1 Samuel 18:25 - Biblia Enxet

²⁵ Keñe axta Saúl aptáha apchátegmowágko: —Kóltennés sa' David, maltamhók ko'o hegkések ekyánmaga kélyánmagkassamól'a chá'a ekyánmaga élyamhopma kelán'a, wánxa aqsa émenyeyk hélmések ma'a cien apkelyaqténchesso nekha apyempe'ék ma'a filisteos, yaqwayam enxoho ayaqmagkásekxak setnéssessamakxa m'a katnaha énámakkok.

1 Samuel 18:25 Referans Kwoze

1 Samuel 18:17

Keñe axta Saúl aptáha apcháneya m'a David: —Agkések sa' ko'o exchep ma'a Merab, hatte katnaha étkok yaqwayam etnehek aptáwa', aptáha enxoho kempakhakma yáp ahagkok megyeye emhagkok eyesagkexa', apkempakhássesa enxoho m'a Wesse' egegkok. Xeyenmeyk axta apwáxok Saúl megyaqhehek apagko' ma'a, hakte filisteos axta xeyenmak apwáxok yaqhek.

1 Samuel 14:24

Massék axta apkelyenna énxet'ák Israel xa ekhem nak, hakte axta etókagkok aptéyak xama enxoho, hakte naqsók axta aptáha appeywa Saúl se'e: “Kóllegássesagkohok sa' énxet ektáha enxoho apto xama aqsok ma'a megkayáqtésa enxoho makham, mayaqmagkásekxexa enxoho ko'o makham setnéssessamakxa m'a sélenmexma.”

Génesis 34:12

Ennókek sa' eykhe katnehek kéltémo ayánmagkasek ekyaqmageykekxa', xámok sa' eykhe han katnehek sélmaxnagko kéltémo almések aqsa aqsok, almések sa' eyke; hélho sa' ko'o amok ma'a kelán'a étkok nak.

1 Samuel 17:36

Cháxa sektémakxa ko'o waqhek méwa essenhan aqsok nawhak eklo, ko'o sektáha nak xép apkeláneykha wesse'. Kaxhok sa' han ektáhakxa xa filisteo mey'áseyak nak Dios, hakte apkellókaseykegkek chá'a m'a Dios memassegwayam nak sẽlpextétamo apagkok.

1 Samuel 17:26

Keñe axta David aptáha apkelmaxneyáncha'a m'a apchaqneykha axta nápakha: —¿Yaqsa aqsok kólmések énxet apchaqhe enxoho xa filisteo, keñe han apmasséssesso enxoho apkelmegqakto m'a Israel? ¡Mékoho apagko' xa filisteo mey'áseyak nak Dios, kaqhok etnehek elxénmakha ekmaso Dios memassegwayam nak sẽlpextétamo apagkok xa ektáha nak!

Josué 5:3

Apkelanak axta Josué sawo keñe apkelyenyekhássesa nekha apyempe'ék ma'a énxet'ák Israel. Axta payhók ma'a egkexe nak Aralot.

Génesis 29:18

Aptáhak axta apchátegmowágko Jacob se'e, hakte Raquel axta apkelaneyk: —Atnéssesha sa' ko'o exchep siete apyeyam, yaqwayam amok ma'a Raquel apketche sexyo nak.

1 Samuel 18:24

Apkeltaqháwok axta makham Saúl apkeláneykha apkeltennássekxo aptáhakxa appeywa m'a David.

2 Samuel 3:14

Apkeláphássek axta han apkeláneykha David aphakxa Is-bóset, axta aptáhak apcháneya s'e: “Hegkeyásekxa sa' Mical, etáwa' axta, sekmoma axta ekyaqmageykekxa cien sélyenyekhássesso nekha apyempe'ék ma'a filisteos.”

1 Samuel 19:1

Appaqhetchessek axta apketche Saúl, cham'a Jonatán, tén han ma'a apyókxoho sẽlpextétamo kelwesse'e apagkok nak, apkeltamho yaqhek ma'a David. Apchásekhayók axta eyke Jonatán ma'a David,