Matyu 7:24 - Enga Niu Tesamene

²⁴ “Nambame pii langilyo datupa sepala wata-miningima endakali dupa pitaka, akali masepae epe palenge mendeme yuu kyeto mendenya anda piamo dopale.

Matyu 7:24 Referans Kwoze

Jone 13:17

Nambame pii langilyo dupa nyepala, nyakamame dopaka pyoo katatamino doko, Goteme nyakama auu piseta.

Luku 11:28

Dopa leamopa Jisasame baa lamaiyoo, “Embame pii lelyeno doko dapa pyoo lapenge: Gotenya pii doko sepala wata-miningima dupa Goteme auu pisetae lapengena” lea.

1 Jone 2:3

Baanya mana setapae dupa naimame wata-minatamano doko, naimame baa masilyamanona lao masepenge.

Jone 14:15

“Nyakamame namba auu kaeyatamino doko, nambanya mana setapae dupa wata-minalapape.

Jone 15:14

Dopana, nyakamame pyepale lao nambame mana setelyo dupa pitaka pyoo katatamino doko, nyakama nambanya kaita miningi katatami.

Jone 15:10

Nambanya Takangenya mana setapae dupa wata-minao, baanya auu kaenge dokonya namba katenge. Dopa pingina, nyakamame nambanya mana setapae dupa wata-minao katatamino doko, nyakama nambanya auu kaenge dokonya katatami.

Matyu 12:50

Nambanya Takange kaiti-kisa katenge dokonya masingili pingima endakali dupa nambanya kaiminingipi, pimalengepi, endangipina” lea.

Matyu 7:25

Baame yuu kyetonya muku minapala anda piamo dokonya, poo kyeto joo lata, aiyuu ipata, endaki lyoo ipata piamopa, anda doko takyala naeya.

Matyu 7:26

Nambame pii langilyo datupa sepala wata-minala naengema endakali dupa pitaka, akali masepae epe napalenge mendeme endaki keenya anda piamo dopale.

Matyu 16:18

Nambame emba dapa langilyo: Emba Pita. Nambanya siosa doko kana dake-kisa pitopa, endakali kumapae dupa katengema panda dokonya lome nyetae dokome siosa doko ita minala naeyata.

Matyu 24:45

“Akali andake mendeme kalai akali dupa akali mendeme isina latamopa, dokaita isoo katao, nee napenge gii dokonya nee mokosoo maiyoo katapenge kalai akali masepae epe palenge, pii sakamaingi doko baa api?

Matyu 25:2

Wanaku mapukae dutupanya yungi masepae epe palenge. Yungi dutupa masepae epe napalenge.

Matyu 25:4

Wanaku masepae epe palenge dutupame nyakamanya lama dupa minao pao pituu, wele wakao mendatupa kamuu mandyoo peami.

Matyu 25:9

Dopa leaminopa, wanaku masepae epe palenge dutupame pii yanu pyakamaiyoo, ‘Wele datupame naimapi, nyakamapi pitaka kapa napapome-lamona, wele salimi lengema dupa-kisa nyakama waka sambala pupa’ leami.

Roma 2:13

Mosesanya loo dupa kaleme iki singi endakali dupa Goteme tolataena nalata. Mosesanya loo dupame lelyamoli pingi endakali dupa baame tolataena lata.