Matyu 9:4 - Enga Niu Tesamene

⁴ Dopa lao masoo leamino dupa Jisasame kandatala dokaita lamaiyoo, “Aipuma nyakamanya moname koo dopale dupa masilyami?

Matyu 9:4 Referans Kwoze

Luku 6:8

Dokaitanya masiami dupa Jisasame kandatala, baame kingi talyanga doko lamaiyoo, “Emba sakatatala, endakali pitakanya enombanya kalya ipu” lea. Dopa leamopa akali doko sakatatala ipao katea.

Matyu 12:25

Dopa leaminopa, dokaitanya masiami dupa Jisasame kandatala dokaita lamaiyoo, “Isa yuu dakenya kingdom mendenya endakali dupa pyaloo petala wakale pitamino doko, kingdom doko koeyata. Siti mendepi, anda mendenya palengepi, dupa yango-lapo pyaloo pitamino doko, dokaita kyeto joo nakatatami.

Revelesene 2:23

Dopa petala, enda dokonya wane dupa apata kumina lao nambame pyao kumasotoaka. Dopa pitopa, endakalinya monapi, masingipi dupa kandenge akali doko namba-lamo lao siosa dupa pitakame masetami. Dokopa nambame nyakama mendai-mendai lao kalai pitamili pyoo yole pito.

Jone 16:30

Embame dupa pitaka kandenge dokonya, endakali mendeme emba tipa pyaa naelyamopa, embame wambao baanya tipa pipenge dupa kandenge. Tenge dokonya, kiningi emba Gote-kisa katao epea-lamo lao indupa naimame masilyamanona” leami.

Luku 11:17

Dopa leaminopa, Jisasame dokaitanya masiamino dupa kandatala dokaita lamaiyoo, “Isa yuu dakenya kingdom mendenya endakali dupa pyaloo petala wakale pitamino doko, kingdom doko koeyata. Anda mendenya palenge dupa pyaloo pitamino doko, dokaita kyeto joo nakatatamiaka.

Aposole 5:9

Dokopa Pitame baa lamaiyoo, “Nyakambame aipuma pii mendai latala, Kamongonya Spirita doko makande pimbi? Embanya akalingi malu pyaa pamino dupa anda kambusa ipatelyaminona, dupame emba apata kamaka soo paaminoakana” lea.

Jone 16:19

Dokopa Jisasame baa tipa pimana lao masiami doko kandatala dokaita lamaiyoo, “ ‘Gii kuki mendatupa patatamopa, nyakamame namba kanja naeyalamino. Gii kuki mendatupaka patatamopa, nyakamame namba kandatamina’ lelyo dokonya nambame aipa pyoo lelyape lao nyakama-lapo tipa pilyamipi?

Jone 6:64

Dopaka doko, nyakamanya mendapuame namba tungi napilyaminona” lea. (Jisasame baanya kalai tee pia gii dokonya pituu, baa tungi napyatami endakali dupapi, baa yandapipi dupanya kinginya maita akali dokopi, dupa wambao kandatala baame dopa lea.)

Jone 6:61

Baanya disaipolo dupame pii dutupanya mumu lelyamino lao Jisasame kandatala dokaita lamaiyoo, “Pii dutupame nyakama kenda pisilyape?

Jone 21:17

Dopa latala paa tepo pyoo baame Pita lamaiyoo, “Jona ikiningi Saimone, embame namba auu kaelyepe?” lea. “Embame namba auu kaelyepe?” lao paa tepo pyoo Jisasame tipa piamosa, Pita baa mona kenda kaeyapala Jisasa lamaiyoo, “Kamongo, embame dupa pitaka kandenge dokome, nambame emba kiningi auu kaelyopa embame kandengena” lea. Dokopa Jisasame baa lamaiyoo, “Embame nambanya sipisipi dupa nee maiyakape.

Luku 5:22

Dopa lao masiami dupa Jisasame kandatala dokaita lamaiyoo, “Aipuma nyakamanya moname dopa lao masilyami?

Make 12:15

Naimame baa takisa maipengepe, daape?” leami. Dopa leaminopa, Jisasame dupa mana tolatae miningi manemane pilyamino lao kandatala dokaita lamaiyoo, “Aipuma nyakamame namba makande pilyami? Muni konde mende kandatoo, nyoo pealapa” lea.

Make 2:8

Dopa lao masiami dupa Jisasame kanju petala dokaita lamaiyoo, “Aipuma nyakamanya moname dopa lao masilyami?

Luku 7:40

Akali dokome masiamo doko Jisasame kandatala baa lamaiyoo, “Saimone, nambame pii mende emba langitoo” lea. Dopa leamopa Saimoneme baa lamaiyoo, “Mana Lenge, laa” lea.