Matyu 7:22 - Enga Niu Tesamene

²² Yuu etatamo gii dokopa, endakali longome namba langyoo, ‘Kamongo, Kamongo, naimame embanya kenge dokonya tanga dopale mende pitana lao pii lamaiyama. Naimame embanya kenge dokonya imambu koo longo mendapu watao piama. Naimame embanya kenge dokonya mirakolo longo mendapu piamakana’ latami.

Matyu 7:22 Referans Kwoze

2 Timoti 1:12

Tenge dokonya, namba tanda nao kalyo. Dopaka doko, nambame tungi pingi Gote doko nambame masingi. Namba kalai dake pyaale lao diamo Gote dokome yakinala naeyao, kalai dake isoo katao yuu etata gii dokonya tuu lapengena lao nambame masilyo. Tenge dokonya, namba elya nakaelyo.

2 Timoti 4:8

Tolao yapenge Kamongo dokome endakali tolatae dupa nyepenge kiŋi balu indupa kaiti-kisa depa lanya setelyamo dupanya, yuu etata gii dokopa nambanya doko peakata. Namba iki dyaa naeyata, baa ipatana lao nee kaeyao malisoo kalyamino endakali dupa apata maitaka.

Jone 11:51

(Pii doko baa tangeme masoo nalea. Baa ee kana dokonya prisa mupa katea dokomena, Juu tata dupa pitakanya panda nyoo Jisasa kumatana lao propesi pii lea.)

1 Tesalonaika 5:4

Dopaka doko, kaimii paluma, nyakama iminjetae dokonya nakalyamino dokonya, pake nenge mende epengeli pyoo gii doko nyakama-kisa naipata.

Luku 10:12

Goteme endakali dupa yapatamo gii dokopa Sodomo tange dupa tanda andake maitaka doko, nyakamanya mokonya yuu kunao nepatami taono dokonya tange dupa tanda eteteaka andake maitana lao nambame nyakama langilyona” lea.

Matyu 25:11

Maitakao wanaku mapukae yangi dutupa ipupala lao pituu, ‘Kamongo, Kamongo, naimanya kaitini lumbakapoko’ leami.

Matyu 24:36

“Dutupa pipenge yuu giipa, awapa dolapo endakali mendeme masala naenge. Enjele kaiti-kisa katengema dupame apata masala naengemaka. Nambanya Takange dokome iki masingi.

Matyu 7:21

“Namba lao, ‘Kamongo, Kamongo’ lengema endakali dupa pitaka kingdom kaiti-kisa singi dokonya kolandala naeyatami. Nambanya Takange kaiti-kisa katenge dokome masingili pingima endakali dupa iki kolandatami.

2 Timoti 1:18

Epesusa katao baame kaitini longo mendapuanya namba nisiamo doko embame auu pyoo masilyino. Dopana, yuu etata gii dokopa, Kamongome baa kondo kaeyapya laka lao masilyo.

Matyu 10:15

Goteme endakali dupa yapatamo gii dokopa Sodomopa, Gomorapa tange dupa tanda andake maitaka doko, nyakamame yuu lyanda lanya setatami taono dokonya tange dupa tanda eteteaka andake maitana lao nambame nyakama kiningi langilyona” lea.