1 Samuel 10:16 - Biblia Enxet

¹⁶ Apchátegmowágkek axta Saúl ma'a apyaha: —Ẽltennassegkek axta kélweteykekxo m'a yámelyeheykok. Axta eyke eltennáseyha Saúl xama enxoho m'a kélteméssessama wesse' apwányam, apkeltennassama axta Samuel.

1 Samuel 10:16 Referans Kwoze

Proverbios 29:11

Méxnéssekxeyk chá'a aplawa enxoho m'a énxet ekyeyháxma, emágwakxak eyke chá'a yaqwánxa etnehek ma'a énxet apya'áseykegkoho nak aqsok.

1 Samuel 9:27

Xama axta apkelwákxo m'a nekha nak nenteyapmakxa tegma apwányam, aptáhak axta Samuel apcháneya Saúl se'e: —Yána exog apmonye' apkeláneykha, etnamha sa' eyke exchep sekxo', altennaksek sa' ko'o exchep aptáhakxa exchek seyáneya Dios.

1 Samuel 9:20

Eyke nágkeytnakhaksoho aqsa apwáxok ma'a yámelyeheykok élxegánegkesso axta, ekwokmo nak ántánxo ekhem élxegányam, kélwetákxeyk eyke m'a. Etnehek sa' eyke han apagkok xép ekyókxoho aqsok kélmámenyého nak chá'a m'a Israel, keñe han ma'a apnámakkok nak.

Jueces 14:6

Tén axta ektaxna apwáxok Wesse' egegkok apmopwána m'a Sansón, meyke apmeykha axta han aptemessásak nekha'a étkók ma'a yámakméwa, máxa axta aptemessásak ma'a yát'ay apketkok la'a; axta eyke eltennáseyha chána ektáhakxa.

Éxodo 4:18

Apwákxeyk axta makham Moisés ma'a apepyáta' apxagkok apwesey axta Jetró. Tén axta aptáha apcháneya s'e: —Ataqhohok sa' ko'o makham ma'a Egipto, cham'a apheykegkaxa nak élyáxeg'a sekpeywomo xamo'. Émenyeyk atyánegwakxoho', makhemek kexa makham apheykha. —Hoy, exeg. Tásek sa' katnehek aptaqhémo —axta aptáhak apcháneya Jetró.

1 Samuel 10:15

Keñe axta Saúl apyaha aptáha apcháneya s'e: —¿Háxko axta aptáhakxa apkeláneya Samuel? Héltennasha hana.

Jueces 14:9

Apkelchekteyk axta han apmek ma'a pápa' apagkok, yaqwayam enxoho emok ma'a apyegmenek, aptaweygkokxeyk axta han neyseksa apxega. Xama axta apwákxo ekhágkaxa chána, apméssek axta m'a yányawhéna', tókagkek axta han ma'a, axta eyke eltennásak eñama m'a kañe' yámakméwa ápak awáxok.

Proverbios 12:23

Mexénmakha ektémakxa apya'áseyak aqsok ma'a énxet apmopwána nak aqsok, keñe m'a ekyeyháxma nak, exekmósek chá'a énxet'ák apteme ekyeyháxma.

Eclesiastés 3:7

Yetneyk ekhem nélyeptamakxa', tén han nélyetnaqtamakxa'. Yetneyk ekhem mampaqmésmakxa', tén han nempaqmésmakxa'.