1 Reyes 21:16 - Biblia Enxet

¹⁶ Xama axta apleg'a amya'a Ahab apketsapa Nabot, apxegkek axta apma m'a apkeneykekxexa axta anmen yámet ma'a.

1 Reyes 21:16 Referans Kwoze

Isaías 33:15

Énxet apkelane nak chá'a aptémakxa ekpéwomo apxeyenma nak chá'a aqsok ekmámnaqsoho, mexámáséyak nak aqsok apagkok eñama apyennaqteyáseykha apyempehek, memà nak kólmések ma'a aqsok kélmésso naqsa, tén han melyeheykekxa nak chá'a yáneykpok elának ma'a aqsok ekmaso agko' nak tén han megkamopmenyého nak chá'a elanok ma'a aqsok ekmaso,

Salmos 50:18

Kólmok chá'a takha' kéxegke m'a apkelmenyexma nak; ¡kélyepetcheykekxeyk ma'a apnaqtawáseykegkoho nak chá'a apnaqteyegka'a!

1 Reyes 21:1

Yetnegkek axta han apkeneykekxexa anmen yámet xama énxet apkeñama axta Jezreel, apwesey axta Nabot, cham'a nekha apxagkok apyawe axta m'a Ahab, wesse' apwányam nak Samaria.

1 Reyes 21:15

Xama axta ekleg'a amya'a Jezabel, keñe ektáha eyáneya m'a Ahab: —Ema sa' kaxwók ma'a apkeneykekxexa nak anmen yámet Nabot, apha axta m'a Jezreel, memáheyo axta egkések. Méko kaxwók ma'a Nabot; apketsekke'.

1 Reyes 21:17

Keñe axta Wesse' egegkok appaqhetchesa Elías, apha axta m'a Tisbé, axta aptáhak apcháneya s'e:

2 Reyes 5:24

Xama axta apkelwákxo m'a egkexe nak, apkelmeyk axta Guehazí m'a selyaqye aktek élmope, apkelseykekxésso axta m'a Naamán apkeláneykha, apxatmeyk axta apxagkok, keñe apkeláphasa eltaqhoho'.

2 Reyes 9:21

Keñe axta Joram aptáha s'e: —¡Hélnaqtehetchásekxa ko'o yátnáxeg apyenyawasso sénchesso nak kempakhakma! Kélnaqtehetchásekxeyk axta yátnáxeg apyenyawasso, keñe axta Joram, wesse' apwányam nak Israel, tén han ma'a Ocozías, wesse' apwányam nak Judá, apkelántepa chá'a apkelchánte apagko' ma'a yátnáxeg apyenyawasso apagkok apkenchesso nak kempakhakma, apkelanyexágko m'a Jehú. Axta apkeltahanyeykpohok ma'a xapop apagkok axta m'a Nabot, ekpayho nak Jezreel.