse' egegkok xama énxet ekleklamo apwáxok, etnéssesek sa' apkemha apmonye' m'a énxet'ák apagkok, hakte melyahákxak xép ma'a apkeltémókxa axta etnehek.

Números 22:34

Aptáhak axta Balaam apchátegmowágkokxo Wesse' egegkok apchásenneykha s'e: —Élanak ko'o may'assáxma, hakte may'ásegkok ko'o exchep apkenmeyncha'a m'a, seyáhakkassásekxo ámay ahagkok. Sa' agkok kalchak xép apwáxok axog, ataqhohok sa' aqsa.

Números 11:1

Xama ekhem axta apkelpaqméteyha ekmaso israelitas apkenmexeyncha'a m'a Wesse' egegkok, eñama m'a ektémakxa axta chá'a apkelwete ekmaso apheykha. Aplókók apagko' axta nahan Wesse' egegkok apleg'a xa, tén axta apcha'a táxa, cháléwáha axta m'a neyáwa' nak apkelpakxeneykegkaxa.

1 Samuel 18:9

Cháxa ekmassakxa axta han ektaqmeleykha apwáxok apkelano Saúl ma'a David.

1 Samuel 19:1

Appaqhetchessek axta apketche Saúl, cham'a Jonatán, tén han ma'a apyókxoho sẽlpextétamo kelwesse'e apagkok nak, apkeltamho yaqhek ma'a David. Apchásekhayók axta eyke Jonatán ma'a David,

Génesis 37:8

Keñe axta apkelpepma aptáha apkelátegmowágko s'e: —¿Apkeneykeya exchep etnehek wesse' apwányam egagkok, tén han hentemessásekxak kóneg negko'o? Yágwokmók axta aqsa aptaqnawaya, apkeltennásencha'a m'a ektáhakxa apwanmagko.

Génesis 37:11

Apnathayak axta m'a apkelpepma, keñe axta apyáp megkayetyapweykmo élchetagkáseykha apwáxok xa aqsok nak.