1 Samuel 10:27 - Biblia Enxet

²⁷ Yetneyk axta eyke han chá'a énxet eyesagkeykha nak chá'a apkelpeywa. Aptáhak axta apkelpaqmeta s'e: “¿Keya yaqwayam etnehek sẽlwagkasso teyp xa?” Apwanyeyha axta, axta han elsántegkásak chá'a aqsok apkelmésso naqsa; máxa manleg'a axta eyke aptáhak ma'a Saúl.

1 Samuel 10:27 Referans Kwoze

Deuteronomio 13:13

énxet, melyeheykekxa nak Dios, apkelyetnakhásseyam nak apnámakkok apheykha nak ma'a kañe' nak tegma apwányam, apkelyáteyeykegkoho nak yának elpeykeshok ma'a pók kéláyókxa melya'ásegko nak,

2 Crónicas 17:5

Axta keñamak Wesse' egegkok apyennaqtéssessama apteme apkeláneykha m'a apchókxa'. Apyókxoho énxet'ák Judá axta chá'a elsantagkasek aqsok apkelmésso naqsa, xámokmeyk agko' axta aqsok apagkok, tén han apteme ekha kéláyo.

1 Reyes 10:25

apyókxoho axta han chá'a elsakxések aqsok apkelmésso naqsa yókxoho apyeyam: cham'a aqsok étkók élánamáxche nak sawo ekmope élmomnáwa, tén han sawo ekyátekto élmomnáwa, negaqlamaxche', nélmeykha neganchesso kempakhakma, aqsok élmátsa nak élpaqneyam, yátnáxeg tén han élyeheykok.

1 Samuel 2:12

Asagkek axta apkeltémakxa m'a Elí apketchek, megkalxének axta apkelwáxok ma'a Wesse' egegkok,

Isaías 36:21

Apkelwanmeyágkek axta eyke aqsa m'a, axta yátegmowágkok xama enxoho, hakte apkeltamhók axta megyátegmowagkek xama enxoho m'a wesse' apwányam.

Salmos 72:10

¡Elsókásegmak sa' apkelmésso naqsa aqsok, tén han apcháncheseykekxa m'a kelwesse'e nak Tarsis, tén han ma'a egkexe étkók nak, tén han ma'a kelwesse'e apkelwányam nak Sabá, tén han ma'a Sebá!

Salmos 38:13

Máxa meyke eheyk'ák akke ko'o ektemék, máxa mañeya ektemék; mapaqmeyesmak han, máxa ektemék ma'a meyke sekpeywal'a.

2 Crónicas 13:7

Apkelyepetchákxeyk axta m'a énxet'ák mékoho tén han élmasagcha'a nak apkeltémakxa, eltennaksek axta chá'a apkeltamhókxa enxoho etnehek ma'a Roboam, Salomón axta apketche, hakte apketkok apagko' axta makham, yelqáxkók axta apwáxok. Mopwanchek axta etaqheksohok chá'a aptáhakxa enxoho chá'a apkelpeywa m'a énxet'ák nak.

1 Reyes 4:21

Salomón axta apkeláneykha ekyókxoho apkelókxa, eyeynmo m'a wátsam Éufrates, ekweykekxoho m'a filisteos apchókxa', tén han ma'a néxa xapop nak Egipto, apyánmagkassama axta chá'a selyaqye eknegkenamaxche', apkeláneykha axta han chá'a aptemék Salomón, neyseksa apha makham.

2 Samuel 20:1

Aphegkek axta han xama énxet ekmaso aptémakxa m'a Guilgal, apkeñama axta nepyeseksa Benjamín énxet'ák apagkok, Sebá axta apwesey m'a, Bicrí axta apketche. Appáwássek axta apchaqkahasso Sebá apkeltamho yenmexek David, axta aptáhak se'e: “¡Mogwanchek negko'o agyepetchegwakxak ma'a David, kaqhók anleyxek ma'a Jesé apketche nak! ¡Israelitas, kóltaqhekxa kélxanák kélyókxoho!”

2 Samuel 8:2

Apmenxenchek axta han ma'a moabitas, apnegkenchek axta náxop, tén axta apkelyetsátegko chá'a táma: apqántánxo sẽlpextétamo axta chá'a, keñe apkelnapa chá'a apqánet, keñe axta xama apcha'awo aqsa chá'a apweynchámeyncha'a. Apkelásenneykha axta aptáhak David ma'a moabitas, keñe apyánmagkassama chá'a m'a apkelmaxneyakxa enxoho chá'a.

1 Samuel 11:12

Keñe axta nápakha énxet'ák aptáha apcháneya m'a Samuel: —¿Yaqsa axta énxet apya'ássekmo axta Saúl mopwanchek etnehek wesse' apwányam egagkok? Hẽlnaqlantagkas negko'o m'a énxet'ák nak yaqwayam sa' ólnápok.

1 Samuel 11:13

Keñe axta aptáha Saúl se'e: —Méko sa' xama énxet yetsapok se'e ekhem nak, hakte sakhem apkelwagkasa teyp Wesse' egegkok ma'a énxet'ák nak Israel.

1 Samuel 16:20

apcháphássessek axta han apketche Jesé m'a Saúl, cham'a David. Apcháphássek axta aphakxa Saúl yetlo yámelyeheykok apkelpátegkesso pán, tén han yempehek kélyeta vino, tén han ma'a xama yát'ay apketkok.

1 Samuel 25:17

Asagkek eyke exche' aptémakxa m'a atáwa' nak, aplamche', megkólwanchek kólpaqhetchesek, kalchetam sa' awáxok, kay'asagkoho sa' yaqwánxa katnehek, hakte aqsok ekmaso sa' káhapwak ma'a, tén han ma'a ekyókxoho apnámakkok nak.

1 Reyes 5:1

Xama axta apleg'a amya'a Hiram, wesse' apwányam nak Tiro, kélteméssesa wesse' apwányam Salomón, apyaqmagkasso m'a David, apyáp axta, apkeláphássek axta apkeláneykha, hakte apchásekhayók axta chá'a Hiram ma'a David.

Eclesiastés 7:21

Nágyeyxho aqsa m'a ekyókxoho apxénamap nak xép, keñe sa' megyeyxók chá'a m'a ekyókxoho apxéneykha ekmaso nak xép apkeláneykha.