1 Reyes 1:48 - Biblia Enxet

⁴⁸ aptáha s'e: ‘Tásek sa' chá'a katnehek apxénamap Wesse' egegkok, Dios nak Israel, apmésa sakhem xama hatte yaqwayam etnehek wesse' apwányam, tén han segkésa yaqwayam óta'.’

1 Reyes 1:48 Referans Kwoze

1 Reyes 3:6

Apchátegmowágkek axta Salomón: “Taqmeleykha agko' axta exchep apwáxok apkelányo m'a táta David, cham'a apkeláneykha axta, hakte tásek axta chá'a aptémakxa nápaqto', péwók axta han chá'a aptémakxa, meyke ekyexamaxkoho apwáxok. Axta keñamak apchásekhayo exchep ma'a, tén han apméssama xama apketche yaqwayam etnehek wesse' apwányam, ektáha nak se'e kaxwo' nak.

Daniel 4:34

“Xama axta ekwokmo néxa ekxénamaxchexa hélteméssesek, énmexawok axta néten, ko'o Nabucodonosor, ekwetágkok axta ekmassa sekteme seyeyháxma; tén axta sekteméssesa apcheymákpoho m'a Dios meyke nak ekhémo, axta ektáhak sekpaqmeta sélpeykásawo m'a memassegwayam nak: “Megkamassegwomek sa' chá'a apmopwána; katnahagkok sa' chá'a aptémakxa nak wesse' apwányam.

Proverbios 17:6

Aptawán'ák chá'a ekpeykessáseykekxa apkelwáxok ma'a apkelwányam nak; chána eyke chá'a élpeykessáseykekxa apkelwáxok ma'a kélketchek nak.

Salmos 145:2

Ekyókxoho ekhem sa' chá'a axénmakha ektaqmela; alpeykeshok sa' chá'a apwesey meyke néxa.

Salmos 41:13

¡Apcheymákpoho sa' chá'a kólteméssesek Wesse' egegkok, Dios apagkok nak Israel, kaxwo' nak, tén han megkatnégwayam néxa! ¡Katnahagkok sa'!

Salmos 34:1

Alpeykeshok sa' chá'a ko'o Wesse' egegkok ekyókxoho ekhem, malwátéssemek sa' chá'a sekteméssesso apcheymákpoho.

Nehemías 9:5

tén axta aptáha apkeláneya m'a levitas, cham'a Josué, Cadmiel, Binuy, Hasabnías, Serebías, Hodías, Sebaías, tén han Petahías: “Kólchempekxa néten, kólpeykesho Dios Wesse' kélagkok, yókxoho ekhem, megkatnégwayam néxa. ¡Kóltemésses apcheymákpoho, yetlo ektaqmalma kélxeyenma apwesey eyeymáxkoho meyke ekhémo!”

1 Crónicas 29:20

Tén axta David aptáha apkeláneya apyókxoho énxet'ák se'e: “Kólpeykesho sa' kaxwo' Dios Wesse' kélagkok.” Keñe axta apyókxoho énxet'ák apkelpeykásawo Wesse' egegkok, Dios apagkok axta m'a apyapmeyk nano', apkelháxahágkek axta apkeltekxeyágko aptapnák nápaqtók ma'a Wesse' egegkok, tén han nápaqtók wesse' apwányam, ekwokmoho apkeltekxeyágko nápaqta'a xapop.

1 Crónicas 29:10

Keñe axta David apteméssesa apcheymákpoho Wesse' egegkok nápaqta'awók ma'a apyókxoho énxet'ák. Aptáhak axta s'e: “¡Apcheymákpoho sa' chá'a kólteméssesek xép Wesse' egegkok, Dios apagkok nak ma'a ẽlyapmeyk nanók Israel!

1 Crónicas 17:17

¡Háwe han ekwánxa agkok peya henteméssesek negko'o xa ektáha nak Dios Wesse' ahagkok, xénchek makham apwáxok ma'a étawán'ák peya nak elántépok netámen, cham'a egmonye' sa', ko'o sektáha nak apkeláneykha, máxa etnessásak ma'a énxet ekyawel'a kéláyo!

2 Samuel 24:3

Apchátegmowágkek axta Joab: —Wesse' egegkok, Dios apagkok nak xép, wesse', sa' exámasagkok énxet'ák apagkok cien makham, eyeykhássamhok sa' se'e kaxwo' nak, emagkahagwomho annal'a exchep wesse' yaqwayam éta'; ¿yaqsa eyke ektáha apkeltamho nak kólnaqtáxésagkok weykcha'áhak apkelwesey énxet'ák xép, wesse'?

2 Samuel 7:12

wokmek sa' agkok néxa apha, apketsapa enxoho, atnéssesek sa' ko'o xama wesse' apwányam ma'a aptawán'ák neptámen nak xép, eynnaqtéssesek sa' aptémakxa nak wesse' apwányam.

Génesis 14:20

apcheymákpoho sa' kólteméssesek Dios meyke nak ekhémo, apmallahanchesa nak nepyeseksa apkelenmexma.” Keñe axta Abram apkelmésa Melquisedec xama ektáhakxa nak chá'a diez ekyókxoho aqsok apkelmeykekxa'.

1 Samuel 25:32

Axta aptáhak apchátegmowágko David: —Apcheymákpoho sa' kólteméssesek Wesse' egegkok, Dios nak Israel, apcháphasa nak xeye' sakhem sélanyexakmo,

1 Reyes 1:49

Apkelpexyennegkek axta m'a ektáha axta apkeláneyeykha m'a Adonías; apkelchampákxeyk axta néten apyókxoho, apkexpaqneyk axta.

1 Reyes 2:4

Yaqwayam enxoho han elának Wesse' egegkok ma'a séltennassama axta ko'o elána', apxeyenma megkameykehek chá'a énámakkok apteme wesse' apwányam ma'a Israel, cham'a apkelánegkoho enxoho chá'a ektémakxa aqsok apkelánéyak ma'a étchek, ektaqmela enxoho chá'a aptamhágkaxa nápaqtók ma'a, ekweykmoho kañók agko' apkelwáxok tén han élchetámeykegkaxa nak apkelwáxok.

1 Reyes 8:20

“Apkeláneyak axta Wesse' egegkok ma'a apxeyenma axta elána', ko'o kaxwók wesse' apwányam ma'a Israel, sekyaqmagkasso m'a táta David, élánéssek han tegma appagkanamap ma'a Wesse' egegkok, Dios apagkok nak Israel, ekhawo aptémakxa axta apxeyenma.