1 Reyes 12:6 - Biblia Enxet

⁶ keñe axta wesse' apwányam Roboam apkelmaxneyáncha'a m'a apkelámha apmonye'e ektáha axta apkeláneykha m'a Salomón, apyáp axta, megyetsapmakxa axta makham. Aptáhak axta apkelmaxneyáncha'a s'e: —¿Háxko kéltamhókxa kéxegke atnehek wátegmowagkok ma'a énxet'ák nak?

1 Reyes 12:6 Referans Kwoze

Job 32:7

Exchek táhak ewáxok se'e: “Elpaqmétek apagkok xa apkelya'áseykegkoho nak ekyókxoho aqsok; exekmósek sa' ektémakxa apkelya'áseykegkoho hakte apxámok apyeyam apkelweynchámeykha keso náxop.”

Job 12:12

Yetneyk ektémakxa apkelya'áseykegkoho aqsok ma'a apkelwányam nak; ekwenaqte apkelweynchámeykha ekmésso apkelya'ásegwayam.

Jeremías 43:2

aptáhak axta apcháneya Jeremías ma'a Azarías, Hosaías axta apketche, tén han Johanán, Caréah axta apketche, tén han ma'a pók énxet'ák éleymáxkoho axta chá'a apkelwáxok: “¡Wanchek amya'a m'a aptémakxa nak chá'a appeywa! Meltémók xép hẽltennaksek Dios Wesse' egagkok megyánhek ólmeyekxak aghakxak ma'a Egipto.

Proverbios 27:10

Ná ekxakhagwom chá'a apkelxegexma'a, tén han ma'a apyáp apkelxegexma'a nak. Ná emyekxa chá'a apepma apxagkok eyesagko enxoho ektáhakxa apha. Tásek ey'ókxak ma'a apha nak ketók apxagkok, kaxnók ma'a apepma apha nak makhawo'.

1 Reyes 4:2

Keso apkeláneykha axta s'e: Azarías, apketche axta m'a apkelmaxnéssesso Dios énxet'ák apagkok Sadoc;

2 Samuel 17:5

Apkeltamhók axta eyke han kóláneyha Absalón ma'a Husai, apteme axta arquita, yaqwayam han exének ektáhakxa élchetamso apwáxok.

2 Samuel 16:20

Tén axta Absalón aptáha apkelmaxneyáncha'a m'a Ahitófel: —¿Yaqsa aqsok ekxéna kélwáxok kéxegke eyeyméxko anlána'?

1 Reyes 4:1

Aptemegkek axta wesse' apwányam Salomón ma'a ekyókxoho Israel.

1 Reyes 10:8

¡Keleñémok eykel'a chá'a m'a apnaqteyegka'a nak xép, kelpayheykekxók eykel'a chá'a apkelwáxok ma'a apkeláneykha apheykha nak chá'a xamo' xép, apháxenmo chá'a m'a appeywa ekha nak ekya'áseykegkoho aqsok!