Pilipae 4:5 - Enga Niu Tesamene

⁵ Kamongo ipanya tengesa pilyamona, nyakamanya tambo-tambo lao katenge mana doko endakali dupame kandena lao kalyepape.

Pilipae 4:5 Referans Kwoze

Matyu 6:25

“Tenge dokonya nambame nyakama dapa langilyo: Nyakama auu pyoo katamana lao masetala, nyakamame neepi, endakipi dupa anja-tae namanape, yonge pee anja-tae pimanape lao masepae longo nyala naeyalapape. Lete katenge doko nee nenge dopale daa. Yonge doko yonge pee pingi dopale daaka.

Taitusa 3:2

Kristene dupame endakali mende lao nepala naeyao, laiya lamaiya naeyao, tambo-tambo lao, endakali dupa pitaka anda-anda semaiyoo, anasale joo katena lamaipi.

Ibru 10:37

Goteme lao pituu, “Gii kuki mendalapo patatamopa, akali ipatana latae doko malisala naeyao ipata.

1 Pita 4:7

Yuupa kaitipa dolapo etapenge gii doko tengesa petelyamona, nyakamame auu pyoo loma semana lao, masepae koo dupa ipatame-lao nyakama tange isoo kalyepape.

1 Korina 6:7

Nyakamame Jisasa tungi pingi yango dupa kotimi lelyamino dokonya-kaita, koo pingi mana dupame nyakama ita minatelyamo. Endakali mendeme nyakama-kisa koo pitamopa, dopa pina lao nyakamame kaeyalapape. Nyakamanya oapi dupa waa katao pake nyetaminopa, nyina lao nyakamame kaeyalapape.

Ibru 10:25

Kambu pyao lotuu lenge mana doko endakali mendapuame yakineaminoli pyoo, naimame yakinala naeyao minao katamana. Kraisa ipupenge gii doko tengesa petelyamona lao kandelyamano dokonya, naima-lapo mende mona yaka lasa-lasa pyoo katamana.

Revelesene 22:7

Dopa leamopa Jisasame lao pituu, “Salapape! Namba yapa ipanya pilyo. Buku dakenya propesi pii lapae silyamo dupa wata-minilyamo endakali doko, baa Goteme auu pisetaena” lea.

1 Korina 8:13

Tenge dokonya, nambame nee dopale dupa nato dokome, nambanya Kristene kaiminingi mende koo pina lao mona yaka lasakamaito doko, gotena lao wasepae dupa kundi maitae nee dupa tanga-tangapi nambame nanato. Dopa pito dokome, nambanya Kristene kaiminingi doko koo pina lao mona yaka lasakamaiya naeyato.

Matyu 6:34

“Nyakamame taitanya lao masepae longo nyala naeyalapape. Taita kenda ipata dupa taita sepenge. Indupa kenda ipata dupa indupaka sepengena” Jisasame lea.

Revelesene 22:20

Pii dutupa lao panelyamo dokome lao pituu, “Kiningi etete, namba yapa ipanya pilyona” lelyamo. Doko kiningi. Dopaka pita. Kamongo Jisasa, emba yapa ipu!

1 Korina 9:25

Isa yuu dakenya alo pingi dupanya alo pyalanya depa lao katengema endakali dupame koeyapenge yole doko nyalanya, koteaka lao dupa tange isoo yonge kyeto maingima. Dopaka doko, koeyala naeyao sulu sepenge yole doko naimame nyalanya, naima depa latae katapenge.

Luku 21:34

“Yuu dakenya endakali palelyamino dupa pitaka-kisa gii doko ipata. Dopa pitana, yongenya koo pyoani kaengepi, bia nao kyakengepi, yuu dakenya nee kaeyapae singipi, dupanya-kaita nyakama isa pyakataminopa, kone makatae lokalyingili pyoo, gii doko nyakama-kisa lee mendai ipatana, kandao kalyepape.

1 Korina 16:22

Naimanya Kamongo doko ipatea! Endakali mendeme Kamongo Jisasa Kraisa auu nakaeyatamo doko, Goteme baa koeyasina.

2 Korina 10:1

Namba nyakama-pipa kalyo dokopa, namba anasale joo katapala, waka kalyo dokopa, nambame paka nakaeyao nyakama pii tolao langingina lao endakali mendapuame lelyamino. Namba Polo doko akali dopale-lumu dokome, Kraisa baa anasale jetala, tambo-tambo lao kateamo doko masetala, nyakama kyeto joo dapa langilyo: