1 Reyes 21:4 - Biblia Enxet

⁴ Aptaqhákxeyk axta apxagkok Ahab yetlo ekyaqhápeykegkokxa apwáxok, tén han aplo, eñama m'a aptáhakxa axta apchátegmowéyak Nabot, hakte apkeltennássek axta megkések ma'a xapop apmeyáseykekxa axta m'a apyapmeyk nano'. Apwákxeyk axta apxagkok keñe apyetna appayhawo nápakha tegma, axta han emakak apto.

1 Reyes 21:4 Referans Kwoze

1 Reyes 20:43

Keñe axta wesse' apwányam Israel apmeyákxo m'a Samaria, yetlo ekyaqhápeykegkokxa apwáxok, tén han aplo, aptaxnegwákxeyk axta m'a apxagkok apyawe.

Jonás 4:9

Aptáhak axta Dios apchátegmowágko s'e: —¿Táseya aptáhakxa, aptáha nak aplawa xa ektáha nak, eñama ekyamaye m'a élyaw'áwa' nak? —¡Táse' neykhe sektáha seklawa xa ektáha nak! —axta aptáhak Jonás apchátegmowágko— ¡Peyk ko'o watsapok seklo!

Jonás 4:1

Aplókek axta Jonás apwet'a apteméssesakxa Dios ma'a énxet'ák, axta kalchak apwáxok.

Eclesiastés 6:9

Tásek ma'a aqsok negweteyo nak, megkaxnawok ma'a ekxeyenma nak aqsa chá'a egwáxok agweta'. Aqsok mékoho eyke han xa, máxa negmáheyo nak agmagkok éxchahayam.

Job 5:2

Kaqhohok eklo apwáxok ma'a énxet ekyeyháxma nak, kaqhohok han apnathahéyak ma'a mey'áseyak nak aqsok.

1 Reyes 21:3

Apchátegmowágkek axta Nabot ma'a Ahab: —Mowanchek ko'o agkések xép xapop segkeyáseykekxa axta ẽlyapmeyk nano'.

2 Samuel 13:4

Xama ekhem axta apkelmaxneyáncha'a Jonadab: —¿Yaqsa ektéma exchep, wesse' apwányam apketche? ¿Yaqsa ektéma ekyágweykmoho nak ekyaqhápeykha apwáxok? ¡Héltennés hana! Apchátegmowágkek axta Amnón: —Émenyeyk ko'o sélányo m'a Tamar, sekteme eyáxeg Absalón nak apyáxeg.

2 Samuel 13:2

háxéssegkek axta apmopmenyého. Kelán'a ekmeyamáxkoho axta han ma'a Tamar, meyke kélteméssesseykmoho exma, axta keñamak ekxeyenma apwáxok mopwanchek etnéssessamhok exma.

1 Samuel 28:23

Axta eyke emakók etwok apto m'a Saúl, apkelenxánegkessek axta eyke m'a apkeláneykha, tén han ma'a kelán'a nak, tén axta apkelyahákxoho aqsa. Apchampákxeyk axta néten aphakxa axta náxop, aphakmek axta néten kélyetnamakxa.

1 Reyes 21:1

Yetnegkek axta han apkeneykekxexa anmen yámet xama énxet apkeñama axta Jezreel, apwesey axta Nabot, cham'a nekha apxagkok apyawe axta m'a Ahab, wesse' apwányam nak Samaria.

1 Reyes 21:5

Keñe axta ekya'aweykxo aptáwa' Jezabel ektáha eyáneya s'e: —¿Yaqsa ektáha ekyaqhápencha'a nak apwáxok? ¿Yaqsa ektáha memaka nak apto?

Ester 5:13

Megkapeykásekxeyk sa' eyke chá'a ko'o ewáxok ekyókxoho xa aqsok nak, sekwet'a enxoho chá'a exek apátog wesse' tegma apyawe apagkok ma'a Mardoqueo, judío nak.

Jonás 4:4

Aptáhak axta Wesse' egegkok apchátegmowágko s'e: —¿Táseya aptáhakxa, aptáha nak aplawa xa ektáha nak?

Jonás 4:8

Xama axta ekwa'a néten ekhem, apkeltamhók axta kaxchahák Dios ekmexanma eñama m'a ekteyapmakxa ekhem, apwetágkok axta peya kápok ma'a Jonás hakte payhawók axta ekmexanma m'a aphakxa, apkeltamhók axta yetsapok. —Tásek ko'o watsapok, kaxnók aweynchamha chá'a— axta aptáhak.