1 Reyes 21:6 - Biblia Enxet

⁶ Apchátegmowágkek axta Ahab: —Élpaqhetchásexkók xeyk ko'o m'a Nabot, apha nak Jezreel, élmaxnakkek xeykhe séltamho hegkeyásekxak ekha ekyánmaga m'a apkeneykekxexa nak anmen yámet; essenhan apkepmenyého enxoho agkeyásekxak ekyaqmageykekxa m'a mók séneykekxexa nak anmen yámet, akke emakók hegkések.

1 Reyes 21:6 Referans Kwoze

Proverbios 14:30

Hegméshok ekyennaqte egyempehek ma'a ektaqmeleykha nak chá'a egwáxok; kaxnók ma'a nennathe nak chá'a aqsok, kakpelkok ẽxchakkok.

Ester 6:12

Aphákxeyk axta makham apátog tegma apyawe natámen kélyentameykha m'a Mardoqueo, tén axta Amán aptaqhákxo ekmanyehe agko' ma'a apxagkok. Yaqhápeygkokxeyk axta apwáxok yetlo apchaqlasso nápat.

1 Reyes 21:1

Yetnegkek axta han apkeneykekxexa anmen yámet xama énxet apkeñama axta Jezreel, apwesey axta Nabot, cham'a nekha apxagkok apyawe axta m'a Ahab, wesse' apwányam nak Samaria.

1 Reyes 21:5

Keñe axta ekya'aweykxo aptáwa' Jezabel ektáha eyáneya s'e: —¿Yaqsa ektáha ekyaqhápencha'a nak apwáxok? ¿Yaqsa ektáha memaka nak apto?

1 Reyes 21:7

Keñe axta ektáha eyátegmowágko m'a aptáwa' Jezabel: —¡Xép neykhe wesse' apwányam Israel! Exnekxa néten, etaw apto, elánekxa apwáxok. ¡Agkések sa' ko'o exchep ma'a apkeneykekxexa nak anmen yámet ma'a Nabot!