Matyu 8:2 - Enga Niu Tesamene

² Dokopa akali kopetali mendeme Jisasa katea dosa ipao luma lakapala baa lamaiyoo, “Kamongo, embame nambanya yaina dake mee jetala, pyoo wasepae kalyale lao maseteno doko, yaina dake mee jakatenopa, namba pyoo wasepae kalyapona” lea.

Matyu 8:2 Referans Kwoze

Matyu 18:26

Dopa leamopa, kalai akali dokome kiŋi dokonya enombanya luma lakapala, ‘Akali Andake, nambame embanya yanu dupa pitaka pyakatona, embame namba maka nakaenya malisepoko’ lea.

Matyu 15:25

Dopa leamopa, enda doko ipao baa katea dosa luma lakapala, “Akali Andake, embame namba nisepoko” lea.

1 Korina 14:25

Dokopa baanya monanya yalo petae singi dupa panatamopa, baa tombauli sepala Gote mambo pyao, “Nyakamanya kaina dakenya Gote kiningi kalyamona” lata.

Aposole 10:25

Pita baa Koniliasanya andaka pyakameamopa, Pitanya moko katea dosa Koniliasa luma lakapala baa mambo pia.

Jone 9:38

Dokopa akali dokome lao pituu, “Kamongo, nambame emba tungi pilyona” lea. Dopa latala baame Jisasa mambo pia.

Matyu 28:17

Dokonya pao Jisasa kandatala, baa mambo piami. Dopaka doko, mendapu mona lapo paleami.

Luku 4:27

Propeta Elisa katea gii dokopa, Israele yuu dokonya endakali kopetali longo kateami dupanya mendenya kopetali doko auu pisakamaiya naeya. Siria tange akali Namane lenge dokonya kopetali doko iki auu pisakamaiyana” lea.

Matyu 26:6

Yuu Betani dokonya akali kopetali Saimone lenge dokonya andaka Jisasa baa nee nao petea. Peteamopa enda mendeme penge mendenya wele tunduma pipaeme tumbatae, muni andake pupenge mende minao epea. Ipupala Jisasanya aiyombanya wele doko kai lakamaiya.

Matyu 20:20

Gii dokopa, Sebedi ikiningi dolaponya endangi doko baanya ikiningi dolapo-pipa Jisasa katea dokonya ipupala, baanya enombanya endangi doko luma lakapala, baa-kisa mende tee lea.

Matyu 14:33

Dopa piamopa, disaipolo sipinya peteami dupa tengesa ipupala baa mambo pyao, “Kiningi etete, emba Gote Ikiningi doko-lamona” leami.

Matyu 13:58

Dupame baa tungi napiaminosa, baame mirakolo longo yuu dokonya napia.

Matyu 9:18

Jisasame pii dutupa lamaiyoo kateamopa, isingi akali mende Jisasa katea dokonya ipao luma lakapala, baa lamaiyoo, “Nambanya wanenge doko epapu kumatelyamona, embame baa-kisa kingi setateno doko, baa lenge talapomona, kingi setala ipupoko” lea.

Revelesene 19:10

Dopa lateamopa, nambame baa mambo pyalanya baanya moko katea dosa luma lakapala langalu yuunya sio. Dokopa baame namba langyoo, “Embapi, Jisasa baa dokona lao, lao panenge embanya Kristene kaiminingipi, dupa naima kalai mendai pingina, embame namba mambo pyala naenya, Gote mambo pyaa” lea. Aipumape, Spirita dokome masepae mailyamopa, endakali dupame Jisasa baa dokona lao pii lao panengema.

Matyu 28:9

Disaipolo dupa lamaiya peambinopa, Jisasame kaitinisa kandanyetala lao pituu, “Wanalapo, yongama etete!” lea. Dokopa enda dolapo pao Jisasanya mokonya kopetala mambo piambi.

Matyu 10:8

Endakali yaina pyapae dupa saka nyalapape. Kopetali dupa auu pisalapape. Imambu koo dupa watao pyalapape. Nyakamame sambala naeyao mee nyilyamino dokonya meaka maiyepape.

Matyu 4:9

Kandena latala baame Jisasa lamaiyoo, “Emba luma lakapala namba mambo pyateno doko, kandelyeno dakaita pitaka nambame emba ditoana” lea.

Matyu 2:11

Eteke pyao andaka kolandatala, wane doko baanya endangi Mariapa peteambino kandeami. Kandatala akali dupa luma lakapala, wane doko mambo piami. Mambo pyapala, dokaitanya nuu dupa tangupala, golopi, kena tunduma pingi pautapi, wele epe tunduma pipaepi, dupa baa opaa maiyami.

Matyu 8:1

Jisasa baa yuu manda doko yakinatala lanao epeamopa, endakali kambu longome baa watao epeami.

Matyu 8:25

Paleamopa disaipolo dupame baa pyale tatala lao pituu, “Kamongo, naima kumalamane-lamona, embame naima pyoo nyaa” leami.

Aposole 10:14

Dopa leamopa Pitame lao pituu, “Kamongo, loome nanapenge latae singi nee mende paa mendaipi mende naneona, nambame nanalapo daana” lea.