1 Reyes 19:5 - Biblia Enxet

⁵ Keñe axta apyetna m'a kóneg yámet nak, aptenchek axta. Xama Dios apchásenneykha axta eyke apya'awak, axta aptáhak apcháneya appaknegwokmoho s'e: “Exnekxa néten, etaw apto.”

1 Reyes 19:5 Referans Kwoze

Daniel 9:21

Apxegakmek axta han apkempakmo apmeyókmo sénmágkaxa neyseksa sélmaxnagko m'a Gabriel sexekmowásekpoho axta sekxók axta. Ketók axta m'a ekweykenxal'a kólmések aqsok ektekyawa taxnám ma'a Dios.

Daniel 8:19

aptáhak axta seyáneya s'e: “Altennaksek sa' ko'o exchep yaqwánxa katnehek ekwokmo sa' néxa aplo m'a Dios, hakte cham'a aqsok apwet'a nak ekteme ektemegwánxa néxa ekhem.

Salmos 34:10

Meyke aqsok apagkok chá'a katnekxak ma'a énxet'ák ekxákma nak aqsok apagkok, ellegagkohok chá'a meyk, keñe m'a apkelchetamso nak chá'a Wesse' egegkok, megkeymaxchék sa' chá'a xama aqsok enxoho.

Salmos 34:7

Eltaqmelcheshok chá'a Wesse' egegkok apchásenneykha m'a apkeláyo nak chá'a Wesse' egegkok, elwagkasek nahan chá'a teyp.

1 Reyes 19:4

Tén axta apmahágko m'a meykexa nak énxet, xama ekhem axta han apxega, keñe aphakmo kóneg xama yámet pessesse agkok. Apkeltamhók axta han yetsapok, keñe aptáha: “¡Wesse', heyho ko'o watsapok! ¡Hakte ekhawók ko'o m'a ẽlyapmeyk nano'!”

1 Reyes 19:6

Apsawheyha axta exma Elías ma'a nekha apyetnakxa, apwet'ak axta nekha apteyáyam apyetna xama pán, kélmakhetchesso nak néten átex, tén han xama egheykok yegmen. Aphákxeyk axta néten, aptókek axta apto, apyenchek axta han yegmen; tén axta apyetnákxo makham.

Zacarías 4:1

Apwa'akteyk axta makham ma'a Dios apchásenneykha sepaqhetchesa axta ko'o. Exátekhássa'akteyk axta, axta aptáhak ma'a ektémól'a kólxátekhaksek xama énxet apteyenma. Axta aptáhak sélmaxneyeyncha'a s'e: