Pilipae 2:8 - Enga Niu Tesamene

⁸ Baa endakali jetae doko anasale jetala, Gotenya pii wata-minao baa kumia. Baa kumiamo doko, poko ita dokonya kumia.

Pilipae 2:8 Referans Kwoze

Jone 10:18

Namba kumatale lao endakali mendeme nambanya lete katenge doko nyokonyala naeyata. Lete katenge doko kame soo kumala penge dokopa, pilyoo nyingi dokopa, dolaponya kyeto doko namba-kisa singi. Dopa pipi lea pii doko nambanya Takange-kisa nyiona” lea.

Ibru 12:2

Naimanya Jisasa tungi pingi doko Jisasame tee pyatala, etao baa tungi pyalapale lao nisoo kalyamo. Baa auu kaeyapae mende tanga nyotona latala, elya kaengepi, tanda andake nyingipi, dupa angi mende daana lao masia. Dopa lao masetala, poko ita dokonya tanda nao, yukutae katao baa maka nakaeya. Indupa baa Gote petenge toko dokonya kingi tolaetena pilyamona, naimame baa iki kandatae katamana.

Roma 5:19

Akali mendaimi pii nepea dokome, endakali longome koo pyoo kateami-pyaa. Dopaka pyoo, akali mendaimiaka pii wata-miniamo dokome endakali longo tolatae jisia.

1 Pita 2:24

Naimanya koo pingi dupa dee napinya naima kumapala, mana tolatae dupanya kalyepale lao, baame naimanya koo dupa pitaka baanya yonge dokonya setapala, poko ita dokonya yukutae katea. Baa piaminopa kombe paleamo dupame nyakama saka nyia.

1 Pita 3:18

Akali tolatae Kraisa dokome naima endakali tolatae daa dupa laminao, Gote kalyamo dokonya patona latala, baame naimanya koo dupa kunao nepakalanya paa mendaisa iki baa kumia. Endakalimi baanya yonge doko pyao kumasiaminoaka doko, Goteme baanya imambu doko lete kataseteamopa,

2 Korina 8:9

Naimanya Kamongo Jisasa Kraisanya kondo kaenge doko nyakamame masilyamino. Baa Kamongoaka doko, baame nyakama kamongo jisetala nyakama-kisa longo sina lao baa daa jepae mende jia.

Matyu 26:39

Dopa latala baa kuki umbisale pao, yuunya tombauli sepala loma soo pituu, “Apane, kapo kenda paleta mende nalapo dake embame nyoo nepakapenge jia-kandeno doko, nyoo nepakape. Dopaka doko, nambame masilyo dokonya-kaita napipi. Embame masilyino dokonya-kaita pipi” lea.

Aposole 8:33

Mana tolatae minao baanya kote doko sakamaiya naenya, baa koeyasoo elya pisiami. Dopa petala baa yuu dakenya nakatena lao etasiami. Dopa piami dokonya, baanya mandipaenya mandipae dupa dakaitana lao, endakali mendeme atome laa naeyatana” lapae silyamo doko itaki pia.

Taitusa 2:14

Loo yalenge mana dupa pitakanya naima anjetae paleamanopa, naima Kraisa tata katao, mana epe dupa nee kaeyao minao kalyepale lao, Kraisa kumiamo dokome, naima mokao nyepala, naima-kisa koo mende nasina lao pyoo wasia.

Galesia 3:13

Pii mende dapa lao pepa pyapae silyamoaka: “Itanya yukutae katatami endakali dupa pitaka Goteme koeyasetamosa pitana” lapae silyamo. Mosesanya loo dupanya lapae silyamoli pyoo, naima koeyasepenge panda dokonya Kraisame alo pyoo naima mokao nyia.

Jone 14:31

Nambame Takange doko auu kaenge-lamo lao isa yuu dakenya endakali dupame kandena lao, Takange dokome lelyamoli pyoo nambame pingi. Dopana, naima panda dake yakinatala mona sakatalapa” lea.

Jone 15:10

Nambanya Takangenya mana setapae dupa wata-minao, baanya auu kaenge dokonya namba katenge. Dopa pingina, nyakamame nambanya mana setapae dupa wata-minao katatamino doko, nyakama nambanya auu kaenge dokonya katatami.

Matyu 26:42

Dopa latala Jisasa paa lapo pyoo loma sala pea. Loma soo pituu, “Apane, kapo kenda paleta dake nambame kaeyala naeyao napenge-tamo doko, embame masilyino dokonya-kaita pina kaeyape” lea.

Matyu 17:2

Pupala kateaminopa, dutupanya enombanya Jisasa baa waka jia. Baanya lenge-lyaapi doko tii pyoo niki tele pia. Baanya yonge pee dupa kyeo lea doko tii pipae jia.

Jone 4:34

Dokopa Jisasame dokaita lamaiyoo, “Namba puu lea Akali dokonya masingili pyoo, kalai pyoo etasakamaipenge doko nambanya nee doko.

Luku 9:29

Pupala Jisasa loma soo kateamopa, baanya lenge-lyaapi doko waka jetala, baanya yonge pee dupa etete kyeo lao polepole pia.

Ibru 12:4

Nyakamame koo dupa ita minamana lao yanda pimaiyoo kataminopa, yanda dupanya nyakama taeyoko nyepala naelyamino.