1 Samuel 12:21 - Biblia Enxet

²¹ Nágkólyetlakxa m'a aqsok kéláyókxa mékoho nak, megkamowána nak kapasmok, tén han kalwagkasek teyp, hakte élmowancha'a amya'a m'a.

1 Samuel 12:21 Referans Kwoze

Habacuc 2:18

¿Yaqsa aqsok egwanchek anteméssesek kéleykmássesso ekpenchásexko enxoho? ¿yaqsa aqsok egwanchek anteméssesek kéleykmássesso sẽlyexancháseykha nak chá'a? Yawanchek kalpaqmétek ma'a aqsok kéleykmássesso, ¡kaqhok yáwhok ma'a énxet ektáha nak chá'a apkelane!

Jeremías 16:19

Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Jeremías 10:15

aqsok mékoho, tén han kélya'ásseykmoho, emasséssók sa' Wesse' egegkok ma'a ekwokmo sa' ekhem sẽlyekpelchássessamókxa'.

Jeremías 14:22

¿Yetnéya neyseksa xama aqsok kéleykmássesso m'a ekmowána nak kamámeyaksek? ¿Awancheya káphaksohok agkok ekmámeye m'a yaphope? ¡Ma', Dios Wesse' egegkok! Xép chá'a apcháphasso m'a, xép chá'a apkelane xa ekyókxoho aqsok nak; ¡cháxa keñamak nélhaxanma nak negko'o exchep!

Deuteronomio 11:16

Eyke kóllanagkoho sa' kéltáhakxa, nágkólho kólyexanchesha; nágkólyenyow Wesse' egegkok kólpeykeshok ma'a mók aqsok kéláyókxa nak; nágkólháxahák nahan amonye'e,

Jonás 2:8

Eyensamhok chá'a exchep apkelyetleykha m'a apkelpeykessamo nak chá'a kéleykmássesso.

Jeremías 2:13

“Apkeláneykegkek ánet melya'assáxma m'a énxet'ák ahagkok: eyamasmeyk ko'o, sektáha nak ekteyapmakxa yegmen ekyennaqtéssamo nak egnények, apkelánéyak apagko' aptamheykegkok ma'a apkelyátamakxa nak yegmen, yámelchet élyagqaxe megkeytno nak yegmen ma'a kañe'.

Isaías 46:7

Epatmekxak chá'a, keñe eswok; etnegkessók chá'a néten ma'a yaqwánxa enxoho etnegkesha, keytek nahan ma'a meyke éltaqhaheykha. Elpáxamha eykhe ekyennaqte eltamhok kapasmok megkátegmowagkek eyke, megkawagkasek nahan teyp ma'a ektémakxa nak aplegeykegkoho ekyentaxno.

Isaías 45:20

“Kólaqnekxa', kólchexyem, kólchaqnágwatámho kélyókxoho s'e énxet'ák kéleymomáxche nak megkóletsapma. Melya'áseyak aqsok ma'a apkelseykha nak chá'a aqsok kéleykmássesso apagkok yántéseksek tén han apkelpaqhetchesso nak chá'a m'a aqsok kéláyókxa megkamowána nak hegwagkasek teyp.

Jeremías 10:8

Élyeyháxma m'a apyókxoho nak, méko xama enxoho apkelmopwancha'a aqsok. ¡Yawanchek kalxekmósek yántéseksek nekha!

Jeremías 2:5

Aptáhak apkeláneya kéxegke Wesse' egegkok se'e: “¿Yaqsa axta aqsok ekmaso apkelweteya séláneya ko'o kélyapmeyk nano' seyamasma? Apkelyetleykekxeyk axta m'a aqsok kéláyókxa ekteme nak mékoho, mékoho apagko' axta han apkelteméssásamákpekxak ma'a.

Isaías 41:29

¡Mékcha'awo agko' ekyókxoho m'a! Méko xama aqsok kalanagkok; kéleykmássesso aqsa, meyke nak ekyennaqte.

Deuteronomio 32:21

Elókassegkek ma'a xama aqsok kéláyókxa megkatnaha nak Dios, elókassegkek ma'a aqsok apcháyókxa élmowancha'a amya'a nak; ¡Wának sa' eyke nahan ko'o kólnathak kéxegke m'a pók énxet'ák melya'áseyak nak Dios, wának sa' kóltaqnaweygkok ko'o kéxegke m'a énxet'ák megkalmopmenyého nak elya'asagkohok aqsok!

Deuteronomio 30:17

Sa' agkok kólyahákxak ekyókxoho nak xa, kél'awo enxoho kalyetnakhássók ma'a mók aqsok kéláyókxa nak, yaqwayam enxoho kólpeykesho' tén han kólháxahagkok chá'a amonye'e m'a,

2 Reyes 17:15

apkeltaqnagkamchek axta m'a segánamakxa apagkok, keñe han ma'a ekhémo mók nélpaqhetchásamáxkoho apkelánesso axta m'a apyapmeyk nano', tén han apchánamakxa axta etnahágkok apmésso axta. Apkelyetlamchek axta han ma'a aqsok kéláyókxa mékoho agko' nak, ektemessáseykekxo axta han mékoho m'a, apkeláneykegkek axta han ma'a aptamheykegkaxa axta m'a énxet'ák apheykha axta m'a nepyáwa, aqsok apkeltennassama axta meltémo elanagkok ma'a Wesse' egegkok.

Jonás 2:9

Almések sa' eyke ko'o exchep seknaqtósso sélnapma, yetlo sekmeneykmasso sekmésso ekxeyenma ewáxok. Alának sa' ma'a séltennasso axta alána'. ¡Wesse', xép apwánxa apagkok, apmopwána hegwagkasek teyp!”