Pilipae 2:9 - Enga Niu Tesamene

⁹ Dopa piamo dokonya, Goteme baa yuu-ulusa-waka minalyetala, baa kenge maiyamo dokome kenge waka dupa pitaka ita minilyamo.

Pilipae 2:9 Referans Kwoze

Revelesene 19:16

Baanya yonge pee dokopa, baanya pangi dokopa, dolaponya dapa lao kenge pyatae katea: Kiŋi dupanya Kiŋi, kamongo dupanya Kamongo lao pyatae katea.

Matyu 28:18

Dokopa Jisasa baa dokaita kateami dokonya pupala lamaiyoo, “Yuupi, kaitipi dupa pitaka isepe lao Goteme kyeto doko namba ditia.

1 Pita 3:22

Jisasa Kraisa kaiti-kisa peamopa, enjelepi, kaitinya isoo katengepi, dupanya pupu lapaepi, dupa Goteme Kraisanya pundipundi katena latala, Kraisa baa Goteme baanya kingi tolaetena petena lea.

Ibru 2:9

Dopaka doko, naimame kandelyamano Jisasa doko kenge epepi, tii pipaepi, dupame kiŋi balu joo pyakamaitopa lao, Goteme baanya kondo kaenge dokome gii kuki mendalapo Jisasa baa enjele dupanya anasale jina latala, endakali dupa pitaka kumala naena lao baa tanda nao kumina lea.

Revelesene 5:12

Dokaitame puu lao dapa leami: “Sipisipi Ŋaŋa pyao kumasiamino doko baa etete epe dokonyana, kyetopi, oapi epepi, masepae epepi, pupu lapaepi, kenge epepi, tii pipaepi, pii epe lapengepi, dupa nyepengena” leami.

Ibru 1:4

Baa kenge etete epe nyiamo dokome, enjele dupa pitakanya kenge dupa ita minao nyia. Dopa piamo dokome, baame enjele dupa pitaka ita minao kalyamo.

Ibru 12:2

Naimanya Jisasa tungi pingi doko Jisasame tee pyatala, etao baa tungi pyalapale lao nisoo kalyamo. Baa auu kaeyapae mende tanga nyotona latala, elya kaengepi, tanda andake nyingipi, dupa angi mende daana lao masia. Dopa lao masetala, poko ita dokonya tanda nao, yukutae katao baa maka nakaeya. Indupa baa Gote petenge toko dokonya kingi tolaetena pilyamona, naimame baa iki kandatae katamana.

Jone 17:5

Apane, yuupa kaitipa dolapo nasiamopa tii pipae nalimba-kisa siamo dokomeaka embanya enomba dokonya namba kenge andake dipi.

Revelesene 3:21

Koo pingi mana dupa nambame ita minateopa, nambanya Takangeme baanya kiŋi toko dokonya namba baa-pipa tole pitimbanana leali pyoo, koo pingi mana dupa ita minata endakali doko, baa nambanya kiŋi toko dokonya namba-pipa tole pitimbanana lato.

Luku 10:22

Dopa latala baanya disaipolo dupa enomba maitala dokaita lamaiyoo, “Nambanya Takange dokome dupa pitaka namba-kisa setea. Endakali mendeme Ikiningi doko apipi lao masala naenge. Takange dokome iki masingi. Endakali mendeme Takange doko apipi lao masala naengeaka. Ikiningi dokome iki masingi. Takange doko endakali mendeme masina lao Ikiningi dokome masetala panasilyamopa, endakali dokome Takange doko masingiakana” lea.

Revelesene 11:15

Enjele kalange pyoo dokome baanya trampeta doko piamopa, kaiti-kisa katao puu lao pii mendapu leami dupame lao pituu, “Yuunya kingdom doko naimanya Kamongo dokopa, baanya Kraisa dokopa, dolaponya kingdom jetelyamo. Dopa pilyamo dokonya, Kamongome tanga-tangapi isoaka katatana” leami.

Revelesene 1:5

Gotenya pii doko tolao lao panenge Jisasa Kraisa doko endakali kumapae dupanya wambao malunya sakatatala, baame yuunya kiŋi dupa isoo kalyamo. Baanya kondo kaenge dokopa, mona yaepenge dokopa, dolapo baame nyakama-kisa epena lapya laka lao masilyo. Baame naima auu kaeyapala baanya taeyoko dokome naimanya koo dupa naima-kisa nasina lao wasa pia.

2 Pita 1:17

Takange Gote Tii Pipae Andake dokome kenge epe dokopa, tii pipae dokopa, dolapo Jisasa maiyamopa nyia. Gii dokopa, pii mende lea dokome baa lao, lao pituu, “Dake nambanya Ikiningi mona setenge, nambame etete auu kaenge dokona” lea.

Kolosi 1:18

Siosa doko baanya yonge dokonyana, baa siosa dokonya aiyomba kalyamo. Tee pingi doko baa. Baa dupa pitakanya mupa katena lao, Goteme baa wambao malunya sakatasia.

Aposole 5:31

Israele tata dupa mona kapilyetaminopa, dupanya koo dupa kunao nepakamaitopa lao Goteme baa sakatasetala, kaiti-kisa lanyoo pea. Pupala baanya kingi tolaetena Isingi Akalipa, Pyoo Nyingi Akalipa petena lea.

Jone 13:3

Takangeme dupa pitaka baanya kinginya yakineana lao Jisasame masia. Baa Gote-kisa katao epeona, Gote katenge dokonya pilyotona lao masiaka.

Matyu 11:27

Nambanya Takange dokome dupa pitaka namba-kisa setea. Endakali mendeme Ikiningi doko masala naenge. Takange dokome iki masingi. Endakali mendeme Takange doko masala naengeaka. Ikiningi dokome iki masingi. Takange doko endakali mendeme masina lao Ikiningi dokome masetala panasilyamopa, endakali dokome Takange doko masingiaka.

Jone 17:11

Apane, emba-kisa koo mende nasingi. Embame endakali namba diino dokaita isa yuu dakenya katena latala, namba isa yuu dake yakinao, emba kalyeno dokonya epelyo. Nalimba mendai jetae katenge dopaka pyoo, dokaita mendai jetaeyaka katena, embanya kenge namba diino dokome dokaita auu pyoo isepe.

Jone 17:12

Namba dokaita-pipa isa yuu dakenya katao, embanya kenge dokome endakali namba diino dokaita isoo katapu. Isoo katapupa dokaitanya mendaipi mende alu napipya. Dopaka doko, pii pepa pyapae singi doko angi jina lao, akali koeyatana latae doko iki alu pipya.

Epesusa 1:10

Gii setapae doko ipatamopa, yuunya singipi, kaiti-kisa singipi, dupa pitaka Kraisa-kisa mendai jetae katatamina lao Goteme masia-pyaa.

2 Tesalonaika 1:12

Dokopa Gotepa Kamongo Jisasapanya kondo kaenge doko nyakama-kisa ipatamopa, nyakamanya mana dutupame naimanya Kamongo Jisasa Kraisa lalyoo kenge andake maitaminopa, baame nyakama lalyoo kenge andake ditaka.

Ibru 1:9

Embame mana tolatae dupa auu kaeyapala, loo yalenge mana dupa maka kaenge. Tenge dokonya, Gote, embanya Gote dokome eteke pyasingi wele doko kai lao embanya aiyomba minani pyekeamo dokome, embanya tole katenge dupa ita minao embanya kenge doko minalyiana” lapae silyamo.