Matyu 6:2 - Enga Niu Tesamene

² Mana tolatae miningi manemane pingima endakali dupame nyakama lalyimili lao masetala, lotuu andapi, taononya kaitini yakanepi, dupanya endakali daa jepae dupa panao maingima. Nambame nyakama kiningi langilyo: Dopa pingima endakali dupame nyakamanya yole doko nyepelyaminona, embame dopa napipi.

Matyu 6:2 Referans Kwoze

Matyu 6:5

“Embame loma sete gii dokopa, endakali mana tolatae miningi manemane pingima dupame loma singimali pyoo sala naeyape. Dupame lotuu andapi, taononya kaitini kembopi dupanya katao, endakali dupame kandena lao loma simu laka lao masingima. Nambame nyakama kiningi langilyo: Dopa pingima endakali dupanya yole dupa nyepelyamino.

Matyu 6:16

“Nyakamame loma soo nee nanao katao, mana tolatae miningi manemane pingima dupame pingimali pyoo, enomba kumala naeyalapape. Dokaita nee nanao kalyamini-lamo lao endakali dupame kandena lao, dokaita enomba kumapae paengema. Dopa pingima endakali dupame nyakamanya yole doko nyepelyaminona lao nambame nyakama kiningi langilyo.

Jone 5:41

Namba endakalimi lalyina lao nakalyo.

Ibru 13:16

Mana epe miningi dokopa, nyakamanya oapi dupa mokosingi dokopa, dolapo kame nasalapape. Kalai dopale dupa kundi joo Gote maingisa, Goteme auu kaenge.

Luku 20:46

“Mosesanya loo mana nyepae dupa nyakamame wandyoo kalyepape. Dokaita yonge pee londe pyoo petala kaitini paeyalanya auu kaengema. Maketa dupanya endakali dupame dokaita mambo pyao kingi nyimi laka lao masingima. Lotuu anda dupanya toko enomba nyoo dupanya pitimu laka lao masingima. Nee andake nelyami dupanya enomba nyoo pitimu laka lao masingimaka.

Jone 7:18

Endakali mendeme baanya kyetome pii lelya dokome, baa tange kenge andake nyotoo lao lenge. Dopaka doko, endakali mendeme baa epena leamo akali doko kenge andake nyina lao kiningi pii lenge. Endakali doko-kisa mana koeyapae mende nasingi.

1 Pita 4:11

Gotenya pii doko lamaina lao endakali mende kyeto maita dokome, Gotenya pii doko lamailyona lao masoo lamaipenge. Endakali nisina lao endakali mende kyeto maita dokome, Goteme kyeto maitali pyoo endakali dupa nisepenge. Nyakamame dopa pitaminopa, Jisasa Kraisa-kisa Gote kenge andake nyeta. Tii pipae dokopa, kyeto dokopa, dolapo tanga-tangapi baanyaka. Doko kiningi.

Epesusa 4:28

Indupa pituu, pake nenge dupame pake nala naenya, daa jepae dupa mokosoo maimana lao, nyakamanya kingimi lekeleke tao kalai epe pitami dupame muni nyepenge.

Galesia 2:10

Dopa latala, pii mendai leami dokome, endakali daa jepae dupa yakinala naeyao nisoo kalyepape leami. Dopa leami doko, nambame nee kaeyao kalai pyoo kateo dokoaka lao leami.

Aposole 10:4

Dokopa baa paka kaeyao kandatae sepala lao pituu, “Akali Andake, embame aipa latoo lao lelyepe?” lea. Dopa leamopa enjele dokome baa lamaiyoo, “Embanya loma singipi, endakali daa jepae dupa nisingipi, dupa baa opaa dilyinona lao Goteme masetae kalyamo.

1 Timoti 6:18

Yuunya kamongo dupame mana epe minao, kalai epe dupa longo lao pyoo, pyakilyala naeyao endakali dupa longo lao mokosoo maiyanya depa latae katena lao lamaipiaka.

Roma 12:8

Akali mende baa endakali mona sakatasakamaingi kalai doko maitae-tamo doko, baame auu pyoo endakali dupanya mona sakatasakamaipenge. Akali mende baanya oapi dupa endakali mokosoo maingi kalai doko maitae-tamo doko, baame mona epe paliu mokosepenge. Akali mende baa isingi kalai doko maitae-tamo doko, baame isokondape pyoo isoo katapenge. Akali mende baa endakali kondo kaenge kalai doko maitae-tamo doko, baame eteke pyao kondo kaeyapenge.

Aposole 24:17

Namba yuu dake yakinatala, ee kana longo yuu waka dupanya kateo. Katapala namba tata daa jepae, yuu dakenya kalyamino dupa nisepae maiyoo, Gote kundi maiyoo pyaanya epeo.

Aposole 10:31

Akali dokome namba langyoo, ‘Koniliasa, embanya loma sipino doko Goteme sepelyamo. Embame endakali daa jepae dupa nisingi dupa Goteme kandatala masetae kalyamo.

Aposole 10:2

Baapi, baanya palupi, dupame Gote paka kaeyao lotuu lao katengema. Baame endakali daa jepae dupa longo lao nisetapu, koteaka lao Gote loma soo katenge.

Aposole 9:36

Jopa dokonya disaipolo enda Tabita lenge mende petea. (Baa Giriki piimi Dokasa lengema.) Baame koteaka lao oapi dupa endakali daa jepae dupa maiyoo, mana epe minao petea.

Jone 13:29

Judasame muni bokosa doko isingi dokonyana, nee andake napenge dokonya nee daa jeta mendapu sambala pena lelyape, pande endakali daa jepae dupa nisoo oapi mendapu maiya pena lelyape lao yangi dupame masiami.

Jone 5:44

Gote mendai iki dokome nyakama kenge andake dina lao kaitini kutala naenya, nyakama-lapo kenge andake mai-mai pyoo katengema dokome, aipa petala nyakamame namba tungi pyatami?

Luku 6:42

Embanya lengenya ita lyoo andake mende seta doko kanja naeyao, aipa petala embanya kaiminingi doko lamaiyoo, ‘Kaimii, embanya lengenya kuni yakane mende silyamona, nyakatoo kae’ late? Emba mana tolatae miningi manemane pingi dokome, wambao embanya lengenya ita lyoo andake silyamo doko nyoo nepape. Dokopa emba lenge auu pyoo tao, embanya kaiminingi dokonya lengenya kuni yakane seta doko nyoo nepakamaitina” lea.

Make 12:39

Lotuu anda dupanya toko enomba nyoo dupanya pitimu laka lao masingima. Nee andake nelyami dupanya enomba nyoo pitimu laka lao masingimaka.

Pilemone 1:7

Kaimii, embame endakali Gotenya latae dupa auu kaeyapala, dupanya mona auu pisakamaingi dokome naima kyeto dimupa, longo lao Gote yaka pilyino lelyamano.

1 Tesalonaika 2:6

Nyakamapi, endakali wakapi, dupame naima lalyimili lao masala naeyama. Naima Kraisanya aposole dupame nyakama kenda pisoo katapenge jiamoaka doko,

Aposole 11:29

Dokopa disaipolo Antioko kateami dupame nyakama-kisa setali pyoo, Kristene kaiminingi Judia kateami dupa nisoo maimanana leami.

Luku 13:15

Dopa leamopa Kamongome baanya pii yanu pyakamaiyoo, “Nyakama mana tolatae miningi manemane pingima dupa pitakame Sambata gii dokonya nyakamanya kaowapi, dongipi mende nee nenge panda dokonya anjetae kalyamo doko tata latala, endaki nena lao laminao napengemape?

Luku 12:56

Nyakama kiningi kandenge manemane pipae dupame yuupa, kaitipa dolapo kandatala, taita dopa pita-lamo lao kandengemaka doko, indupa gii dakepa pilyamo dupa aipuma nyakamame dopa pilyamo lao nakandelyamipi?” lea.

Luku 12:33

Nyakamanya oapi dupa salimi latala, endakali daa jepae dupa maiyepape. Dopa pitami dokome, nyakamanya munipi, oapi epepi, etala naenge dupa nuu atingi jala naeyata mendenya mandipala kaiti-kisa setataminosa pita. Yuu dokonya pake nenge mende tengesa naepenge. Dupa neneme nao koeyasala naengeaka.

Luku 11:43

Nyakama Parasi dupa koeyatami. Lotuu anda dupanya nyakama enomba nyoaka pitimu laka lao masingima. Maketa dupanya endakali dupame nyakama mambo pyao kingi nyimi laka lao masingimaka.

Luku 11:41

Nyakamame mona katao endakali daa jepae dupa maiyepape. Dopa pitaminopa, nyakamanya oapi dupa pitaka kaimala napita.

Luku 6:24

“Dopaka doko, nyakama yuunya kamongo dupa koeyatami. Nyakamanya mona tambo lasepenge dupa nyepelyamino.

Make 7:6

Dopa leaminopa Jisasame dokaitanya pii yanu pyakamaiyoo, “Nyakama mana tolatae miningi manemane pingima dupa-pipa makande pyokondape pyoo Aisaiyame dapa lea: ‘Akali tata dakeme pii lelyamino dupame namba anda-anda singingima. Dopaka doko, dokaitanya mona dupa etete waka palengema. Endakalinya mana setapae dupa mana lelyamino dokome, dokaitame namba kiningi mambo pyala naengemana’ lao pepa pyapae silyamo.

Matyu 24:51

Ipupala akali andake dokome kalai akali koo doko kepapala, mana tolatae miningi manemane pingima dupa katatami panda dokonya katena lata. Panda dokonya endakali dupa ee lao, nenge giti-gato lao nao katatamina” Jisasame lea.

Matyu 23:6

Lotuu anda dupanya lotuu lelyamipi, nee andake nelyamipi, dupanya dokaita enomba nyoaka pitimu laka lao masingima.

Matyu 22:18

Dopa leaminopa, Jisasame dokaitanya koo kalai pimana lao masiamino doko kandatala, baame lao pituu, “Nyakama mana tolatae miningi manemane pingima dupame aipuma namba makande pilyami?

Matyu 16:3

Yuu yongelyamopa, nyakamame lao pituu, ‘Kaiti kate pyatala kopa longo silyamo dokonya, aiyuu ipapome-lamona’ lengema. Nyakamame kaiti doko kandatala, taita dopa pita-lamo lao dii tambao lengemaka doko, indupa gii dakepa pilyamo dupa nyakamame dii tambao kapa nalelyamino.

Matyu 15:7

Nyakama mana tolatae miningi manemane pingima dupa-pipa makande pyokondape pyoo Aisaiyame dapa lea:

Matyu 7:5

Emba mana tolatae miningi manemane pingi dokome, wambao embanya lengenya ita lyoo andake silyamo doko nyoo nepape. Dokopa emba lenge auu pyoo tao, embanya kaiminingi dokonya lengenya kuni yakane seta doko nyoo nepakamaiti.

Matyu 5:18

Nambame nyakama kiningi langilyo: Yuupa kaitipa dolapo etala naeyatamopa, Mosesanya loo dupanya kuki etete mendaipi mende alu napita. Dupa alu napyoo soaka pao, dupa pitaka pyoo etatamo gii dokonya tuu lata.

Matyu 6:3

Embame endakali daa jepae dupa kingi tolaetename maiyoo pituu, kingi koeyatename nakandena lao yalo pyoo maipi. Dopa pitinopa, yalo pyoo pingi dupa kandenge, embanya Takange dokome emba yole mende panao ditana” lea.

Matyu 23:5

Dokaitame kalai pilyami dupa pitaka endakali dupame kandamili lao masoo pingima. Dupame loma salanya pau andakele pyoo wasepae dupa pisoo paengema. Dokaitanya yonge pee kisa pingi dupanya punanya yati pipae londe pyoo anjinya pyandatae dupa pyoo paengemaka.

1 Korina 13:3

Nambanya oapi dupa pitaka endakali daa jepae dupa mokosoo maitopapi, nambanya yonge doko yangao kumasina lao yakana latopapi, endakali auu kaenge doko namba-kisa nasetamo doko, namba nisepae mende nyala naeyato.