1 Reyes 8:51 - Biblia Enxet

⁵¹ Hakte xép énxet'ák apagkok ma'a, apagkok han; xép axta apkelántekkesso m'a Egipto, ekhémókxa axta táxa axagkok kélpeykeseykekxexal'a sawo.

1 Reyes 8:51 Referans Kwoze

Jeremías 11:4

Hakte cháxa ekhémo mók nélpaqhetchásamáxkoho sélánéssama axta ko'o m'a apyapmeyk nano', sélántekkessama axta m'a Egipto, apchókxa ekhémókxa axta táxa axagkok kélpeykeseykekxexal'a sawo. Axta ektemék ko'o sélanagkama s'e: Hélyahakxoho sa', kóllána sa' chá'a ekyókxoho m'a séltamhókxa enxoho chá'a kóllána', keñe sa' ko'o atnehek kéxegke énxet'ák ahagkok, keñe sa' kéxegke héltéhek ko'o Dios kélagkok.

Nehemías 1:10

“Negko'o nenteme xép apkeláneykha, tén han énxet'ák apagkok, sẽlmeykekxa axta yetlo ekyawe agko' apmopwána, tén han yetlo apyennaqte.

Deuteronomio 4:20

Keñe kéxegke apkelmoma m'a Wesse' egegkok, apkelhaxyawásseykekxeyk axta m'a kañe' táxa axagkok kélpeykáseykekxa axta chá'a m'a sawo, Egipto xa, keñe apteméssessama ekhawo nak kéltémakxa s'e kaxwo' nak: énxet'ák apagkok apagko'.

Jeremías 51:19

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Isaías 64:9

Wesse', ná elwoho apagko' aqsa, nágkaxénwakxoho chá'a apwáxok ma'a nentémakxa élmasagcha'a nak. ¡Negko'o nenteme énxet'ák apagkok!

2 Crónicas 6:39

yeyxho sa' xeyep nempeywa nélmaxnagko apagkok ma'a néten aphakxa nak, epásem sa', ná eyaqmagkásekxa aqsa apkeltémakxa melya'assáxma m'a énxet'ák apagkok, eñama apkenmexeykekxa exchep.

1 Reyes 8:53

Hakte xép Wesse', xép axta apkelpagkanma yaqwayam etnehek énxet'ák apagkok nepyeseksa m'a apyókxoho énxet'ák nak keso náxop, ekhawo aptémakxa axta apxeyenma apchásenneykekxo axta m'a apkeláneykha Moisés, apkelántekkessama axta Egipto m'a ẽlyapmeyk nano'.”

Deuteronomio 32:9

hakte Wesse' egegkok axta apkelyéseykha m'a, énxet'ák apagkok axta m'a Jacob énxet'ák apagkok nak.

Salmos 28:9

Wesse', elwagkas teyp énxet'ák apagkok; elmésák éltaqmalma apheykha m'a ektáha nak xép apagkok. Eltaqmelches aptémól'a keláneykha nepkések; ¡elqeynmakha chá'a meyke néxa!

Isaías 48:10

Ekmopessáseykekxeyk axta apyempehek, háwe eyke m'a kélteméssessamakxal'a sawo ekmope, axta eyke eyaqxegkessók ma'a kañe' ekyetnamakxa nak nenlegeykegkoho ekmáske, ekho nak táxa axagkok.

Daniel 3:26

Apkenegwokmek axta Nabucodonosor ma'a átog nak táxa axagkok, aptáhak axta apkelwónencha'a s'e: —¡Sadrac, Mesac tén han Abed-negó, kélteme nak apkeláneykha m'a Dios meyke ekhémo, kólántép, kólmeyenta s'e! Apkelántekkek axta neyseksa táxa eyáléwe m'a apqántánxo nak,