1 Reyes 3:4 - Biblia Enxet

⁴ emyekxohok axta han chá'a m'a Gabaón yaqwayam enxoho elnáhapwakxak chá'a aqsok apnaqtósso m'a, hakte axta ekteme chá'a egkexe émha amonye' m'a; elwatnek axta chá'a mil aqsok apnaqtósso xa néten nak.

1 Reyes 3:4 Referans Kwoze

2 Crónicas 7:5

Veintidós mil weyke kelennay'awók axta apkelnápak ma'a wesse' apwányam Salomón, apkelmésa Wesse' egegkok, keñe ciento veinte mil nepkések. Cháxa aptáhakxa axta wesse' apwányam, tén han apyókxoho énxet'ák nak, apteméssesa appagkanamap ma'a Dios tegma appagkanamap apagkok.

2 Crónicas 1:3

Keñe axta apmahágko m'a tegma appagkanamap apyetnama axta m'a Gabaón, yetlo apkelxegexma m'a apyókxoho énxet'ák apcháncheseykekxa axta, hakte axta apyetnók kélpakxanma apchaqneykekxa nak chá'a énxet'ák ma'a, Moisés axta apkelánegwayam ma'a yókxexma meykexa nak énxet, apteme axta Dios apkeláneykha.

1 Crónicas 16:39

Keñe m'a Sadoc yetlo m'a apkelxegexma'a apkelmaxnéssesso Dios énxet'ák apagkok, apkeltamho etnahágkok apkeltamheykha m'a tegma kélpakxanma apagkok nak Wesse' egegkok, ekpayho nak ma'a tegma appagkanamap Gabaón,

1 Crónicas 21:29

Hakte axta eykhe apkelanék tegma apketkok kélpakxanma Moisés ma'a yókxexma meykexa nak énxet apkelánéssama m'a Wesse' egegkok, tén han ma'a aqsok ekwatnamáxchexa nak, ekpayho nak ma'a tegma appagkanamap yókxexma Gabaón,

Isaías 40:16

Ántawók aqsok kélnaqtósso m'a ekyókxoho nak kañe' Líbano yaqwayam enxoho kólwatnések, ántawók nahan yántapák yaqwayam enxoho kólwatnések táxa.

Josué 9:3

Apkelleg'ak axta eyke amya'a heveos apheykencha'a nak yókxexma Gabaón, apteméssesakxa Josué m'a tegma apkelyawe nak Jericó tén han Ai,

2 Crónicas 30:24

hakte apkelméssegkek axta énxet'ák mil weyke étkók kelennay'awók ma'a Ezequías, wesse' apwányam axta m'a Judá, tén han siete mil nepkések, tén axta han apkelámha apmonye'e apkelmeyásegko mil weyke étkók kelennay'awók ma'a énxet'ák, keñe han diez mil nepkések. Apxámok axta apkelmaxnéssesso Dios énxet'ák apagkok apkelmópeyásekxo apyempe'ék.

1 Reyes 8:63

Veintidós mil weyke kelennay'awók axta apkelmeyásak Salomón ma'a Wesse' egegkok, keñe ciento veinte mil nepkések, yaqwayam etnéssesek aqsok ektekyawa segwetassamo nak sẽlásekheykekxoho. Cháxa ektáhakxa axta m'a wesse' apwányam tén han apyókxoho énxet'ák Israel, apteméssesa appagkanamap ma'a Wesse' egegkok tegma appagkanamap apagkok.

1 Reyes 9:2

apxekmowásekpekxók axta makham Wesse' egegkok, ektáhakxa axta apxekmowásekpoho m'a Gabaón,

Josué 18:21

Keso tegma apkelyawe élpehewayam axta apkelxawéyak ma'a Benjamín énxet'ák apagkok apnámakkok nak: Jericó, Bet-hoglá, Émec-quesís,

1 Samuel 13:9

Tén axta Saúl aptáha s'e: —Hélnaqlantagkas aqsok kélnaqtósso yaqwayam sa' kalwatnaxche', tén han aqsok ektekyawa segwetassamo nak sẽlásekheykekxoho. Apkelwatno apagko' axta han aptáhak.

1 Reyes 8:4

keñe axta apsákxo yetlo m'a kélpakxanma apchaqneykekxexa axta chá'a énxet'ák, keñe han ma'a ekyókxoho aqsok kélmeykegkaxa élpagkanamaxche ekhéyak axta m'a kañe', apkelsawa axta m'a apkelmaxnéssesso Dios énxet'ák apagkok tén han ma'a levitas.

Jeremías 28:1

Appaqhetchessek axta Hananías ma'a Jeremías, cham'a tegma appagkanamap nak, cham'a Hananías apxeyenma axta chá'a apteme Dios appeywa aplegasso, Azur axta apketche, apteme axta énxet Gabaón, nápaqta'awók ma'a apkelmaxnéssesso Dios énxet'ák apagkok, tén han ma'a apyókxoho énxet'ák, cham'a ekweykmo axta cinco pelten cuatro apyeyam apteme wesse' apwányam Sedequías ma'a Judá. Aptáhak axta apcháneya s'e:

2 Crónicas 1:2

Apkeláneyáha axta apyókxoho énxet'ák Israel: cham'a apkelámha apmonye'e nak sẽlpextétamo, tén han ma'a apkeláneykha, keñe han ma'a apyókxoho apkelámha apmonye'e nak chá'a nepyeseksa aphawóxama, apteme nak chá'a ekha kéláyo m'a kañe' Israel.