Pilipae 3:2 - Enga Niu Tesamene

² Akali yana mendapuame mana koo minao yanu kepapengena lelyamino dupa nyakamame wandyoo kalyepape.

Pilipae 3:2 Referans Kwoze

2 Korina 11:13

Akali dopale dupa sambo aposole. Dupame sambo lao minakasoo kalai pyoo katao, Kraisanya kiningi aposole mendapu paele pingima.

Taitusa 1:16

Endakali dokaitame Gote masilyamanona lao, lao panelyaminoaka doko, dokaitanya koo kalai pilyamino dokome baa maita mailyamino. Dokaitame pii tanga lao, myuku pipae mana dupa minilyamino dokome, kalai epe mende kapa pao napingimana lao panelyamo.

Revelesene 22:15

Endakali yana mona palengepi, nemango lengepi, kepo kolengepi, endakali pyao kumasingipi, gotena lao wasepae dupa lotuu lengepi, sambo mana dupa auu kaeyao miningipi, dupa pitaka Gotenya siti dokonya kamalya katatami.

Galesia 5:15

Dopaka doko, nyakama-lapo mende nengeme naa-naa petala, mende koeyasa-koeyasa pyoo kumaloo pitamina, kandao kalyepape.

Pilipae 3:19

Endakali dokaitanya nee namu laka lao masingi doko gote joo wata-miningima. Dokaitanya masingi dupa yuunya singi dupanya iki pena lao katao, elya pipae mana dupa minalanya auu kaeyao katengema. Dopa pingima endakali dupa koeyatami.

Galesia 5:6

Akali mende Kraisa-kisa kalyamopa, yanu kepenge dokopa, kepala naenge dokopa, dolapome angi mende napingi. Jisasa tungi pyao katao, endakali auu kaenge dokome angi mende pingi.

Matyu 7:15

“Sambo propeta dupanya mona andaka yana kapu jetae katatamopa, sipisipi yonge nyoo petala, nyakama katatami dokonya ipatamina, kandao kalyepape.

Revelesene 21:8

Dopaka doko, paka kaeyapala liki-maliki lenge endakalipi, Gote tungi pyala naengepi, koo pingipi, mana myuku pipae miningipi, endakali pyao kumasingipi, kepo kolengepi, nemango lengepi, gotena lao wasepae dupa lotuu lengepi, sambo lengepi, dupa nyakamanya yuu, kana yuli tao katenge itate andake dokonya katatami. Kana yuli tao katenge itate andake doko lapo pyoo kumingi dokona” lea.

Revelesene 3:9

Sepe! Satanenya lotuu anda dokonya petengema endakali dupame nyakama Juuna lelyaminoaka doko, dokaita angi Juu daa. Dupame sambo lelyamino. Embanya moko setate dosa, nambame dokaita ipao luma lakena latopa, nambame emba auu kaenge-lamo lao dokaitame kandatami.

Judu 1:4

Gote wata-minala naenge endakali mendapu, Goteme yapatala tanda maipengena lao wamba-waka pepa pyanya setapae dupa, waa katao nyakamanya kainanya pyakanatala, Gotenya kondo kaenge doko aloo pilyamino. Dopa petala, yongenya koo pyoani kaenge dupa pilyamino dokome, naimanya Gote Akali Andake Kamongo Jisasa Kraisa, mendai iki doko maita mailyamino.

Pilipae 3:3

Gotenya Spirita dokome naimapi, nyakamapi nisilyamopa baa mambo pyao, Jisasa Kraisanya kenge doko minalyoo, yanu kepenge mana doko tungi napyao kalyamano dupa pitaka yanu kepapae joo kalyamano.

Galesia 5:13

Kaimii paluma, nyakama mokao nyepae kalyepale lao Goteme wii lao nyia. Dopa piamo dokonya, nyakama mokao nyepae kalyamanona lao masetala, nyakamanya yongenya koo pyoani kaenge dupa kutao paeyala naenya, auu kaengeme nyakama-lapo mende nisa-nisa pyoo kalyepape.

Roma 2:28

Akali mende baa yongeme Juuna latamo doko, baa angi Juu daa. Yanu kepenge mana angi doko, yongenya kalai mende iki daaka.

Matyu 7:6

“Nyakamame Gotenya latae dupa yana namaiyepape. Maitamino doko, yana dupame kapilyetala nyakama nao titi pyao nepatami. Nyakamanya mamaku epe dupa mena katatami dokonya pyale nalalapape. Pyale latamino doko, mena dupame moko katao longao nepatamina” lea.

Revelesene 2:9

Embanya kalai pingipi, kenda soo katengepi, emba daa jingipi, dupa nambame kandenge. (Dopaka doko, angi emba kamongo kalyeno.) Endakali mendapuame nyakama lao nepelyamino dupa nambame kandengeaka. Endakali dokaitame nyakama Juuna lengemaka doko, dokaita angi Juu daa. Dokaita Satanenya lotuu anda dokonya petengema.

2 Pita 2:22

“Yaname myuku talyepala tange nengena” lao naimanya pii lapae singi dokopa, “Mena matakai wasa pyapae mende dee pao mandau pingina” lapae singi dokopa, dolapo kiningina lao endakali dupame mana minilyamino dokome panelyamo.

Matyu 24:10

Dokopa endakali longome namba tungi pingi doko yakinatala, nyakama-lapo imbu kaeyao pyaloo petala, yandapipi dupanya kinginya mende mai-mai pitami.