Matyu 5:44 - Enga Niu Tesamene

⁴⁴ Dopaka doko, nambame nyakama dapa langilyo: Nyakamanya yandapipi dupa auu kaeyalapape. Nyakama Goteme koeyasina latami endakali dupa pii epe lamaiyepape. Nyakama imbu kaeyatami endakali dupa auu pisalapape. Nyakama pii koo lao tanda dyoo koeyasetami dupanya loma sakamaiyepape.

Matyu 5:44 Referans Kwoze

Roma 12:14

Nyakama tanda dyoo koeyasetami endakali dupa Goteme koeyasina laa naenya, auu pisina lapape.

1 Pita 3:9

Nisepae mende nyetaminopa lao Goteme nyakama wii lao nyia. Dopana, endakali dupame nyakama koo pingitaminopa, nyakamame itingi koo pimaiya naeyalapape. Endakali dupame nyakama pii koo lataminopa, itingi pii koo laa naenya, pii epe lapape.

Luku 23:34

Pyao yukuiyaminopa Jisasame lao pituu, “Apane, dakaitame masala naeyao pilyaminona, dupanya koo dupa kame sakamaipi” lea. Dokopa amii dupame baanya yonge pee dupa mokosoo nyemana latala laki piami.

1 Pita 2:23

Endakali dupame baa pii koo leaminopa, baame itingi pii koo mende nalea. Baa tanda nyoo pituu itingi yanu pyatona laa naenya, baanya lete katenge doko Gote etete tolao yapenge dokonya kingilyaka yakinea.

Aposole 7:60

Dopa latala, baa luma lakapala puu lao, lao pituu, “Kamongo, dakaitame koo pilyamino dakenya embame yanu pyala naeyape” lea. Dopa latala baa kumia.

Jone 13:34

Mana enenge mende nambame nyakamanya setekelyo doko dake: Nyakama-lapo mende auu kae-kae pyoo kalyepape. Nambame nyakama auu kaelyoli pyoo, nyakama-lapo mende auu kae-kae pyoo kalyepape.

1 Tesalonaika 5:15

Endakali mendeme endakali mende-kisa koo pitamopa, itingi yanu pyao koo napina lao lamaiyepape. Koteaka lao nyakama-lapopi, endakali wakapi, dupa pitaka-kisa nyakamame mana epe minao kalyepape.

Aposole 16:28

Dopa piamopa Polome puu lao wii lao, “Naima pitaka dakenya palelyamanona, emba tange koeyasala naenya kae” lea.