1 Reyes 21:1 - Biblia Enxet

¹ Yetnegkek axta han apkeneykekxexa anmen yámet xama énxet apkeñama axta Jezreel, apwesey axta Nabot, cham'a nekha apxagkok apyawe axta m'a Ahab, wesse' apwányam nak Samaria.

1 Reyes 21:1 Referans Kwoze

2 Crónicas 28:22

Apweteyak axta eykhe xa ekmaso nak apha, apkelenxáneykmek axta aqsa melyaheykekxa m'a Wesse' egegkok. ¡Cháxa aptémakxa axta wesse' apwányam Ahaz xa!

Jueces 6:33

Tén axta apyókxoho madianitas tén han amalecitas, tén han ma'a énxet'ák apheykha axta teyapmakxa ekhem apyepetchákxo pók, apkeltámeyákxeyk axta m'a wátsam Jordán, apkelpakxenwokmek axta m'a ekyapwátegweykenxa nak xapop Jezreel.

Josué 19:18

Yetlómok axta han xapop apagkok apkelxaweykegko m'a tegma apkelyawe nak Jezreel, Quesulot, Sunem,

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

1 Samuel 29:1

Apchánchesákxeyk axta apyókxoho sẽlpextétamo apagkok filisteos ma'a yókxexma nak Afec, keñe israelitas apkelpakxenwa'a m'a ekteyapmakxa nak yegmen, ekyetnama nak Jezreel.

2 Reyes 9:21

Keñe axta Joram aptáha s'e: —¡Hélnaqtehetchásekxa ko'o yátnáxeg apyenyawasso sénchesso nak kempakhakma! Kélnaqtehetchásekxeyk axta yátnáxeg apyenyawasso, keñe axta Joram, wesse' apwányam nak Israel, tén han ma'a Ocozías, wesse' apwányam nak Judá, apkelántepa chá'a apkelchánte apagko' ma'a yátnáxeg apyenyawasso apagkok apkenchesso nak kempakhakma, apkelanyexágko m'a Jehú. Axta apkeltahanyeykpohok ma'a xapop apagkok axta m'a Nabot, ekpayho nak Jezreel.

2 Reyes 9:25

Keñe axta Jehú aptáha apcháneya m'a Bibcar, apteme axta apkeláneykha: —Elek xa kañe' nak, eyenyow ma'a yókxexma apagkok axta Nabot, apkeñama axta Jezreel, hakte makhemek ko'o makham ekxeyenma ewáxok ma'a nélchántamo axta chá'a xamo' yátnáxeg apkelyenyawasso apagkok axta m'a Ahab, apyáp axta, apxeyenma etnéssesek Wesse' egegkok aptéma axta s'e:

Miqueas 2:2

Katsapok chá'a apnegya'ák elanok xapop, keñe elmok chá'a; katsapok chá'a apnegya'ák elanok tegma, keñe elmenyexek chá'a. Enaqtawasagkohok chá'a énxet yetlo apnámakkok, cham'a ektáha nak chá'a apagkok xapop, tén han ma'a aqsok apkelxaweykekxa nak.